قازاقستاننىڭ ورىس تىلىندە وقىتاتىن مەكتەپتەرى ءۇشىن قازاق ءتىلىن وقىتۋ ادىستەمەسى ازىرلەندى, وسى رەتتە قازاق ءتىلىن وقۋعا ارنالعان Soyle.kz ءموبيلدى قوسىمشاسى ازىرلەندى. بۇل جونىندە قر ءبىلىم جانە عىلىم ءمينيسترى ەرلان ساعاديەۆ پارلامەنت ماجىلىسىندە وتكەن ۇكىمەت ساعاتىندا مالىمدەدى.
«نازار اۋدارۋدى قاجەت ەتەتىن پروبلەمالاردىڭ ءبىرى – ورىس مەكتەپتەرىندە وقىپ, قازاق تىلىندە سويلەمەيتىن بالالار. بۇل مەكتەپتەر ءۇشىن جاڭا عىلىمي نەگىزدە ازىرلەنگەن دەڭگەيلىك كوممۋنيكاتيۆتىك ادىستەمە دايىن. بيىلعى وقۋ جىلىنان باستاپ ءبىز ونى جەكەلەگەن مەكتەپتەردە پيلوتتىق رەجيمدە ەنگىزۋدى باستايمىز», - دەدى مينيستر.
ونىڭ ايتۋى بويىنشا, ەگەر پيلوتتىق جوبا ءساتتى وتسە, 2018 جىلى بۇل ادىستەمەنى بارلىق مەكتەپتەردە ەنگىزۋگە بولادى.
«قازاقستاننىڭ ورىس تىلىندە وقىتاتىن مەكتەپتەرىندە سوزدىك مينيمۋمدارى ەنگىزىلىپ جاتىر. ەندى, ەڭ باستىسى, بالانىڭ قازاق تىلىندە جىلدام سويلەي باستاۋى قاجەت. قوسىمشا قازاق ءتىلىن وقۋعا ارنالعان Soyle.kz ءموبيلدى قوسىمشاسى ازىرلەندى. ونى جۇكتەپ الۋعا بولادى», - دەپ قوستى ەرلان ساعاديەۆ.
سونداي-اق, مينيستر ەلىمىزدىڭ بارلىق مەكتەپتەرىندە اعىلشىق ءتىلىن وقىتۋ تۋرالى دا ايتىپ ءوتتى. بيىل 12 مىڭنان استام ءپان مۇعالىمدەرىنىڭ مەكتەپتەن تىس تىلدىك كۋرستاردان ءوتۋى باستالادى.