مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنداعى ءبىرىنشى باسىمدىق – تەحنولوگيالىق جاڭعىرۋعا بايلانىستى ورال قالاسىندا «Smart City – اقىلدى قالا» جوباسى قولعا الىندى.
"باتىس قازاقستان وبلىسى تۇرعىندارىنىڭ تەڭ جارىمى قونىس تەپكەن ورال قالاسىن ادامدارعا قولايلى, قاۋىپسىز ەتۋىمىز كەرەك", دەپ مالىمدەدى ءوڭىر باسشىسى التاي كولگىنوۆ.
اكىمنىڭ ايتۋىنشا, جوبانىڭ «قاۋىپسىز قالا» باعىتى بويىنشا قالا كوشەلەرى مەن اۋلالارعا 300 كامەرا ورناتىلماق. مەملەكەت-جەكە مەنشىك ارىپتەستىگى نەگىزىندە جول بويىن جارىقتاندىرۋ ءجۇيەسىن جاڭارتۋ جوباسى دايىندالعان. جولاۋشىلار تاسىمالدايتىن قوعامدىق كولىكتەردى سمارتفوننان ونلاين باقىلاۋعا مۇمكىندىك بەرەتىن «2 GIS» جوباسى جاسالۋدا. سونداي-اق, بوس جۇمىس ورىندارى تۋرالى بۇكىل اقپارات جينالعان ونلاين پلاتفورما دا كوپشىلىككە قولجەتىمدى بولادى.
قازبەك قۇتتىمۇرات ۇلى,
«ەگەمەن قازاقستان»
ورال