كەشە ۇكىمەت ۇيىندە پرەمەر-مينيستر باقىتجان ساعىنتاەۆ مەملەكەت باسشىسىنىڭ اعىمداعى جىلدىڭ 9 قىركۇيەگىندە ۇكىمەتتىڭ كەڭەيتىلگەن وتىرىسىندا جۇمىسپەن قامتۋ ماسەلەلەرى بويىنشا بەرگەن تاپسىرمالارىن ىسكە اسىرۋ تۋرالى كەڭەس وتكىزدى.
كەڭەس بارىسىندا 2017 جىلدان باستاپ «بارشاعا ارنالعان اقىسىز كاسىبي-تەحنيكالىق ءبىلىم بەرۋ» جوباسىن ەنگىزۋ, «بيزنەستىڭ جول كارتاسى-2020», «جۇمىسپەن قامتۋدىڭ جول كارتاسى» باعدارلامالارىن جانە تۇرعىندارعا شاعىن نەسيە بەرۋ ءىس-شارالارىن ءارى قاراي جەتىلدىرۋ ماسەلەلەرى تالقىلاندى, دەپ حابارلادى ۇكىمەتتىڭ رەسمي سايتى.