يۋنەسكو-نىڭ ماتەريالدىق ەمەس مادەني مۇراسىنىڭ تىزىمىنە ناۋرىز مەرەكەسى, قازاقشا كۇرەس پەن قاتىرما نان ەنۋى مۇمكىن. قازاقستاننان تۇسكەن بۇل ۇسىنىس قاراشا ايىنىڭ سوڭىندا ادديس-ابەبەدە وتەتىن يۋنەسكو-نىڭ ماتەريالدىق ەمەس مادەني مۇراسىن قورعاۋ كوميتەتىنىڭ كەزەكتى وتىرىسىندا قاراستىرىلادى, دەپ حابارلايدى بۇۇ جاڭالىقتار ورتالىعى.
سونىمەن قاتار كوميتەت ازىربايجان, يران, قىرعىزستان, تۇركيا ەلدەرىنەن تۇسكەن وتىنىشتەردى دە قارايدى. بۇل مەملەكەتتەر اتالعان تىزىمگە شەلپەك (لاۆاش, جۋپكا, يۋفكا) ءپىسىرۋ ەرەكشەلىكتەرىن قوسۋدى سۇراعان.
بەلارۋس رەسپۋبليكاسى بۋدسلاۆ فەستيۆالىن, گرۋزيا - گرۋزين ءالىپبيىنىڭ جازۋ جۇيەسى ءداستۇرىن, تاجىكستان "وشي-پالاۆ" اتتى ۇلتتىق تاعامدارىن يۋنەسكو-نىڭ ماتەريالدىق ەمەس مادەني مۇراسى تىزىمىنە ەنگىزگىسى كەلەدى ەكەن.
ەستەرىڭىزگە سالا كەتسەك, بۇل تىزىمدە قازىر 336 ەلەمەنت بار. وعان ۇرپاقتان ۇرپاققا جەتكەن مادەني مۇرا, سالت-ءداستۇر, شىعارماشىلىق ونەر تۇرلەرى كىرەدى.