22 قازان كۇنى قازاقستان ايماقتارىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە قار تۇرىندەگى جاۋىن-شاشىن كۇتىلەدى, تەك رەسپۋبليكانىڭ باتىسىندا اۋا رايى جاۋىن-شاشىنسىز بولادى.
كەي اۋماقتاردا تۇمان, كوكتايعاق بولجانادى. ەلدىڭ شىعىسىندا جەكەلەگەن جەرلەردە جەلدىڭ ەكپىنى 15-20 م/س كۇشەيىپ, جاياۋ بۇرقاسىن جۇرەدى.
اتاپ ايتقاندا, اقمولا, قوستاناي, جامبىل, وڭتۇستىك قازاقستان, قاراعاندى وبلىستارىنىڭ كەي جەرلەرىندە تۇمان, كوكتايعاق كۇتىلەدى.
قىزىلوردا, ماڭعىستاۋ, سولتۇستىك قازاقستان, پاۆلودار, كۇندىز الماتى وبلىستارىنىڭ كەي جەرلەرىندە تۇمان بولجانادى.
شىعىس قازاقستان وبلىسىنىڭ كەي اۋماقتارىندا تۇمان, كوكتايعاق, جاياۋ بۇرقاسىن بولىپ, جەلدىڭ جىلدامدىعى 15-20 م/س كۇشەيەدى.