ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتتى, دەپ حابارلادى ءماجىلىستىڭ ءباسپاسوز قىزمەتى.
وندا الداعى جالپى وتىرىستىڭ كۇن ءتارتىبى ناقتىلاندى. ءماجىلىس دەپۋتاتتارى تۇركيامەن ارنايى ماقساتتاعى بولىمشەلەردىڭ وقۋ-جاتتىعۋلارىن وتكىزۋ كەزىندە قابىلداۋشى تاراپتىڭ قولداۋ كورسەتۋى تۋرالى ءوزارا تۇسىنىستىك تۋرالى ۇكىمەتارالىق مەموراندۋمدى راتيفيكاتسيالاۋ تۋرالى زاڭ جوباسىن قارايدى دەپ كۇتىلۋدە.
مەموراندۋمدا وقۋ-جاتتىعۋدى وتكىزۋ ۋاقىتىندا جىبەرۋشى تاراپ ءۇشىن قابىلداۋشى تاراپ ۇسىناتىن قولداۋ كورسەتۋ ستاندارتتارى, تيپتەرى, دەڭگەيلەرى مەن ادىستەرى ايقىندالادى. سونىمەن بىرگە, وسى كۇنى پالاتا پولشا ۇكىمەتىمەن ادامداردىڭ رەادميسسياسى تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىن قاراماق. بۇل كەلىسىم بىلتىر ۆارشاۆا قالاسىندا جاسالعان. ول ۋاعدالاسۋشى تاراپتار مەملەكەتىنىڭ اۋماعىنا زاڭسىز كەلگەن, وندا بولعان نەمەسە تۇرىپ جاتقان ۋاعدالاسۋشى تاراپتاردىڭ ازاماتتارى, ءۇشىنشى مەملەكەتتەردىڭ ازاماتتارى نەمەسە ازاماتتىعى جوق ادامدار رەادميسسياسىنىڭ قۇقىقتىق جانە ۇيىمداستىرۋ ماسەلەلەرىن رەتتەۋدى كوزدەيدى.