ءبىراۋىزدان قولداۋ تاپتى

پرەزيدەنت نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتى ءبولىپ بەرۋ تۋرالى ۇندەۋى مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن سولتۇستىكقازاقستاندىقتار دا ەلىمىزدىڭ باستى ساياسي قۇجاتى رەتىندە قابىل الىپ, سەرپىندى ىستەرمەن جاۋاپ بەرۋدى سەرت ەتىپ وتىر. «قازاقستان-2050» جالپى­ۇلت­تىق قوزعالىسىنىڭ باستا­ما­سى­مەن س.مۇقانوۆ اتىنداعى وب­لىستىق كىتاپحانادا جەرگىلىكتى بيلىك وكىلدەرىنىڭ, دەپۋتاتتار­دىڭ, ۇكىمەتتىك ەمەس ۇيىم­داردىڭ, ستۋدەنت-جاستاردىڭ باسىن قوسقان «جالپىۇلتتىق الاڭ» سۇحباتى ءوتىپ, ساياسي جانە ەكونوميكالىق رەفورمالار جان-جاقتى تالقىلاندى. اشىق پىكىر الىسۋ ءۇل­گى­سىندە وتكەن شارادا وبلىس­تىق ءماس­ليحاتتىڭ حاتشىسى ۆلا­ديمير بۋبەنكو حالىق قالاۋلىلارى ەل­باسى بەلگىلەگەن تاپسىرما­لاردى ورىنداۋدا جوعارى كا­سىبيلىك, جۇرتشىلىق اماناتىنا ادالدىق تانىتاتىندىعىن جەت­كىزدى. قازىرگى تاڭدا حالىق قالاۋ­لىلارى بيىلعى جىلعى ەڭ ماڭىز­دى قۇجاتتاردان تۋىندايتىن تا­لاپتاردى كەڭىنەن ءتۇسىن­دىرۋگە بەلسەنە اتسالىسىپ ءجۇر. جەر-جەرلەردە تۇرعىن­دار­مەن كەزدەسۋلەر ۇيىمداس­تى­رىلىپ, الەۋمەتتىك ماسەلەلەردىڭ ءبىرىنشى كەزەكتە شەشىلۋىنە باسا نازار اۋدارىلعان. وبلىس اكىمى اپپاراتىنىڭ باس­شىسى ماديار قوجاحمەت ەلدەگى دەموكراتيالىق وزگەرىس­تەرگە بايلانىستى بيلىكتى ور­تا­لىق­سىزداندىرۋ جۇمىسى جا­ڭاشا مازمۇنعا يە بولعانىن اتاپ ءوتتى. بيلىك تارماقتارى ارا­­سىندا وكىلەتتىكتى ءبولىپ بە­رۋ جەرگى­لىكتى اتقارۋشى ور­گان­­داردىڭ جاۋاپكەرشىلىگىن ارت­­تىرىپ, تالاپ پەن ءتارتىپتى كۇشەيتەدى. بۇل قاعيداتتاردى ويداعىداي جۇزەگە اسىرۋ ءبارى­مىزدىڭ باستى بورىشى­مىز بولماق. سوڭعى ەكى جىلدا ورتا­لىق مەملەكەتتىك ورگان­دار­دىڭ 100-گە جۋىق وكىلەتتىگى جەرگى­لىكتى اتقارۋشى ورگاندارعا بەرىل­گەن. الدا مەملەكەتتىك اپپا­رات­تىڭ ءتيىمدى جۇمىس ىستەۋىن قالىپ­تاستىرۋدىڭ, حالىق­پەن تى­عىز بايلانىس ورناتۋ­دىڭ ءتيىمدى جولدارىن تال­ماي ىزدەس­تىرۋ قاجەت. ءتۇرلى دەڭ­گەيدە­گى اكىم­دەردىڭ تۇرعىندار الدىن­دا بەرگەن ەسەبى بارىنشا اشىق­تىق­تى, مولدىرلىكتى قام­تا­ماسىز ەتىپ, ايتىلعان سىن-پىكىر­لەر مەن ارىز-شاعىمدار تۇراقتى باقى­لاۋعا الىندى. بىردە-ءبىر ماسەلە اياقسىز قالمايتىن بولادى. شارا بارىسىندا ەڭبەك ار­داگەرى يۆان چيركالين, كاسىپكەر سايران حامزين ەلدەگى ساياسي جانە ەكونوميكالىق جاڭعىرۋلارعا بايلانىستى ءوز كوزقاراستارىن ءبىلدىرىپ, ۇندەۋ مەن جولداۋ تالاپتارىن قولداۋعا شاقىردى. ءومىر ەسقالي, «ەگەمەن قازاقستان» سولتۇستىك قازاقستان وبلىسى