2016 جىلدىڭ قورىتىندىسى بويىنشا, جەڭىل ونەركاسىپ ءونىمىنىڭ كولەمى 1 پايىزعا ازايدى. بۇل تۋرالى Finprom.kz ساراپتاما اگەنتتىگى سىلتەمە جاساپ abctv.kz جازادى.
قيىن جاعدايعا تاپ بولعان سەكتورلاردىڭ ءبىرى رەتىندە بىلعارى ونىمدەرىنىڭ كاسىپورىندارى تىركەلگەن. وندا 2016 جىلى وتكەن جىلمەن (2015 جىلمەن) سالىستىرعاندا 13 پايىزعا از ءونىم جاسالعان.
سونداي-اق, دايىن كيىمدەردى شىعارۋ كورسەتكىشى 0,8 پايىزعا ازايدى. ءوندىرىس كولەمى ازايعانمەن, جەڭىل ونەركاسىپ اتالعان سەكتورداعى باعا 12 پايىزعا قىمباتتاۋى ەسەبىنەن العا جىلجىعان. ودان بولەك, ونەركاسىپ ورىندارىنىڭ سانى ازايىپ كەلەدى. 2016 جىلى جەڭىل ونەركاسىپتەگى بەلسەندى وندىرۋشىلەر سانى 27 پايىزعا كەمىپ, 79-دان 58-گە دەيىن ازايعان.
ونىڭ ىشىندە ەڭ كوپ قاتىسۋشىسىن جوعالتقان سەكتور رەتىندە 33 پايىز نەمەسە 12 كاسىپورىن جۇمىسىن توقتاتقان توقىما ءوندىرىسى تىركەلدى. كيىم ءوندىرۋشى كاسىپورىندار سەگىزگە ازايسا, بىلعارى ونىمدەرىن جاسايتىن التى كاسىپورىن عانا قالعان.