اقتوبە ينۆەستيتسيا سالۋعا قولايلى دا تارتىمدى وبلىس بولىپ وتىر. سوڭعى بەس جىلدا وڭىرگە سالىنعان ينۆەستيتسيالار 12,6 ملرد اقش دوللارىن قۇرايدى. ونىڭ 36 پايىزى نەمەسە 4,7 ملرد دوللارى شەتەلدىك ينۆەستيتسيالاردىڭ ۇلەسىنە تيەسىلى. بەس جىلدىڭ قورىتىندىسىنا سايكەس شەتەلدىك ينۆەستيتسيالار تارتۋ بويىنشا اقتوبە ەلىمىزدە اتىراۋدان كەيىن ەكىنشى ورىندى يەلەندى. ياعني, بۇل استانا جانە الماتى قالالارىن باسىپ وزدى دەگەن ءسوز. ءوڭىردىڭ نەگىزگى ينۆەستورلارى قىتاي, رەسەي, وڭتۇستىك كورەيا, تۇركيا جانە باسقالار بولىپ تابىلادى.
– بۇگىندە وبلىستا شەتەلدىك كاپيتالدىڭ قاتىسۋىمەن 700-دەن استام كاسىپورىننىڭ جۇمىسى قارقىندى جۇرگىزىلۋدە. ولاردىڭ قاتارىندا CNPS مۇناي جانە گاز كورپوراتسياسى, ەۋرازيالىق توپ (ERG), رەسەي مىس كومپانياسى, سونداي-اق, وڭتۇستىك كورەيا, تۇركيا جانە باسقا دا ەلدەردەن ينۆەستورلار بار. بۇل ءبىزدىڭ وڭىردە ينۆەستورلار ءۇشىن بارلىق جاعدايدىڭ جاسالىپ جاتقاندىعىنىڭ دالەلى مەن ولاردىڭ ءال-اۋقاتىن جاقسارتۋ ماقساتىندا اتقارىلىپ جاتقان جۇمىستاردىڭ جەمىسى, – دەيدى وبلىستىق يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى دارحان ەرماعامبەتوۆ.
ايتا كەتەيىك, ۇستىمىزدەگى جىلدىڭ قىركۇيەك ايىندا «AKTOBE INVEST-2016» IV حالىقارالىق ينۆەستيتسيالىق فورۋمى ءوتتى. فورۋم اياسىندا ينۆەستيتسيالىق جوبالاردى جۇزەگە اسىرۋ باعىتىندا 152,4 ملن اقش دوللارى بولاتىن 14 مەموراندۋمعا جانە 2 كەلىسىم-شارتقا قول قويىلعان بولاتىن.
ساتىبالدى ءساۋىرباي,
«ەگەمەن قازاقستان»
اقتوبە وبلىسى