قازاقستان پرەزيدەنتى نۇرسۇلتان نازارباەۆ قازاقستان ءۇشىن شىن مانىندەگى تاريحي جاڭالىق بولعان عاجاپ ستراتەگيالىق بايلام جاساپ جانە الەمنىڭ دامۋ ديناميكاسىنا ءتان دەموكراتيالىق رەفورمالاردى ەنگىزۋ ارقىلى بۇكىل عالامنىڭ ساياسي ءومىرىن كەزەكتى رەت تاڭعالدىردى. بۇل رەفورما پرەزيدەنت, پارلامەنت جانە ۇكىمەت اراسىنداعى وكىلەتتىكتەردى كونستيتۋتسياعا ءوزگەرىس ەنگىزۋ ارقىلى ءبولۋ ءجانە ەلدى ساياسي تۇرعىدان دەموكراتيالاندىرۋ ءۇشىن جاسالىپ وتىر.
كونستيتۋتسيالىق وزگەرىستەر قازاقستان ەكونوميكاسىنىڭ ەڭسە تىكتەپ, بارلىق بولاشاق پروبلەمالارعا قارسى تۇرا الاتىن ينستيتۋتتاردىڭ ابدەن جەتىلگەن كەزىندە قولعا الىنىپ وتىر. سونىمەن قاتار, ءوزگەرىستەردە جەرگىلىكتى جەرلەردىڭ ۇسىنىستارى مەن باستامالارى دا ەسكەرىلگەنى ايقىن اڭعارىلادى.
سونىمەن قاتار, بۇل وزگەرىستەر قازاقستان اۋماعىندا ەكسپو-2017 كورمەسى وتكىزىلەتىن جىلى ەنگىزىلىپ وتىر. بۇل قازاقستاننىڭ ەۋروپالىق قۇندىلىقتارعا باعىت العاندىعىن تاعى ءبىر رەت كورسەتىپ, دەموكراتيالىق ينستيتۋتتاردى جەتىلدىرۋ ارقىلى ەلدەگى بارلىق بيلىك تارماقتارىن تەڭ ۇستاۋعا ۇمتىلىستى بايقاتادى. مۇنى ن.نازارباەۆتىڭ مىنا سوزدەرىنەن دە اڭعارۋعا بولادى: «ءبىزدىڭ جاۋابىمىز ايقىن جانە ءبىرىزدى: ءبىز دەموكراتيالىق دامۋ باعىتىمەن جىلجۋدى جالعاستىرامىز».
پەترۋ ليفيچيۋ,
رۋمىنيا-قازاقستان ساۋدا ونەركاسىپتىك پالاتاسىنىڭ توراعاسى