2017 جىلى بىرىڭعاي زەينەتاقى قورىنان تەمىرجول ماشينا جاساۋ سالاسىنا 50 ميلليارد تەڭگە اقشا بولىنەدى. بۇل تۋرالى قر ينۆەستيتسيالار جانە دامۋ مينيسترلىگىنىڭ القا وتىرىسىندا ۆيتسە-مينيستر البەرت راۋ مالىمدەدى, دەپ جازادى abctv.kz.
سول ارقىلى سۋ جاڭا ءۇش مىڭ ۆاگون شىعارالىپ, تاسىمال سالاسىندا تۋىنداعان سۇراقتاردى شەشۋ كوزدەلىپ وتىر. سونداي-اق ۆيتسە-مينيستر قۇرىلىس سالاسىندا كومپانيالاردىڭ وتاندىق ونىمگە كوڭىل ءبولىپ, قازاقستاندىق كومپانيالارعا قولداۋ كورسەتۋ جاعىن ەسكەرتتى.
«وتكەن جىلى ءبىز قۇرىلىس ءۇشىن سىرتتان 600 توننا تسەمەنت ساتىپ الدىق. ماڭعىستاۋ وبلىسىنداعى زاۋىت باتىستى تۇتاستاي تسەمەنتپەن قامتۋعا قاۋقارلى. بولاشاقتا ىشكى نارىقتى وتاندىق ونىممەن قامتۋ كەرەك. القالى جيىندا سونداي-اق «بايتەرەك» ۇلتتىق حولدينگىنىڭ باسقارما توراعاسى ەربولات دوساەۆ كومپانيانىڭ جۇيەسىندە قايتا قۇرۋ بولاتىنىن جەتكىزدى. ەندى حولدينگ ەلباسىنىڭ تاپسىرماسى بويىنشا ينۆەستيتسيا تارتۋعا باسىمدىق بەرىپ, قارجىلىق قىزمەتتىڭ ءبىر تەرەزە قاعيداتى بويىنشا جۇمىس ىستەمەك. بۇل قادام سونداي-اق حولدينگكە ەنشىلەس كومپانيالاردىڭ جاۋاپكەرشىلىگىن ارتتىرۋعا باعىتتالعان. جاڭا قۇجات ەكىنشى ناۋرىزعا دەيىن دايىن بولادى», – دەدى قر ينۆەستيتسيالار جانە دامۋ ءمينيسترىنىڭ ورىنباسارى البەرت راۋ.
«بيزنەستىڭ جول كارتاسى 2020 كاسىپكەرلىكتى قولداۋ جوباسى ءوز ءىسىن جالعاستىرادى. 2016-شى جىلى مەملەكەتتىك دامۋ باعدارلاماسى شەڭبەرىندە ءىرى جوبالارعا قارجى ءبولۋ ءۇشىن حولدينگ قازاقستاننىڭ دامۋ بانكى ارقىلى ۇلتتىق قوردان, رۋسپۋبليكالىق بيۋدجەتتەن جانە بىرىڭعاي ۇلتتىق زەينەتاقى قورىنان 295 ميلليارد تەڭگە قاراجات العان», – دەپ اتاپ ءوتتى «بايتەرەك» ۇبح باسقارما توراعاسى ەربولات دوساەۆ.