بيىل ۇبت-نى ۇيدە تاپسىرۋ سىناق رەجىمىندە ىسكە قوسىلادى

بيىل قازاقستاندىق مەكتەپ تۇلەكتەرىنە ۇبت-نى ۇيدە ونلاين تۇردە تاپسىرۋ سىناق رەجىمىندە ىسكە قوسىلادى. بۇل تۋرالى بۇگىن ۇكىمەت ساعاتىندا قر ءبىلىم جانە عىلىم ءمينيسترى ەرلان ساعاديەۆ مالىمدەدى.

«ءبىز جوعارى بىلىمگە قولجەتىمدىلىكتى وڭايلاتۋ قاجەت دەپ سانايمىز, بۇل ءبىزدىڭ فيلوسوفيامىز. بيىلعى جىلى ۇبت ۇيدە ءوتۋى مۇمكىن. ءبىز POS-تەرمينالداردى قوستىق, قازىر بالانىڭ ۇيدەن تولەم جاساپ, ۇبت ونلاين ءوتۋى ءۇشىن بانكتەرمەن كەلىسسوزدەر جۇرگىزىپ جاتىرمىز. كوپتەگەن مەكتەپتەر ۇبت سىنىپ فورماتىندا وتكىزۋ ءۇشىن كىتاپشالار سۇرايتىندىقتان, 300 مىڭ كىتاپشا باسىپ شىعاردىق. ەگەر كەرەك بولسا, تاعى 500 مىڭ كىتاپشا باسىپ شىعارامىز», – دەپ قوستى ە. ساعاديەۆ. ءمينيستردىڭ ايتۋى بويىنشا, ۇبت شەكتى دەڭگەيىنىڭ تومەندەۋى ناتيجەسىندە 2016 جىلى قوسىمشا 17 مىڭ بالا وقۋعا ءتۇستى. «ءبىز ۇبت-نى حالىقارالىق ستاندارتتار جاعىنا قاراي بىرتىندەپ وزگەرتۋىمىز قاجەت. وقۋشىلار ۇبت دايىندالماي, وقۋى كەرەك. بىرتىندەپ جاڭا ستاندارتتار ەنگىزىلىپ جاتىر. ول ەمتيحان جانە وعان دايىندالۋ مۇمكىن ەمەس. تەك 11 جىل بويى جاقسى وقۋ قاجەت», – دەپ حابارلادى ە. ساعاديەۆ.