وڭدەۋشى كاسىپورىندار ورلەپ كەلەدى
وتكەن جىلدىڭ 9 ايىندا جالپى قۇنى 1 تريلليون 620 ميلليارد تەڭگەنىڭ ءونىمى ءوندىرىلگەن. وبلىستىڭ وڭدەۋ كاسىپورىندارىنىڭ جۇمىسىندا 2,5%-عا ءوسۋ بار, ەڭبەك ونىمدىلىگى دە 37,5%-عا ارتقان. ەڭبەك ونىمدىلىگىنىڭ ارتۋىنا ورال ترانسفورماتور زاۋىتى, «كوندەنسات» اق سەكىلدى جوعارى تەحنولوگيالى كاسىپورىندار كوپ ۇلەس قوستى, مۇندا قۇنى 11 ملرد تەڭگە بولاتىن 160 مىڭ توننادان اسا ءونىم شىعارىلعان. ايتا كەتەيىك, ك-5 ەۋروستاندارتىنا ساي بەنزيننىڭ 20 مىڭ تونناسىن جەرگىلىكتى كاسىپورىن ءوندىردى. «كۆانت» جيھاز فابريكاسى 2,5 ملرد تەڭگەنىڭ ءونىمىن شىعاردى, بيۋدجەتكە 585 ملن تەڭگەنىڭ ۇستىندە سالىق ءتۇستى. بۇل جيھازدىڭ ءبىر بولىگى ەكسپورتقا شىعارىلادى. ونىمدەرىنىڭ 80 پايىزىن ەكسپورتقا شىعارىپ وتىرعان ورال ترانسفورماتور زاۋىتىندا بىلتىر جاڭادان 300 جۇمىس ورنى اشىلدى. ولار 2,5 ملرد تەڭگەنىڭ ءونىمىن وندىرگەن. ەل قازىناسىنا 300 ملن تەڭگە سالىق بولىپ قۇيىلدى. 2016 جىلى تۇراقتى 520 جۇمىس ورنى اشىلىپ, 10 جاڭا يندۋستريالىق جوبا ىسكە قوسىلدى. بۇگىندە يندۋستريالاندىرۋ كارتاسى بويىنشا جالپى قۇنى 335 ملرد تەڭگە بولاتىن 47 جوبا جۇزەگە اسىرىلۋدا. مۇنىڭ ءبارى ەلباسىنىڭ تىكەلەي باقىلاۋىمەن جۇرگىزىلىپ جاتقان جوبالار, دەيدى التاي كولگىنوۆ. وبلىستىڭ اگروونەركاسىپ كەشەنىندە دە ءوندىرىس كولەمى 17 پايىزعا ارتقان. ەگىن شارۋاشىلىعى 42 پايىزعا, مال شارۋاشىلىعى 2 پايىزعا ءوسىپ, تابىس 123 ملرد تەڭگەنى قۇرادى. 2015 جىلى بۇل كورسەتكىش 106 ملرد تەڭگە بولاتىن. بۇل وسىمگە مەملەكەت تاراپىنان بولىنگەن 9 ملرد-تان استام قارجى ۇلكەن قولداۋ بولعانى انىق. بىلتىر ەگىن بىتىك شىعىپ, وتكەن جىلمەن سالىستىرعاندا 3 ەسەگە ارتىق ءونىم جينالدى. مال باسى سانى 11,5 پايىزعا ارتتى. ەت ونىمدەرىنىڭ ەكسپورتى 2 مىڭ توننا بولدى. وبلىستا جاڭادان 155 شارۋا قوجالىعى قۇرىلعان. مەملەكەتتىك باعدارلامالار ارقىلى بولىنگەن 4 ملرد-تان استام قارجىعا 25 مىڭنان استام مال جانە 343 تەحنيكا ساتىپ الىندى. وبلىستا ينۆەستيتسيا كولەمى 3,6 پايىزعا وسكەنى بايقالىپ وتىر. ونىڭ ەڭ كوپ كولەمى وڭدەۋ سالاسىنا – 12%, كەن ءوندىرۋ سالاسىنا – 10,5%, كاسىپورىندار مەن اۋىل شارۋاشىلىعىنا 2,5 ەسە كوپ قۇيىلعان. سالىق ءتۇسىمى 36%-عا ءوسىپ, 254 ملرد تەڭگەنى قۇرادى, بۇل بىلتىرعىدان 93 ملرد تەڭگەگە كوپ.جاقسىنىڭ ءبارى – جاميعاتقا
