ريو-دە-جانەيرودا ءوتىپ جاتقان دۇنيەجۇزىلىك تاۋ-كەن كونگرەسى اياقتالدى.
وسىمەن 24 رەت وتكىزىلگەن حالىقارالىق ماڭىزى زور شاراعا قازاقستان تاراپى دا قاتىسىپ, ينۆەستيتسيالار جانە دامۋ مينيسترلىگىنىڭ جاۋاپتى حاتشىسى زامير ساعىنوۆ ارنايى بايانداما جاسادى.
دۇنيەجۇزىلىك تاۋ-كەن كونگرەسى الەمدەگى تاۋ قويناۋىنداعى تابيعي بايلىقتى يگەرىپ وتىرعان ەلدەردىڭ باسىن قوساتىن ۇيىم. ۇيىمعا مۇشە ەلدەردىڭ قازاقستانعا دەگەن قۇرمەتى مەن قىزىعۋشىلىعى جوعارى. ەلىمىزدەگى جەراستى قازبا بايلىقتارى مەن كەن كوزدەرىنىڭ مولدىعى يگەرۋشىلەردىڭ نازارىن اۋداراتىنى ءسوزسىز.وسى كونگرەسس بارىسىندا ازۋىن ايعا بىلەگەن الپاۋىت كومپانيالارمەن كەلىسسوزدەر جاسالدى. ماسەلەن, AngloAmerican, VALE, Bahia Mineracao سياقتى تاۋ-كەن وندىرىسىندەگى كوشباسشىلار قازاقستان نارىعىنا كىرىپ, كەن كوزدەرىن بىرىگىپ يگەرۋگە مۇددەلى.
دۇنيەجۇزىلىك كونگرەسسكە «اتامەكەن» ۇلتتىق كاسىپكەرلەر پالاتاسى, «Kaznex Invest» اق, «كازگەولوگيا» كومپانياسى جانە «تاۋ-كەن التىن» سەرىكتەستىگىنىڭ وكىلدەرى قاتىسىپ, وتاندىق كەن ورىندارىنىڭ جاي-كۇيىمەن تانىستىردى.
– قازاقستان كەزەكتى رەت شاقىرىلاتىن دۇنيەجۇزىلىك تاۋ-كەن كونگرەسىن استانادا وتكىزۋ ءمارتەبەسىنە يە بولدى. جيىننىڭ قورىتىندىسىندا ءبىزدىڭ دەلەگاتسياعا كونگرەستىڭ رەسمي ەستافەتاسى – «مايلى شىراقتى» تابىس ەتۋ ءراسىمى جاسالدى, – دەدى ينۆەستيتسيالار جانە دامۋ مينيسترلىگىنىڭ جاۋاپتى حاتشىسى زامير ساعىنوۆ.
قالماحانبەت مۇقامەتقالي,
«ەگەمەن قازاقستان»
الماتى