جاپونيانىڭ ساپپورو قالاسىندا VIII قىسقى ازيا ويىندارىنىڭ ەكىنشى كۇنى اياقتالدى.
ەكى كۇننىڭ قورىتىندىسى بويىنشا جالپىكوماندالىق ەسەپتە 14 (6 التىن, 3 كۇمىس, 5 قولا) مەدالى بار وڭتۇستىك كورەيا سپورتشىلارى كوش باستاسا, ەكىنشى ورىنعا 12 جۇلدەسىمەن (3 التىن, 5 كۇمىس, 4 قولا) جاپونيا تۇراقتادى. ال ۇشتىكتى قىتاي سپورتشىلارى (3 التىن, 3 كۇمىس, 3 قولا) تۇيىندەپ تۇر. ازىرگە قورجىنىندا جالعىز كۇمىسى بار قازاقستان قۇراماسى – ءتورتىنشى ورىندا.
ايتا كەتەيىك, بۇگىن شاڭعىشى ەلەنا كولومينا كلاسسيكالىق جۇرىسپەن جەكە سپرينتتە (1,4 شاقىرىم) كۇمىس جۇلدەگە قول جەتكىزگەن.