20 اقپان كۇنى قىزىلوردا وبلىسىنىڭ اكىمى قىرىمبەك كوشەرباەۆ ايماق تىنىسىمەن تانىسۋ ماقساتىندا ەكى كۇندىك ساپارمەن كەلگەن «ىنتىماقتاستىققا ىقپال جاساۋ جونىندەگى قازاقستان-كورەي ورتالىعى» اق ديرەكتورى ۆۋ دجونگ حي حانىممەن كەزدەستى. كەزدەسۋ بارىسىندا اۋىل شارۋاشىلىعىن دامىتۋ, قىزىلوردا قالاسىنداعى جاڭا اۋەجايدى دامىتۋ جانە سىرداريا وزەنىنىڭ سول جاعالاۋىنداعى قۇرىلىس ماسەلەلەرى بويىنشا جوبالار تالقىلاندى.
ايماق باسشىسى ۆۋ حانىمعا ىنتىماقتاستىقتىڭ الەۋەتتى سالالارى مەن ينۆەستورلارعا بەرىلەتىن پرەفەرەنتسيالار تۋرالى ايتىپ بەردى.
كەزدەسۋ قورىتىندىسى بويىنشا تاراپتار ىنتىماقتاستىق تۋرالى مەموراندۋمعا قول قويدى.
19 اقپان كۇنى قازاقستان-كورەي ورتالىعىنىڭ وكىلدەرى جاڭاقورعان اۋدانىنىڭ اگرارلىق ونەركاسىبىمەن, وڭىرلىك كاسىپكەرلەر پالاتاسىنىڭ قىزمەتىمەن جانە «جان-اراي جەم» جشس زاۋىتىنىڭ جۇمىسىمەن تانىسىپ, ايماقتاعى كارىس دياسپوراسىمەن كەزدەستى.