ەلباسى نۇرسۇلتان ءابىش ۇلى نازارباەۆتىڭ حالىققا ارناعان بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىك» اتتى جولداۋى مازمۇنى بويىنشا مەملەكەتىمىزدىڭ ەكونوميكالىق ءوسۋىنىڭ جاڭا مودەلىن قۇرۋدى كوزدەگەن ماڭىزدى جانە وزەكتى باعدارلامالىق قۇجات. ەلىمىزدىڭ ناقتى جاھاندىق باسەكەلەستىككە قابىلەتتى ەل بولىپ, تابىستى وتكەن ەكى جاڭعىرۋدان مول تاجىريبە جيناپ, «قازاقستان-2050» ستراتەگياسىن ورىنداۋعا باعىتتالعان سەنىمدى قادامى بولماق.
ەلباسى جولداۋى اياسىندا دامۋدىن بەس نەگىزگى باسىمدىقتارى رەتىندە ۇلتتىق ەكونوميكامىزدىڭ تەحنولوگيالىق جاڭعىرتىلۋى, ىسكەرلىك ورتاسىن جاقسارتۋ, ماكروەكونوميكالىق تۇراقتىلىق, ادامي كاپيتال ساپاسىن جوعارىلاتۋ, ۇلت قاۋىپسىزدىگىن قامتاماسىز ەتۋ مەن سىبايلاس جەمقورلىقپەن كۇرەسۋ بەلگىلەنگەن.
جولداۋدىڭ ءبىرىنشى باسىمدىعىندا, ەكونوميكانىڭ جەدەلدەتىلگەن تەحنولوگيالىق جاڭعىرتىلۋىنا قول جەتكىزۋ ءۇشىن تسيفرلى يندۋستريانى دامىتۋ باسقا سالالارعا سەرپىن بەرەتىندىگىن ايتا كەلىپ, ۇكىمەتكە IT-ستارتاپتار حالىقارالىق تەحنوپاركىن قۇرۋ تاپسىرىلعان. ول الەمنىڭ بارلىق ەلىنەن كاسىپكەرلەر مەن ينۆەستورلار تارتۋدىڭ پلاتفورماسى بولۋعا ءتيىس.
ءبىزدىڭ سالانىڭ نەگىزگى قىزمەتىنە قاتىستى تاپسىرمانىڭ تاعى ءبىرى – ول بيزنەس-ورتانى تۇبەگەيلى جاقسارتۋ جانە كەڭەيتۋ.
مەملەكەتىمىزدىڭ ستراتەگيالىق ماقساتىنىڭ ءبىرى – ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسى 2050 جىلعا قاراي كەم دەگەندە 50 پايىز بولۋىن قامتاماسىز ەتۋ باعىتى. وسىعان وراي, جاپپاي كاسىپكەرلىكتى قولداۋ تەتىكتەرىن ودان ءارى جەتىلدىرۋ ءۇشىن ءار ءوڭىر جاپپاي كاسىپكەرلىكتى, سونىڭ ءىشىندە وتباسىلىق كاسىپكەرلىكتى دامىتۋ باعىتىندا كەشەندى شارالار ۇسىنۋعا ءتيىس. ونىڭ ىشىندە, جاڭا جۇمىس ورىندارىنىڭ سانىن ارتتىرۋ ارقىلى سالىق تۇسىمدەرىن ۇلعايتۋ مەملەكەتتىك كىرىستەر ورگاندارى قىزمەتىنىڭ تيىمدىلىگىن باعالاۋدىڭ نەگىزگى كورسەتكىشتەرىنىڭ ءبىرى دەۋگە بولادى.
مەملەكەتتىك قىزمەتتەر كورسەتۋ پروتسەستەرىن وڭتايلاندىرۋدىڭ ماڭىزى وتە زور. قۇجاتتاردىڭ مەرزىمى مەن تىزبەسىن قىسقارتىپ, قايتالاناتىن راسىمدەردى جويۋ ارقىلى سالىق تولەۋشىلەر ۋاقىتىنىڭ ۇنەمدەلۋىنە جاعداي جاساۋعا باعىتتالعان. بۇل ورايدا, ادامنىڭ ءوزىنىڭ بارۋىن قاجەتسىنبەيتىن تولىق ەلەكتروندى فورماتقا كوشىرۋدى كەزەڭ-كەزەڭىمەن ەنگىزۋ كوزدەلىپ وتىر.
