جۇما كۇنى الماتىدا قالالىق ىسكەرلىك كەڭەستىڭ وتىرىسى ءوتتى. اراعا جىل سالىپ كەزدەسكەن كەڭەستىڭ قۇرامى بيىل 70 پايىزعا جاڭعىردى. مەگاپوليستەگى مۇددەلى توپتىڭ باسىن قوسقان جيىنعا قالا اكىمى باۋىرجان بايبەك توراعالىق ەتتى.
وتكەن جىلمەن سالىستىرعاندا بيىلعى جىلى ىسكەري كەڭەستىڭ قۇرامى 35 تەن 46 ادامعا دەيىن ارتىپ, ايەلدەر سانى ءوستىپ وتىر. قالا اكىمىنىڭ ايتۋىنشا, بۇرىنعىداي ىسكەرلىك كەڭەستىڭ قۇرامىندا كەزدەيسوق ادامدار جوق. جاڭارىپ قانا قويماي, جاسارعان كەڭەسكە جيىننىڭ تيىمدىلىگىنە كوتەرۋگە مۇمكىندىك بەرەتىن ەكونوميكانىڭ بارلىق سالاسىنىڭ وكىلدەرى قامتىلعان.
قازىرگى قۇرامدا بيزنەس وكىلدەرى 87% كوبەيدى, وتكەن جىلى بۇل كورسەتكىش 70% بولاتىن. قازىرگى كەڭەس مۇشەلەرىنىڭ 30 جاستان 40 جاس ارالىعىنداعىلارى – 20%, 40 جاستان 50 جاسقا دەيىنگىلەر – 60%, 50 جاستان جوعارى 20 پايىزعا جەتتى.
قالا اكىمى ەكونوميكانى قۇراتىن دا قالىپتاستىراتىن دا ادام كاپيتالى ەكەندىگىن ايتا كەلە, 86 پايىزى ساۋدا مەن قىزمەت كورسەتۋ سالاسىنا تيەسىلى ەكونوميكانىڭ جەرگىلىكتى قۇرىلىمى ەسەبىمەن جۇمىسسىزدىقتى تومەندەتۋدىڭ جاڭا باعدارلاماسى ازىرلەنىپ جاتقاندىعىن اتادى. بۇل باعدارلاما جۇمىسسىزداردى تۋريزم مەن وعان قاتىستى سالالارعا بەيىمدەيتىن بولادى.
قالا اكىمى ءاۋ باستاعى الماتىنىڭ كوكەيتەستى ماقساتى تۋريزمنەن تابىس تابۋ بولسا, ونى دامىتۋعا قاتىستى كەدەرگىلەر مەن جايتتەر تۋرالى ىسكەر ورتامەن كەلەلى سۇحبات جۇرگىزۋگە ۇمتىلدى. ماسەلەن الماتىلىقتار جىل سايىن شەتەلدەردەگى مەديتسينالىق تۋريزمگە 500 ميلليون دوللار قاراجات شاشاتىن بولسا, بۇل مۇمكىندىكتەردىڭ بارلىعى الماتىدا بار ەكەندىگىن ناقتى نىساندارمەن دايەكتەدى.
ايناش ەسالي