وتكەن جىلى 2015 جىلمەن سالىستىرعاندا وبلىس وڭىرىندە سۋيتسيدتىك وقيعالار 27 پايىزعا ازايعان, ياعني 149 وزىنە قول جۇمساماق ارەكەت, 83 ولىممەن اياقتالعان سۋيتسيد ورىن العان. وبلىستىق جاستار ساياساتى باسقارماسىنىڭ باسشىسى كەنەش ءالىمجانوۆ رۋدنىي قالاسىندا وتكەن جىلى 13 وزىنە قول جۇمساۋ وقيعاسى تىركەلگەنىن, بىراق بۇل الدىڭعى ۋاقىتتارمەن سالىستىرعاندا ەكى ەسە كەمىگەنىن ايتتى. بۇل جاستارمەن جاقسى جۇمىستىڭ ناتيجەسى ەكەنىن بىلدىرەدى دەدى. قاي قالادا, اۋداندا سۋيتسيدكە بەيىم ادامدارمەن جۇمىس ناششار جۇرگىزىلسە, سول جەردە وزىنە قول جۇمساعاندار قاتارى دا ارتا تۇسكەن.
وبلىستىق اكىمدىكتىڭ كەڭەيتىلگەن ماجىلىسىندە وبلىس اكىمى ارحيمەد مۇحامبەتوۆ وتكەن جىلى ولىممەن اياقتالعان ءسۋيتسيدتىڭ قوستاناي قالاسىندا --30, ارقالىقتا --32, وزىنە قول جۇمساۋ ارەكەتىنىڭ 37 پايىزعا وسكەندىگىن ايتتى. سونىمەن قاتار وزىنە قول جۇمساۋعا ارەكەت جاساعاندار التىنسارين اۋدانىندا –67, اۋليەكول اۋدانىندا –50,قامىستى اۋدانىندا -- 100 پايىزعا وسكەن. قارابالىق اۋدانىندا وزىنە قول جۇمساپ ولگەندەردىڭ قاتارى 33 پايىزعا, مەڭدىعارا اۋدانىندا -- 50, ۇزىنكول اۋدانىندا--22 پايىزعا وسكەن, ال وزىنە قول جۇمساۋعا ارەكەتتەنگەندەر --233 پايىزعا كوبەيگەن. ۇزىنكول اۋدانى اكىمى قانات سارسەنباەۆتىڭ ايتۋىنشا, سۋيتسيد اۋدانعا سىرتتان كەلگەندەر اراسىندا جيىلەگەن.
ءنازيرا جارىمبەتوۆا,«ەگەمەن قازاقستان»