ەڭ قارقىندى دامۋشى قالالار ءتىزىمىنىڭ كوش باسىندا ءۇندىستاننىڭ بانگالور قالاسى. ال ەكىنشى ورىندا ۆەتنامداعى حوشيمين. ۇزدىك ۇشتىكتە بۇلاردان كەيىن سيليكون الابى, دەپ جازادى JLL Cities Research Center ورتالىعى.
ءتىزىمدى قۇرۋ ءۇشىن ساراپشىلار حالىق سانىن, ءجىو ءوسىمىن, اۋە قاتىناسىن, جىلجىمايتىن م ۇلىككە, ونەركاسىپكە جانە وزگە دە سالالارعا سالىنعان ينۆەستيتسيا كولەمىن ەسكەردى.
ساراپشىلاردىڭ باعالاۋىنشا, ەڭ باستى بەس كريتەري: جىلجىمايتىن م ۇلىككە ينۆەستيتسيا تارتۋ, قالا بيلىگى ىقپارىنىڭ ءوسىمى, تەحنولوگيالىق ديناميكا, ەكولوگيالىق ماسەلەلەردىڭ شەشىلۋى مەن جاھاندانۋ قاتەرلەرى.
بانگالوردا الەمدىك دەڭگەيدەگى IT ماماندارى مەن تەحنولوگيالىق كومپانيالارى شوعىرلانعان. سونىمەن قاتار, مۇندا ستارتاپتاردىڭ كوپتەپ شىعارىلىپ جاتقانى انىق. سول ءۇشىن دە جىلجىمايتىن م ۇلىك نارىعى قارقىن الۋدا.
ءحوشيميننىڭ ەكىنشى ورىن الۋىنا ىقپال ەتكەن سيپاتى مەديتسينالىق قىزمەتتىڭ جوعارى ساپالى ءتۇرىن ۇسىناتىن الەمدىك دەڭگەيدەگى امبۋلاتوريالىق كلينيكانىڭ بولۋى. سونىمەن قاتار ينفراقۇرىلىمنىڭ كوركەيۋىمەن بۇل جاقتا ەكونوميكا دا قارقىن الۋدا.
الەم بويىنشا جالعىز يننوۆاتسيالىق ەكوجۇيە سانالاتىن سيليكون الابى جوعارى تەحنولوگيالار سالاسىندا الەمدىك الپاۋىتتار ءۇشىن تارتىمدى بولىپ تۇر.
سونىمەن, ەڭ قارقىندى دامۋشى قالالاردىڭ ۇزدىك وندىعى تومەندەگىشە:
1. بانگالور
2. حوشيمين
3. سيليكون الابى
4. شانحاي
5. حايداراباد
6. لوندون
7. وستين
8. حانوي
9. بوستون
10. نايروبي