وڭتۇستىك قازاقستان وبلىسىندا كاسىپكەرلىكتى دامىتۋ ماقساتىندا 2 ينۆەستيتسيالىق فورۋم وتەدى, دەپ حابارلادى وبلىس اكىمدىگىنىڭ ءباسپاسوز قىزمەتى.
جۇمىستاردى جانداندىرىپ, جولعا قويۋ ءۇشىن جىل سوڭىنا دەيىن 3 ينۆەستيتسيالىق فورۋم وتكىزۋدى جوسپارلاپ وتىرعانىن ايتقان جانسەيىت قانسەيتى ۇلى ونىڭ بىرەۋى اقپان ايىنىڭ باسىندا «قازاقستان-تۇركيا» ينۆەستيتسيالىق فورۋمى رەتىندە وتكەنىن ەسكە سالدى. 70 كومپانيانىڭ جەتەكشىلەرى قاتىسقان شارا اياسىندا 4 ىنتىماقتاستىق جونىندە مەموراندۋمعا قول قويىلعان بولاتىن.
وبلىس باسشىسىنىڭ مالىمەتىنشە, كەلەسى ەكىنشى فورۋم ءساۋىر ايىندا وتپەك. وندا قازاقستان مەن ساۋد ارابياسى ەلدەرىنىڭ 40-تان كومپانياسىنان كەلگەن وكىلدەردىڭ قاتىسۋىمەن ەكى جاقتى كەزدەسۋ ۇيىمداستىرىلاتىن بولادى. ال مامىر ايىندا "وntustik ءىnvest-2017" حالىقارالىق ينۆەستيتسيالىق فورۋمى جوسپارلانىپ وتىر. وعان 30 مەملەكەتتەن 700-گە جۋىق دەلەگات قاتىسادى دەپ كۇتىلۋدە.
بۇدان بولەك, ايماق اكىمى ماشينا جاساۋ, تۋريزم, اۋىل شارۋاشىلىعى, توقىما, "اقىلدى قالا" سالالارى بويىنشا ىنتىماقتاستىق ورناتۋ, تاجىريبە الماسۋ ماقساتىندا گەرمانيا, ۇلىبريتانيا, گرۋزيا, يسپانيا, يتاليا, تۇركيا, رەسەي جانە ت.ب. مەملەكەتتەرىنە رەسمي ساپار جوسپارلانىپ جاتقانىن جەتكىزدى.
ينۆەستورلاردىڭ وڭتۇستىكتە ورنىعۋى ءۇشىن بارلىق كومەك كورسەتىلەتىن بولادى.