مەملەكەت باسشىسى جايىلىمداردى ۇتىمدى پايدالانۋدى قامتاماسىز ەتۋگە, ولاردىڭ جاي-كۇيىن جانە ينفراقۇرىلىمىن جاقسارتۋعا, جايىلىمداردىڭ توزۋ پروتسەستەرىن بولعىزباۋعا باعىتتالعان «جايىلىمدار تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى اقوردانىڭ ءباسپاسوز قىزمەتى.
سونىمەن قاتار پرەزيدەنت نۇرسۇلتان نازارباەۆ زاڭنامانى «جايىلىمدار تۋرالى» قازاقستان رەسپۋبليكاسىنىڭ زاڭىنا سايكەس كەلتىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جايىلىمداردى پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
اتالمىش زاڭداردىڭ ماتىندەرى باسپاسوزدە جاريالانادى.