باس قۇجاتتاعى باسىمدىقتار ەكونوميكا ءۇشىن ماڭىزدى

كەشە استانا قالاسىندا ۇلتتىق ەكونوميكا مينيسترلىگى مەن ەكونوميكالىق زەرتتەۋلەر ينستيتۋتىنىڭ ۇيىمداستىرۋىمەن دوڭگەلەك ۇستەل وتىرىسى ءوتتى. پرەزيدەنت نۇرسۇلتان نازارباەۆتىڭ بيىلعى قازاق­ستان حالقىنا جولداۋىن قول­داپ, ناسيحاتتاۋعا ارنالعان شارا­دا ينستيتۋتتىڭ باسقارما ءتور­­اعاسى سەرجان ماديەۆ ءسوز ءسوي­لەدى. ول باس قۇجاتتاعى باسىم باعىتتاردى اتاپ, بۇل ەل دامۋى­نىڭ جول كارتاسى ەكەنىن اڭگىمەلەدى. باسقوسۋدا ينستيتۋت جانىن­­­­داعى ساراپتامالىق زەرت­­تەۋلەر ور­تالىعىنىڭ ديرەكتورى سا­را الپىسباەۆا مەكەمە ساراپ­شى­لارىنىڭ 2017 جىلعى ەكونوميكا ءوسى­مى­نە قاتىستى بولجام­دارى ۇكى­مەتتىڭ جاساعان بول­جام­دارى­نان جوعارى بولىپ شىققا­نىن مالىمدەدى. «ءبىز­دىڭ جوبا­لاۋىمىزشا, قا­­زاقستان­نىڭ تۇراقتى الەۋ­مەتتىك-ەكو­نوميكالىق دامۋى ءۇشىن قاتەرلەر تومەن­دەدى. بيىل­عى ەل ەكونوميكا­سىنا سالا­داعى بەلسەندىلىك, xالىق كىرى­سىنىڭ ارتۋى, سونىمەن قاتار, كەن ونەركاسىبى­نىڭ ءوسۋى قولداۋ جاسايدى. ينستيتۋت ما­مان­دارى اعىم­داعى جىلى ەلىمىز­دىڭ ەكو­نوميكالىق ءوسىمى 2,7 پايىز بولادى دەپ جوسپارلاۋ­دا», دەدى ول. ۇلتتىق ەكونومي­كا مي­نيسترلىگى ىشكى جالپى ءونىم­­نىڭ بولجامدى دەڭگەيىن 1,9 پايىزدان 2,5 پايىزعا دەيىن كوتەرگەنى ەسىمىزدە. سارا ال­پىس­­باەۆانىڭ ايتۋىنشا, قازاق­ستان ءۇشىن ەڭ تومەنگى بول­­جام­داردى دۇنيەجۇزىلىك بانك جاريا ەتكەن – نەبارى 2,2 پايىز. «شيكىزات ەكسپورتتاۋشى مەملەكەتتەردە, سونىڭ ىشىندە قازاقستاندا, ءبىز ءوسىم بولا­تىنىن بولجاپ وتىرمىز. دەگەن­مەن, ول ءبىزدىڭ ءبىر­شاما تۇراقتى ەكەنىمىزدى بىلدىرمەيدى. مودەل ودان وزگەرمەيدى. ءبىز شيكىزاتقا تاۋەل­دى بولىپ قالۋدامىز. مە­نىڭ­شە, پرەزيدەنت ءوزىنىڭ جول­­داۋ­ىن­دا اتاپ وتكەن ءۇردىس­­تەر ەكو­نوميكا ءۇشىن وتە ماڭىز­دى, ءاسى­رەسە ينستيتۋتتىق وزگەرىس­­تەر­دىڭ ورنى ەرەكشە», دەدى ءوز كەزەگىندە دۇنيەجۇزىلىك بانك­تىڭ قازاقستانداعى اعا ەكونو­ميسى ءىلياس سارسەنوۆ. اسحات رايقۇل «ەگەمەن قازاقستان»