19 اقپان كۇنى كەشكە استاناداعى «حايۆيلل» تۇرعىن ءۇي كەشەنىندە ورت بولىپ, 150 ادام, سونىڭ ىشىندە 50 بالا قاۋىپسىز جەرگە شىعارىلدى, دەپ حابارلايدى قازاقپارات.
«ساعات 21.10-دا الماتى اۋدانى, قوشقارباەۆ كوشەسى, 2 مەكەن جايىندا ورنالاسقان «حايۆيلل» تۇرعىن ءۇي كەشەنىنىڭ «ا-1» بلوگىندا ءتۇتىن شىعىپ جاتقاندىعى تۋرالى حابار كەلىپ ءتۇستى. انىقتالعانداي, ناسوستى بولمە-جايدا 60 شارشى مەتر اۋماقتا كابەل مەن قويماعا قويىلعان جيھازدار ورتەنىپ جاتتى. ءتىلسىز جاۋ 22.14-تە ءوشىرىلىپ, 22.35-تە تولىعىمەن اۋىزدىقتالدى. ءورت سالدارىنان ءيىس ءتيىپ ۋلانعان 1996 جىلى تۋعان ازاماتقا مەديتسينالىق كومەك كورسەتىلدى. 150 ادام قاۋىپسىز جەرگە كوشىرىلدى, ونىڭ 50-ءى - بالالار», - دەپ حابارلادى قر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
وقيعا ورنىندا استانالىق ورتكە قارسى قىزمەتىنىڭ 8 تەحنيكاسى مەن 35 ادامى, «102» جانە «103» قىزمەتتەرىنىڭ ماماندارى جۇمىس ىستەدى.