«مەدەۋ» مۇز ايدىنىندا سىرعاناق ماۋسىمى اشىلدى
بيىلعى جاڭا ماۋسىمنىڭ اشىلۋ سالتاناتى ۋنيۆەرسياداعا 100 كۇن قالۋى قارساڭىندا وتۋىمەن ەرەكشەلەندى. ساناۋلى ايلاردان كەيىن بۇل مۇز ايدىنى 28-ءشى بۇكىلالەمدىك قىسقى ۋنيۆەرسيادا نىساندارىنىڭ بىرىنە اينالادى.
بۇگىندە الەمنىڭ 56 ەلى الداعى جارىسقا وزدەرىنىڭ قاتىساتىندىقتارىن راستاپ ۇلگەردى. ويىندار كەزىندە 8 نىساندا سپورتتىڭ 12 ءتۇرى بويىنشا 2 مىڭعا جۋىق سپورتشى 86 مەدال جيىنتىعىن ساراپقا سالادى. جارىستى الەمنىڭ 40 تەلەارناسى ارقىلى ميللياردتان استام تەلەكورەرمەن تاماشالاي الادى.
سالتاناتتى شارادا قالا اكىمى باۋىرجان بايبەك اكتەر, كينورەجيسسەر نۇرتاس ادامبايعا, شوۋمەن مۇرات مۇتىرعانوۆقا جانە بايكەر دميتري پەترۋحينگە ۋنيۆەرسيادا ەلشىسى سەرتيفيكاتتارىن تابىس ەتتى.
مۇز ايدىنىنىڭ اكىمشىلىگى بيىل جالعا بەرىلەتىن كونكيلەردىڭ سانى 2 مىڭعا دەيىن ارتقانىن ايتتى. سونىڭ ارقاسىندا مۇندا كونكي قورى 5 مىڭعا جەتكەن. دەمالۋشىلاردىڭ جايلىلىعى ءۇشىن ءدامدى ستريتفۋد پەن ىستىق شوكولاد نەمەسە كوفە ۇسىناتىن جاڭا 15 ءدامحانا جۇمىس ىستەيدى. كىرۋ جانە جالعا الۋ قۇنى, سىرعاناۋ ۋاقىتى وزگەرىسسىز قالعان.
ايتپاقشى, ۋنيۆەرسيادا بيلەتتەرى 21 قازاننان بەرى ساتىلىپ جاتىر.
مەلىس سەيداحمەتوۆ
الماتى