WBO Inter-Continental, WBA Fedelatin تۇجىرىمدارى بويىنشا ءبىرىنشى جارتىلاي ورتا سالماقتا الەم چەمپيونى قانات يسلام (22-0-0, 18 كو) الداعى ۋاقىتتا مەكسيكالىق بوكسشى ساۋل الۆارەسپەن كەزدەسۋگە دايىن ەكەنىن ايتتى, دەپ حابارلادى vesti.kz.
«قازاقستانداعى جانكۇيەرلەرىم بۇل جەكپە-جەكتى كورۋگە اسىعىپ وتىر. مەنىڭ كوماندام دا بۇل ايقاستى ۇيىمداستىرعىسى كەلەدى. مۇمكىندىك بولاتىن بولسا, ساۋل الۆارەسپەن شارشى الاڭدا كۇش سىناسۋعا دايىنمىن», – دەپ كەلتىرەدى وتانداسىمىزدىڭ ءسوزىن Boxingscene.com پورتالى.
ايتا كەتەيىك, 32 جاستاعى وتانداسىمىز 17 اقپان كۇنى ۋيلمينگتون قالاسىندا (اقش, دەلاۆەر شتاتى) برازيليالىق روبسوك اسسيسپەن جۇدىرىقتاسادى. بوكس كەشىن «قازاقستان» ۇلتتىق ارناسى تىكەلەي ەفيردە كورسەتەدى.