ءوڭىر حالقىنىڭ الەۋمەتتىك جاعدايىن جاقسارتۋ – جەرگىلىكتى بيلىكتىڭ باستى نازارىندا. وتكەن جىلى ورال قالاسىندا كوپ پاتەرلى 15 ءۇي سالىنىپ, 1500 وتباسى باسپانالى بولدى. اۋدانداردا ءبىر ءپاتەرلى 25 تۇرعىن ءۇي بەرىلدى. جالپى, قۇرىلىس سالاسىندا جاسالعان جۇمىس كولەمى 5,5 پايىز ارتىپ, 96 ملرد تەڭگە قۇراعان. ادامعا باسپانادان كەيىن كەرەگى گاز, سۋ, جول سەكىلدى تۇرمىستىق قاجەتتىلىكتەر. باتىس قازاقستان وبلىسى – ەلىمىزدە كوگىلدىر وتىننىڭ قىزىعىن بارىنشا كورىپ وتىرعان ءوڭىر. حالىقتىڭ 93,6 پايىزى, ياعني 275 اۋىل, 593 مىڭ تۇرعىن گازبەن قامتىلعان. ەلەكتر قۋاتىمەن ءوزىن ءوزى تولىق قامتيتىن ساناۋلى ءوڭىردىڭ ءبىرى دە – بقو. يندۋستريالاندىرۋ كارتاسى اياسىندا «باتىس پاۋەر» كومپانياسى گاز-تۋربينالى ەلەكتر ستانساسىنىڭ تاۋلىگىنە 70 مۆاتت وندىرەتىن ءبىرىنشى كەشەنىن ىسكە قوستى. ورالدا وندىرىلگەن ەلەكتر قۋاتى اتىراۋ مەن اقتاۋ تۇرعىندارىنا دا قىزمەت ەتىپ جاتىر. بۇگىندە وبلىستىڭ 164 ەلدى مەكەنىنە ورتالىقتاندىرىلعان تازا سۋ جەتكىزىلگەن. «جەرلەستەرىمىزدىڭ 36 پايىزى عانا تازا سۋ تۇتىنادى. بۇل ماسەلەدە ءبىز ەلىمىز بويىنشا سوڭىنان ساناعاندا ءۇشىنشى تۇرمىز. تازا سۋ – دەنساۋلىق كەپىلى. سوندىقتان بۇل ماسەلەگە ەرەكشە كوڭىل بولەمىز. 2017 جىلى 50-دەن اسا ەلدى مەكەنگە اۋىز سۋ تارتا باستايمىز», دەدى وبلىس باسشىسى. جىل بويى بارلىق سالادا 22 مىڭ ادام جاڭادان جۇمىسقا تارتىلسا, سونىڭ ىشىندە 6 مىڭ ادام تۇراقتى جۇمىس تاپقان. قول جەتكىزگەن تابىستىڭ ءبارى – ەلباسى ۇسىنعان «100 ناقتى قادام» – ۇلت جوسپارىنىڭ, «نۇرلى جول», «بيزنەستىڭ جول كارتاسى», «جۇمىسپەن قامتۋ», «وڭىرلەردى دامىتۋ» جانە تاعى باسقا باعدارلامالاردىڭ ناتيجەسى.مادەنيەتكە زور ماڭىز
بىلتىر ورال وڭىرىندە دە كوپتەگەن مادەني جەتىستىكتەر بولىپتى. دينا نۇرپەيىسوۆا مەن سەيتەك ورازالى ۇلىنىڭ تۋعانىنا 155 جىل تولۋىنا وراي رەسپۋبليكالىق دومبىراشىلار بايقاۋى ءوتتى, وبلىس ورتالىعىندا قۇرمانعازى مەن ديناعا ارنالعان ەسكەرتكىش بوي كوتەردى. مۇحيت مەرالى ۇلىنىڭ تۋعانىنا 175 جىل تولۋىنا وراي رەسپۋبليكالىق انشىلەر بايقاۋى ۇيىمداستىرىلدى. بيىل دا اتقارىلاتىن ءىس وتە اۋقىمدى. الاش قوزعالىسىنا 1 عاسىر تولدى. باتىس الاشورداشىلارىنىڭ كوسەمى بولعان قايراتكەر جاھانشا دوسمۇحامەدوۆتىڭ 130 جىلدىعى سياقتى مەرەيتويلار وبلىس كولەمىندە اتالىپ وتىلەتىن بولادى. الاش زيالىلارىنىڭ اسىل ارمانىن جۇزەگە اسىرۋ باقىتى ءححى عاسىردىڭ باسىندا ءبىزدىڭ ماڭدايىمىزعا جازىلعان ەكەن. تاۋەلسىزدىگىمىزدى قادىرلەيىك, ەل يگىلىگى ءۇشىن بىرگە ەڭبەك ەتەيىك, دەدى التاي سەيدىر ۇلى ەسەپتى بايانداماسىنىڭ سوڭىندا.ءتۇيىن
ەسەپتى كەزدەسۋ قارساڭىندا التاي كولگىنوۆ ەكى مارتە «اشىق اكىمدىك» شاراسىن ۇيىمداستىرىپ, بارلىق سالا باسشىلارىمەن بىرگە حالىقتى تىكەلەي قابىلداۋ وتكىزگەن بولاتىن. ەسەپتى كەزدەسۋ دە ونلاين رەجىمدە ەفيردەن تاراتىلىپ, تۇرعىنداردىڭ ساۋال قويۋعا بارلىق مۇمكىندىگى جاسالدى. كەزدەسۋگە قاتىسۋشىلار وبلىس باسشىلىعىنىڭ اشىقتىعىنا, حالىقپەن قويان-قولتىق جۇمىس ىستەپ وتىرعانىنا ريزاشىلىق ءبىلدىردى. قازبەك قۇتتىمۇرات ۇلى, «ەگەمەن قازاقستان» ورال سۋرەتتى تۇسىرگەن رافحات حالەلوۆ