استانالىق سپورتشى ۇستەل تەننيسىنەن الەمدىك تۋردىڭ چەمپيونى اتاندى, دەپ حابارلايدى قازاقپارات.
كيريلل گەراسيمەنكو – «ITTF World Tour» اقتىق سىنىنا ءوتىپ, چەمپيون اتانعان قازاقستان تاريحىنداعى العاشقى ويىنشى.
بۋداپەشتتە وتكەن ۇستەل تەننيسى تۋرنيرىندە جوعارى سپورتتىق شەبەرلىك مەكتەبىنىڭ سپورتشىسى كيريلل گەراسيمەنكو اقتىق ويىندا 3:2 (17:15, 6:11, 6:11, 11:7, 15:13) ەسەبىمەن فرانتسۋز اككۋزا كاندى جەڭىپ, چەمپيون اتاندى.
العاشىندا كيريلل دانيالىق سپورتشىنى 3-0 ەسەبىمەن جەڭدى. ەكىنشى ويىندا ول 3:1 ەسەبىمەن رەسەيلىك ساادي يسمايلوۆتى باسىپ وزدى. ودان كەيىن بەلگيالىق سپورتشى الەگرو ءمارتينيدى 3-2 ەسەبىمەن ۇتتى.
الەمدىك تۋردىڭ جارتىلاي فينالىندا وتانداسىمىز مىقتى قارسىلاسپەن جولىقتى. رەسەيلىك كونستانتين چەرنوۆپەن وتكەن تارتىستى ويىندا كيريلل 3-1 ەسەبىمەن باسىم ءتۇستى.