استانادا قر پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى ۆلاديمير جۇماقانوۆتىڭ قاتىسۋىمەن ءىىم القاسىنىڭ كەڭەيتىلگەن وتىرىسى ءوتتى. وندا ىشكى ىستەر ورگاندارى جەدەل-قىزمەتتىك جۇمىسىنىڭ 2016 جىلعى جۇمىس قورىتىندىسى جانە الداعى ۋاقىتتاعى مىندەتتەرى تالقىلاندى. بۇل تۋرالى قر ءىىم ءباسپاسوز قىزمەتى حابارلايدى.
ءىىم-ءنىڭ القا وتىرىسىنا مينيسترلىكتىڭ باسشىلىق قۇرامى, اۋماقتىق ىشكى ىستەر, قىلمىستىق-اتقارۋ جۇيەسى, توتەنشە جاعدايلار دەپارتامەنتتەرىنىڭ, سونداي-اق ۇلتتىق ۇلاننىڭ وڭىرلىك قولباسشىلىعى مەن اۋماقتاعى جەرگىلىكتى پوليتسيا قىزمەتىنىڭ باسشىلارى قاتىستى.
جيىندا ىشكى ىستەر ءمينيسترىنىڭ ورىنباسارلارى بايانداما جاساپ, قىلمىستىق-اتقارۋ جۇيەسى جانە توتەتشە جاعدايلار كوميتەتىنىڭ, سونىمەن بىرگە ىشكى ىستەر ورگاندارىنىڭ بىرقاتار اۋماقتىق بولىمشەلەرىنىڭ باسشىلارى ەسەپ بەردى.
القا وتىرىسىندا مەملەكەت باسشىسى نۇرسۇلتان نازارباەۆتىڭ قىلمىستىق ارەكەتتەردەن ازاماتتاردىڭ قۇقىعىن قورعاۋ جانە قۇقىقتىق ءتارتىپتى قامتاماسىز ەتۋگە قاتىستى العا قويعان مىندەتتەرىن ىسكە اسىرۋ, ىشكى ىستەر ورگاندارى جەدەل-قىزمەتتىك جۇمىسىنداعى ولقىلىقتاردى جويۋ, جەمقورلىققا قارسى كۇرەستى كۇشەيتۋ, ءتارتىپ پەن زاڭدىلىقتى قامتاماسىز ەتۋ, ىشكى ىستەر ورگاندارى جەكە قۇرامىنىڭ قىزمەت ادەبى نورمالارىن ساقتاۋ ماسەلەلەرى تالقىلاندى.
جول قاۋىپسىزدىگى جانە قۇقىق بۇزۋشىلىقتاردىڭ الدىن الۋ, قوعامدىق ءتارتىپتى ساقتاۋدى قامتاماسىز ەتۋگە بايلانىستى جەرگىلىكتى پوليتسيا قىزمەتىنىڭ جۇمىسى تالقىلانىپ, سونداي-اق جەدەل ىزدەستىرۋ قىزمەتى, قىلمىستاردى اشۋ جانە زاڭسىز ەسىرتكى اينالىمىنىڭ جولىن كەسۋ, تەرگەۋ مەن انىقتاۋ قىزمەتىنىڭ ساپاسىن كوتەرۋ ماسەلەلەرى دە جان-جاقتى قارالدى.
قىلمىستىق-اتقارۋ جۇيەسى مەن توتەنشە جاعدايلار بولىمشەلەرى قىزمەتىنىڭ قورىتىندىسى قارالىپ, پروباتسيا قىزمەتىن ودان ءارى دامىتۋ شارالارى, سونداي-اق قۇتقارۋ قىزمەتىنىڭ الدىنا قويىلعان مىندەتتەر ءسوز بولدى.
ىشكى ىستەر ءمينيسترى قالمۇحانبەت قاسىموۆ بيىل ءىىم جۇيەسىنىڭ قىزمەتى ازاماتتاردىڭ قاۋىپسىزدىگىن قامتاماسىز ەتۋدىڭ جالپى دەڭگەيىن كوتەرۋ, سونىڭ ىشىندە الماتى قالاسىندا بۇكىلالەمدىك قىسقى ۋنيۆەرسيادا ويىندارىن جانە استانا قالاسىندا ەكسپو-2017 حالىقارالىق كورمەسىن وتكىزۋ كەزىندە قاۋىپسىزدىكتى قامتاماسىز ەتۋگە باعىتتالعانىن اتاپ ءوتىپ, بارلىق قارالعان ماسەلەلەرگە قاتىستى ناقتى تاپسىرمالار بەردى.