تەننيستەن اۆستراليا اشىق چەمپيوناتىندا الەمنىڭ ءبىرىنشى راكەتكاسى, بريتانيالىق ەندي ماررەي كۇتپەگەن جەردەن گەرمانيالىق ميحايل زۆەرەۆكە جەڭىلىپ قالدى, دەپ حابارلايدى BBC.
ءۇش جارىم ساعاتقا سوزىلعان ءتورتىنشى اينالىمنىڭ ماتچىندا الەمنىڭ ەلۋىنشى راكەتكاسى 7:5, 5:7, 6:2, 6:4 ەسەبىمەن جەڭىسكە جەتتى. ەندى رودجەر فەدەرەر مەن كەي نيسيكوري جۇبىنىڭ جەڭىمپازى ميحايل زۆەرەۆتىڭ شيرەك فينالداعى قارسىلاسى بولماق.
اۆستراليانىڭ اشىق چەمپيوناتىندا بۇعان دەيىن تاعى ءبىر سەنساتسيا ورىن العان بولاتىن. جارىستىڭ ەكىنشى اينالىمىندا الەمنىڭ ەكىنشى راكەتكاسى, سەربيالىق نوۆاك دجوكوۆيچ وزبەكستاندىق تەننيسشى دەنيس يستوميننەن جەڭىلدى.
سونىمەن قاتار, ءتۋرنيردىڭ 1/4 فينالىنا شۆەيتساريالىق ستانيسلاس ۆاۆرينكا شىقتى. الەمنىڭ ءتورتىنشى راكەتكاسى يتاليالىق اندرەاس سەپپيدەن 7:6 (7:2), 7:6 (7:4), 7:6 (7:4) ەسەبىمەن باسىم ءتۇستى .
Australian Open – ۇلكەن شلەمنىڭ ءتورت ءتۋرنيرىنىڭ ءبىرى. ونىڭ بيىلعى جۇلدە قورى 37,5 ملن دوللاردى قۇرايدى.