بۇرقاسىن سالدارىنان ەلىمىزدىڭ ءۇش وبلىسىندا جولدار جابىلدى

بۇرقاسىن سالدارىنان رەسپۋبليكاداعى ءۇش وبلىستىڭ جولدارى جابىلدى, دەپ حابارلايدى قازاقپارات 19 اقپاندا اۋا رايىنىڭ ناشارلاۋىنا بايلانىستى (بۇرقاسىن, كورىنۋدىڭ شەكتەلۋى) جامبىل وبلىسى اۋماعىنداعى رەسپۋبليكالىق ماڭىزى بار «الماتى-تاشكەنت» تاس جولىنىڭ ۋچاسكەسىندە (534-593 شاقىرىم) كولىكتىڭ بارلىق ءتۇرى ءۇشىن قوزعالىس توقتاتىلدى. سونداي-اق 19 اقپاندا اۋا رايىنىڭ ناشارلاۋىنا بايلانىستى (بۇرقاسىن, كورىنۋدىڭ شەكتەلۋى) وڭتۇستىك قازاقستان وبلىسى اۋماعىنداعى رەسپۋبليكالىق ماڭىزى بار «الماتى-تاشكەنت-تەرمەز» تاس جولىنىڭ ۋچاسكەسىندە (593-632 شاقىرىم) كولىكتىڭ بارلىق ءتۇرى بويىنشا قوزعالىس توقتاتىلدى. بۇعان قوسا, 19 اقپاندا ساعات 9:15-تە رەسپۋبليكالىق ماڭىزى بار «قاندىاعاش-ەمبى-شالقار-ىرعىز» تاسجولىنىڭ بويىنداعى 92-258 شاقىرىم ارالىعىندا قاتتى بوران مەن قالىڭ قاردىڭ سالدارىنان قوزعالىس تولىق توقتاتىلعان.