بۇگىن وڭتۇستىك قازاقستان وبلىسىنىڭ اكىمى ج.تۇيمەباەۆتىڭ توراعالىعىمەن وبلىس اۋماعىندا كوكتەمگى سۋ تاسقىنىن الدىن الۋ جۇمىستارى بويىنشا وقو توتەنشە جاعدايلار دەپارتامەنتى قىزمەتى مەن اۋدان, قالا اكىمدەرىنىڭ قاتىسۋىمەن سەلەكتورلىق ءماجىلىس ءوتتى.
جيىندا وڭىردەگى سۋ قويمالاردىڭ احۋالى, كوكتەمگى سۋ باسۋعا, سەل, قار كوشكىنى جانە سىرعىمالاردىڭ الدىن الۋدى قامتاماسىز ەتۋ بويىنشا دايىندىق ءىس-شارالارى قارالدى.
وندا وقو توتەنشە جاعدايلار دەپارتامەنتىنىڭ باستىعى ن.دەربيسوۆ بۇگىندە سۋ تاسۋ قاۋپى بار دەگەن شاردارا, كوكساراي سۋ رەتتەگىشى جانە وبلىس اۋماعىنان وتەتىن سىرداريا وزەنىنە زەرتتەۋ جۇمىستارى جۇرگىزىلگەنىن باياندادى.
زەرتتەۋ ناتيجەسىندە شاردارا سۋ قويماسىنا 4 ملرد.077 ملن. م3 سۋ جينالعانى انىقتالعان. تولۋى 78% -دى قۇراپ وتىر. تاۋلىگىنە كەلىپ جاتقان 1500 تەكشە مەتر سۋدى ەسەپكە العاندا, سۋ تولۋ قاۋپى بار. قويما تولعان ۋاقىتتا ارتىق سۋ سىرداريا وزەنىنە تاستاۋ جوسپارلانۋدا.
وسى رەتتە, «قازسۋشار» رمك وقو فيليالىنىڭ ديرەكتورى م.ەگەنوۆ كازگيپروۆودحوز مەكەمەسى 28 اقپانعا دەيىن شاردارا سۋ قويماسىنا 5 ملرد. 200 م3 سۋ جيناۋعا رۇقسات بەرۋى مۇمكىن ەكەندىگىن ايتتى.
«اپتا ىشىندە توتەنشە جاعدايلار دەپارتامەنتىنە 3 داۋىلدى ەسكەرتۋ تۇسكەن. ول بويىنشا قالا, اۋدان اكىمدەرىنە جوعارى ازىرلىك رەجيمىنە ءوتۋ جانە اۋماقتى دايىندىققا كەلتىرۋ جونىندە نۇسقاۋلىق حاتتار جولدانىپ, راديو, تەلەارنالار مەن ۇيالى تەلەفونعا سمس حابارلاما ارقىلى حالىق قۇلاقتاندىرىلعان»,-دەدى ن.دەربيسوۆ.
ماجىلىستە ءسوز العان ءوڭىر باسشىسى كۇن تارتىبىندە كوتەرىلگەن ماسەلە بويىنشا ءار اۋداندا اتقارىلىپ جاتقان جۇمىستاردى پىسىقتاپ, بىرقاتار ناقتى تاپسىرمالار بەردى.
سونداي-اق, اكىم جاۋىن-شاشىن كەزىندە ارىق-اتىزدار ارناسىنان تاسىپ, كەيبىر كوشەلەردى سۋ باساتىنىن. بۇل شاھارداعى يرريگاتسيالىق جۇيەلەردىڭ دۇرىس ىستەمەيتىندىگىنىڭ سالدارىنان ورىن الىپ وتىرعان جاعداي ەكەنىن ايتتى.
وسى تۇستا ج.تۇيمەباەۆ قالا اكىمىنە شىمكەنتكە قوسىلعان ەلدى مەكەندەردىڭ كارتاسىن ازىرلەپ, ارىق اتىزدار سالۋ ءۇشىن زەرتتەۋ جۇمىستارىن جۇرگىزۋدى تاپسىردى. سونىمەن قاتار, وبلىس پەن قالاعا شاھاردىڭ يرريگاتسيالىق جۇيەسىن رەتتەۋ ماقساتىندا ارنايى كارتا سحەماسىن دايىنداۋدى جۇكتەدى.
جيىندى قورىتىندىلاعان ايماق باسشىسى وزەندەر مەن سۋ قويمالارىنا كۇندەلىكتى مونيتورينگ جۇرگىزىپ, قاتاڭ باقىلاۋعا الۋدى. توتەنشە جاعدايلار ورىن العان كەزدە مالىمەتتەر شۇعىل تۇردە وبلىس اكىمىنىڭ اپپاراتىنا جانە توتەنشە جاعدايلار دەپارتامەنتىنە ۇسىنۋدى. سۋ قويمالارىنىڭ قاۋىپسىز تولتىرۋ رەجيمىنىڭ ساقتالاۋىن قامتاماسىز ەتۋدى جانە اۋدان, قالالاردىڭ قاۋىپتى ايماقتارىنداعى قورعانىس بوگەتتەرىن تەكسەرۋدى. توتەنشە جاعداي ورىن الۋى مۇمكىن ايم¬اقتارداعى حالىققا اقپاراتتىق ءتۇسىندىرۋ جۇمىستارىن جۇرگىزىپ, وزەندەردەن باستاۋ ال¬اتىن ارنالاردى شۇعىل تازالاپ, كەز كەلگەن جاعداي ءۇشىن قاجەتتى قۇرالداردىڭ دايىن بولۋىن تاپسىردى.
سونداي-اق, اكىم توتەنشە جاعداي كەزىندە ءاربىر ءۇيدى ساقتاپ قالۋ جاعدايىن قاراستىرۋدى نازارعا الىپ, كوكتەمگى سۋ تاسقىنىن بولدىرماۋدىڭ بارلىق مۇمكىندىگىن قاراستىرۋ قاجەتتىگىن وسى سالاعا جاۋاپتى ورىنباسارى ج.بوكەنباەۆقا مىندەتتەدى.
"كازگيدرومەتتىڭ" حابارلاۋىنشا, الداعى ءبىر ايدا وبلىستا جىلىلىق +15 گرادۋسقا دەيىن كوتەرىلەدى. ال تاۋلى ايماقتاردا 1,5 مەترگە دەيىن قار جاتىر. بىراق قاردىڭ كۇرت ەرۋ قاۋپى جوق.