يتاليا استاناسىندا وتكەن «قازاقستان ەكونوميكاسىنىڭ كۇنى» ەل تاۋەلسىزدىگىنىڭ 25 جىلدىعىنا وراي ۇيىمداستىرىلدى, دەپ حابارلايدى ەگەمەن-اقپارات inform.kz-كە سىلتەمە جاساپ.
اۋقىمدى شاراعا وتاندىق جانە شەتەلدىك ينۆەستورلاردى قوسقاندا ۇزىن-سانى 80 ادام قاتىستى. وندا قازاقستان تاراپىنان بارعان دەلەگاتسيا كاسىپكەرلەرگە ىنتىماقتاستىقتىڭ ءتيىمدى شارتتارىن تانىستىرىپ, ەلىمىزگە ينۆەستيتسيا قۇيۋ جونىندە ۇندەۋ جاسادى.
باسقوسۋ بارىسىندا ايگىلى Eni كونتسەرنىنىڭ وكىلدەرى «قازاقستانداعىداي ينۆەستورلاردى قولداۋعا باعىتتالعان ءتيىمدى ءىس-شارالار الەمنىڭ ەشبىر ەلىندە جوق» دەپ جوعارى باعا بەردى. سوڭعى 10 جىلدا قازاق ەلى جالپى قۇنى 6 ميلليارد دوللارعا جەتەتىن يتاليا ينۆەستيتسياسىن تارتىپ, 335 بىرلەسكەن كاسىپورىندار اشقان.
كونفەرەنتسيا بارىسىندا يتالياندىق كاسىپكەرلەرگە استانادا وتەتىن بولاشاق ەنەرگياسىنا ارنالعان «ەكسپو» كورمەسى تانىستىرىلدى.