«بارسەلونا» فۋتبول كومانداسىنىڭ شابۋىلشىسى ليونەل مەسسي كلۋب باسشىلىعىنان ليۋكا دين, جەرەمي ماتە جانە اندرە گومەشتى ساتىپ جىبەرۋدى تالاپ ەتتى. بۇل تۋرالى donbalon.eu حابارلادى.
ەگەر مەسسيدىڭ بۇل تالابى ورىندالماسا, جاڭا كەلىسىمشارتقا وتىرۋدان باس تارتپاق. كوماندانىڭ باس جۇلدىزى بىرەر اپتا بۇرىن فرانتسيانىڭ «پاري سەن جەرمەن» ۇجىمىنان ويسىراي ۇتىلعانىنان كەيىن كلۋبتاعى جاعدايعا كوڭىلى تولار ەمەس.
دين مەن گومەش وتكەن جىلى جازدا «بارسەلوناعا» كەلگەن. ال ماتە 2014 جىلى «ۆالەنسيادان» كوشىپ كەلگەن.
ايتا كەتەيىك, ليونەل مەسسي مەن كاتالوندىق كلۋب اراسىنداعى كەلىسىمشارت مەرزىمى 2018 جىلدىڭ جازىنا دەيىن جارامدى. «كوك-انارلىلار» ارگەنتينالىققا جالاقاسى جوعارى جاڭا كەلىسىمگە قول قويۋدى ۇسىنعان.
14 اقپان كۇنى چەمپيوندار ليگاسىنىڭ 1/8 فينالىندا پاريجدە وتكەن ويىندا پسج-دان 0:4 ەسەبىمەن ۇتىلعان. قارىمتا كەزدەسۋ 8 ناۋرىز كۇنى بارسەلونا قالاسىندا «كامپ نوۋ» ستاديونىندا وتەدى.