قوستانايدا رەسەيدىڭ قازاقستانداعى ەلشىسىنىڭ كەڭەسشىسى ەلەنا لىسەنكو ۇلى وتان سوعىسىنىڭ ارداگەرى ۆاسيلي كوشتەنكونىڭ ۇلى مەن نەمەرەسىنە قىزىل جۇلدىز وردەنىن تابىس ەتتى. ول 17 جاسقا دا تولماعان كەزىندە تانكيست ۇرىسقا العاش قاتىستى.
«اكەمنىڭ تانكىسى 3 رەت وتقا ورانىپتى. ءوزى 1945 جىلى قاتتى جارالانادى دا, گوسپيتالدە 8 اي جاتىپ قالادى. سوعىستان كەيىن تاعى ءبىر جىل باسقا اسكەري بولىمدە قىزمەت ەتەدى. ونىڭ قۇجاتتارى وسى كەزدە جوعالىپ كەتسە كەرەك. اكەم ءوزىن بىرنەشە رەت ناگراداعا ۇسىنىلعانىن ايتقان بولاتىن. ول ىشتەي وردەنىن كۇتتى دە, بىراق وسى كۇنگە جەتە المادى» دەدى ۆاسيلي ەگوروۆيچتىڭ ۇلى الەكساندر كوشتەنكو.
ەلشى كەڭەسشىسى موسكۆا ءۇشىن بولعان شايقاسقا قاتىسقان ارداگەرلەرگە رەسەي پرەزيدەنتى ۆلاديمير پۋتين قول قويعان «موسكۆا ءۇشىن شايقاس. 75 جىل» توسبەلگىسىن تابىس ەتتى.
ءنازيرا جارىمبەتوۆا,«ەگەمەن قازاقستان»
سۋرەت kstnews.kz سايتىنان الىندى