بۇگىن جاپونيانىڭ ساپپورو قالاسىندا ءVىىى قىسقى ازيا ويىندارى اياسىندا قر وليمپيادا كوميتەتىنىڭ توراعاسى تيمۋر ق ۇلىباەۆ پەن يران وليمپيادا كوميتەتىنىڭ پرەزيدەنتى كۋمارس حاشەمي ەكى جاقتىلى سپورتتى دامىتۋعا ارنالعان كەلىسىم حاتقا قول قويدى, دەپ حابارلايدى قازاقپارات
تاراپتار الداعى ۋاقىتتا يران مەن قازاقستان سپورتشىلارى اراسىندا بىرلەسكەن وقۋ-جاتتىعۋلارىن ءجيى وتكىزۋ قاجەت دەپ شەشتى.
ەسكە سالا كەتەيىك, بۇگىن جەرگىلىكتى ۋاقىتپەن 16:00-دە ازيادا ويىندارىنىڭ اشىلۋ سالتاناتى باستالادى. VIII قىسقى ازيا ويىندارى جاپونيانىڭ ساپپورو قالاسىندا 19-26 اقپان ارالىعىندا وتەدى. جارىستا 31 ەلدىڭ سپورتشىلارى 11 سپورت تۇرىنەن 64 مەدال جيىنتىعىن ساراپقا سالادى. سپورتشىلار شەرۋىندە ەلىمىزدىڭ جالاۋىن شاڭعى جارىسىنان بەس دۇركىن قازاقستان چەمپيونى ەردوس احماديەۆ ۇستاپ شىعادى. وتانىمىزدىڭ نامىسىن قورعاۋعا 153 سپورتشى باردى.
ايتا كەتەيىك, كەشە العاشقى ىرىكتەۋ سىندارى باستالعان بولاتىن. وندا حوككەيدەن قازاقستاننىڭ ايەلدەر قۇراماسى جەرگىلىكتى سپورتشىلارمەن باق سىناسىپ, وكىنىشكە قاراي, 0:5 ەسەبىمەن ۇتىلىپ قالدى. ال ەرتەڭ, ياعني 20 اقپان كۇنى حوككەيشى ارۋلارىمىز قىتاي قۇراماسىمەن وينايدى.