وڭتۇستىك كورەيانىڭ مادەنيەت, سپورت جانە تۋريزم ءمينيسترى چو يۋن سۋن قاماۋعا الىندى, دەپ حابارلايدى ريا نوۆوستي.
وعان پرەزيدەنت پاك كىن حەنىڭ بيلىگىنە قارسى ونەر قايراتكەرلەرىنىڭ «قارا ءتىزىمىن» جاسادى دەگەن كۇدىك كەلتىرىلگەن. تىزىمدە كورسەتىلگەن تۇلعالاردىڭ قانداي دا ءبىر مەملەكەتتىك سۋبسيديا نەمەسە باسقا دا قولداۋ تۇرلەرىنەن قاعىلۋى قاراستىرىلعان. ول تىزىمگە 9400-دەن استام ءارتىس, مۋزىكانت پەن مادەنيەت قايراتكەرى ىلىنگەن.
سوت سونداي-اق پرەزيدەنت اكىمشىلىگىنىڭ بۇرىنعى باسشىسىن قاماۋعا الۋ تۋرالى شەشىم شىعاردى. ايتا كەتەيىك, چو يۋن سۋن – قىزمەتتىك مىندەتىن اتقارىپ جاتقان كەزدە ۇستالعان العاشقى مينيستر.
وتكەن جىلدىڭ كۇزىنەن باستاپ وڭتۇستىك كورەيادا پرەزيدەنتتىڭ قۇربىسى – تسوي سۋن سيلگە قاتىستى جەمقورلىق داۋى تۋىنداعان بولاتىن. قۇقىق قورعاۋ ورگاندارى ونى ەشقانداي مەملەكەتتىك قىزمەتتە بولماعانىنا قاراماستان, پرەزيدەنتتىڭ ساياسي شەشىمدەردى قابىلداۋىنا اسەر ەتكەن, سونداي-اق مەملەكەت باسشىسىمەن جاقىن قارىم-قاتىناسىن پايدالانىپ, وڭتۇستىككورەيلىك كورپوراتسيالاردان ءىرى كولەمدە پارا تالاپ ەتكەن دەگەن كۇدىك كەلتىردى.