قورعانىس ءمينيسترى تاراز قالاسىنداعى اسكەري گوسپيتالدە بولىپ, كوكساي شاتقالىندا قار كوشكىنىنەن زارداپ شەككەن اسكەريلەردىڭ جاعدايىن ءبىلىپ, قازا بولعان ساربازداردىڭ وتباسىلارىنا كوڭىل ايتتى, دەپ حابارلايدى مينيسترلىكتىڭ رەسمي سايتى.
قورعانىس ءمينيسترى, گەنەرال-پولكوۆنيك ساكەن جاسۋزاقوۆ قار كوشكىنىنەن زارداپ شەككەن اسكەري قىزمەتشىلەردىڭ حال-جاعدايىن ءبىلۋ ءۇشىن تارازداعى اسكەري گوسپيتالعا باردى. قازىرگى ۋاقىتتا اسكەري گوسپيتالدە ساربازدارعا قاجەتتى بارلىق مامانداندىرىلعان مەديتسينالىق كومەك كورسەتىلگەن, اسكەري قىزمەتشىلەردىڭ جاعدايى تۇراقتى.
سونداي-اق, اسكەري ۆەدومستۆو باسشىسى قازا بولعان اسكەري قىزمەتشىلەردىڭ وتباسىلارىمەن كەزدەستى. قورعانىس ءمينيسترى مەرت بولعان ازاماتتاردىڭ وتباسىلارى مەن تۋعان-تۋىسقاندارىنا كوڭىل ايتا وتىرىپ, ولاردىڭ ارقايسىسىنىڭ وزدەرىنىڭ اسكەري بورىشىن ابىرويمەن اتقارىپ, اسكەري قىزمەتتىڭ حاس شەبەرى بولعانىن اتاپ ءوتتى. ۇكىمەتتىك كوميسسيا قايعىلى وقيعانىڭ ءمان-جايىن انىقتاۋ ءۇشىن تەرگەۋدى جالعاستىرۋدا.