الماتىداعى AIBA اكادەمياسىندا قازاقستان قۇراماسى اقش جانە گەرمانيا بوكسشىلارىمەن بىرىككەن وقۋ-جاتتىعۋ جيىندارىن وتكىزىپ جاتىر, دەپ حابارلادى قازاقپارات.
«قازىر الماتىدا AIBA اكادەمياسىندا اقش جانە گەرمانيا بوكسشىلارىمەن بىرىككەن وقۋ-جاتتىعۋ جيىندارىن وتكىزىپ جاتىر. اقش-تان 7, گەرمانيادان 17 بوكسشى كەلدى. ەكى جاتتىعۋىمىز ءوتتى. ەندى ەكەۋى قالدى. العاشقى ەكى دايىندىقتا بوكسشىلار توعىز راۋندتىق جەكپە-جەكپەن سايىسىپ كوردى. ەرتەڭ جانە جۇما كۇندەرى تاعى جاتتىعۋ جۇمىستارىن وتكىزەمىز. ولاردىڭ جاتتىعۋ مانەرى بىزدەن وزگەشە. ال بىزدىكى ولارعا وزگەشە كورىنەدى. بىرىككەن جاتتىعۋلاردان ولاردىڭ دا, ءبىزدىڭ دە ۇيرەنەرىمىز وتە كوپ. بۇل بوكسشىلارىمىز ءۇشىن اسا ماڭىزدى», – دەدى ۇلتتىق قۇرامانىڭ باس باپكەرى مىرزاعالي ايتجانوۆ.
فوتو: vesti.kz.