استانادا قازاق كۇرەسىنىڭ حالىقارالىق فەدەراتسياسىن قۇرۋ شەشىمى قابىلداندى, دەپ حابارلايدى vesti.kz ءتىلشىسى.
بۇگىن, 21 اقپاندا ۇيىم قۇرىلتايشىلارىنىڭ كونگرەسسى ءوتتى. بۇل جيىنعا 35 ەلدىڭ دەلەگاتتارى قاتىستى, ولاردىڭ اراسىندا گانا, كۋبا, جاڭا زەلانديا, سەربيا, ۋرۋگۆاي سەكىلدى مەملەكەتتەر بار. وتىرىس كەزىندە قۇرىلىپ جاتقان قازاق كۇرەسى حالىقارالىق فەدەراتسياسىنىڭ باسشىلىعى تاڭدالدى جانە الداعى ءتورت جىلعا جۇمىس جوسپارى مەن جارعىسى بەكىتىلدى.
حالىقارالىق فەدەراتسيا پرەزيدەنتى بولىپ ەنەرگەتيكا ءمينيسترى قانات بوزىمباەۆ تاعايىندالدى. بەلگىلى پالۋاندار جاقسىلىق ۇشكەمپىروۆ جانە داۋلەت تۇرلىحانوۆ ۆيتسە-پرەزيدەنت بولدى.