ال, ءۇشىنشى باسىمدىق – ماكروەكونوميكالىق تۇراقتىلىقتاعى باستى مىندەت – اقشا-نەسيە ساياساتىنىڭ ىنتالاندىرۋشى ءرولىن قالىپقا كەلتىرۋ جانە ەكونوميكانى قارجىلاندىرۋعا جەكە مەنشىك كاپيتالدى تارتۋ.
ۇلتتىق بانك فۋنكتسيالارىن وزگەرتە وتىرىپ, بانكتەردىڭ احۋالىنا جەدەل باقىلاۋ ورناتۋ ءۇشىن وعان بۇرىنعىدان دا كوبىرەك قۇقىق بەرىلەتىن بولدى.
سونداي-اق, سالىق-بيۋدجەت ساياساتىن جاڭا ەكونوميكالىق جاعدايعا بەيىمدەي وتىرىپ, مەملەكەتتىك دامۋ باعدارلامالارىنا تيەسىلى رەسۋرستار مەن قاراجاتتى يگەرۋدىڭ تيىمدىلىگىن تەكسەرۋ قاجەتتىلىگى ناقتى مىندەت ەتىپ قويىلىپ وتىر. سونىمەن قاتار, قاراجاتتى ناقتى ەكونوميكاعا نەعۇرلىم تەزىرەك ءارى تيىمدىرەك جەتكىزۋ ءۇشىن بيۋدجەتتىك راسىمدەردى جەڭىلدەتۋ قاجەتتىلىگى دە اتاپ ءوتىلدى.
ەلباسىمىز سالىق ساياساتىن بيزنەستىڭ «كولەڭكەدەن» شىعۋىنا بەيىمدەپ, شيكىزاتتىق ەمەس سەكتورداعى سالىقتىق بازانى كەڭەيتۋ بويىنشا ناقتى مىندەتتەر قويدى. قازىرگى تاڭداعى سالىق جەڭىلدىكتەرىن وڭتايلاندىرۋ, جالپىعا ورتاق دەكلاراتسيالاۋ قارساڭىندا ارناۋلى سالىق رەجىمدەرىن جاڭاشا قاراستىرۋ جانە سالىقتىق اكىمشىلەندىرۋ تەتىكتەرىن جەتىلدىرۋ قاجەتتىگىن ايتىپ ءوتتى. سونىڭ ىشىندە, قوسىمشا قۇن سالىعىنا قاتىستى ءبىرقاتار وزەكتى ماسەلەلەردى شەشۋ جولداۋدا ناقتى تاپسىرىلدى.
وسى رەتتە, اۋقىمدى باعدارلامالاردى جۇزەگە اسىرۋعا قاجەتتى قاراجاتتىڭ باسىم بولىگى مەملەكەت قازىناسىنان جۇمسالاتىندىعىن ەسكەرسەك, مەملەكەتتىك كىرىستەر ورگاندارىنىڭ ەلباسىنىڭ جولداۋىنداعى تاپسىرمالاردى ورىنداۋداعى ورنىنىڭ ەرەكشەلىگىن, ولارعا قويىلعان ءمىندەتتەر مەن تالاپتاردىڭ ماڭىزدىلىعىن اتاپ كورسەتۋ قاجەت دەپ ەسەپتەيمىن.
ەلباسىمىز نۇرسۇلتان ءابىش ۇلى نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى كەزەكتى جولداۋىنان تۋىنداعان ءمىندەتتەردى جۇزەگە اسىرىپ, ەلىمىزدىڭ ەكونوميكاسىن ودان ءارى دامىتىپ, حالىقتىڭ ءال-اۋقاتىن جاقسارتۋ جولىنداعى ماقساتىمىزعا جەتۋ ءۇشىن, ءبىرلەسە ايانباي ەڭبەك ەتۋگە ءتيىستىمىز.
ءبىزدىڭ بىرلەسىپ اتقاراتىن جۇمىسىمىز – مەملەكەتتىڭ جانە ەلدىڭ مۇددەسى. ول بارشامىزعا ورتاق ءىس. سوندىقتان, جولداۋداعى تاپسىرمالار مەن مىندەتتەردى بارشامىز ءبىراۋىزدان قولداپ, ورىندالۋىنا كۇش سالۋىمىز كەرەك.
التىنسارى ۇمبەتاليەۆ,
وڭتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى
وڭتۇستىك قازاقستان وبلىسى