مەكتەپتەرگە «قازاقستان حالقىنىڭ سالت-داستۇرلەرى» ءپانى ەنگىزىلمەك

ءبىلىم بەرۋ باعدارلاماسىنا جاڭا ءپان ەنگىزىلمەك, دەپ حابارلايدى 31 ارنا. قازىرگى ۋاقىتتا «قازاقستان حالقىنىڭ سالت-داستۇرلەرى» ءپانى تەك وسكەمەن قالاسىنىڭ وقۋشىلارىنا وقىتىلادى. شىعىس قازاقستان وبلىسىنىڭ پروكۋرورلارى ۇسىنعان ءپان الدىمەن ەكى مەكتەپتە, كەيىن جەتى وقۋ ورنىندا ەنگىزىلمەك. ازىرگە جاڭا ءپان بەسىنشى سىنىپ وقۋشىلارىنا ەكى اپتادا ءبىر ساعاتتان وتكىزىلەدى. جىلدىڭ سوڭىنا قاراي بالالار ءپان بويىنشا ەمتيحان تاپسىرادى. ەگەر كورسەتكىش جاقسى بولسا, وندا ونى وزگە وبلىس مەكتەپتەرىندە ەنگۋىزۋ كوزدەلۋدە. قارجىلاندىرۋ جاعىن شىعىس قازاقستان ءوڭىرىنىڭ اكىمدىگى ءوز موينىنا الىپتى. ال ءبىلىم بەرۋ باعدارلاماسىنا جاڭا ءپان ەنگىزۋدى وبلىستىق پروكۋراتۋرا قولعا العان. «قازاقستان حالقىنىڭ سالت-داستۇرلەرى» ءپانى 20 قاڭتاردا شىعىس قازاقستان وبلىسىنداعى №43 مەكتەپتە تاربيە ساعاتى رەتىندە العاش رەت وتكىزگەن بولاتىن. الداعى ۋاقىتتا ونى ۇلان, گلۋبوكوە اۋداندارىنداعى جانە وسكەمەن, سەمەي قالالارىنداعى مەكتەپتەردە ەنگىزۋ جوسپارلانعان», – دەيدى شىعىس قازاقستان وبلىسى پروكۋراتۋراسى ءبىرىنشى باسقارماسىنىڭ اعا پروكۋرورى ايدوس تۇرسىنوۆ.