2015 جىلعى 21 ءساۋىر , استانا قالاسى
پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستىڭ ەسەبىنەن شىعارۋ قاعيدالارىن بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 20-بابى 32-7) تارماقشاسىنا سايكەس بۇيىرامىن:
1. قوسا بەرىلىپ وتىرعان پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستىڭ ەسەبىنەن شىعارۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ گەولوگيا جانە جەر قويناۋىن پايدالانۋ كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلگەن»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
______________ ە.دوساەۆ
2015 جىلعى 18 شىلدە «كەلىسىلگەن»
قازاقستان رەسپۋبليكاسىنىڭ
ەنەرگەتيكا ءمينيسترى
______________ ۆ.شكولنيك
2015 جىلعى 5 مامىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 21 ساۋىردەگى №474 بۇيرىعىمەن بەكىتىلگەن
پايدالى قازبالار قورلارىن مەملەكەتتىك بالانسقا قوسۋ جانە
ولاردى مەملەكەتتىك بالانستىڭ ەسەبىنەن شىعارۋ قاعيدالارى
1. جالپى ەرەجەلەر
1. وسى پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستىڭ ەسەبىنەن شىعارۋ قاعيدالارى (بۇدان ءارى – قاعيدالار) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنىڭ 20-بابى 32-7) تارماقشاسىنا سايكەس ازىرلەندى جانە پايدالى قازبالار قورلارىن مەملەكەتتىك بالانسقا قوسۋ جانە ولاردى مەملەكەتتىك بالانستان شىعارۋ ءتارتىبىن انىقتايدى.
2. جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) پايدالى قازبالار قورلارىنىڭ مەملەكەتتىك بالانسىن جاساۋدى ۇيىمداستىرادى جانە جۇرگىزەدى.
2. پايدالى قازبالار قورلارىن مەملەكەتتىك بالانسقا قوسۋ ءتارتىبى
3. مەملەكەتتىك بالانسقا مىنالار ەنگىزىلەدى:
قازاقستان رەسپۋبليكاسىنىڭ جەر قويناۋىندا بارلانعان پايدالى قازبالاردىڭ بارلىق تۇرلەرىنىڭ قورلارى;
كەن ورىندارىن پايدالانۋ كەزىندە جەر قويناۋىنداعى پايدالى قازبالاردى ءوندىرۋ مەن ولاردىڭ شىعىندارىنىڭ دەرەكتەرى.
مەملەكەتتىك بالانسقا بۇرىنعى كسرو-نىڭ (1991 جىلعا دەيىنگى) پايدالى قازبالار قورلارى جونىندەگى مەملەكەتتىك جانە اۋماقتىق كوميسسيالار بۇرىن بەكىتكەن پايدالى قازبالاردىڭ قورلارى ەنگىزىلگەن.
4. مەملەكەتتىك بالانس كوممەرتسيالىق تابۋلار بويىنشا پايدالى قازبالاردىڭ ءاربىر ءتۇرى قورلارىنىڭ مولشەرى, ساپاسى مەن زەرتتەلۋ دارەجەسى تۋرالى, ولاردى ورنالاستىرۋ تۋرالى, ونەركاسىپتىك يگەرۋ دارەجەسى, ءوندىرىلۋى, شىعىندارى جانە ونەركاسىپتىڭ پايدالى قازبالاردىڭ بارلانعان قورلارىمەن قامتاماسىز ەتىلۋى تۋرالى مالىمەتتەردى قامتۋعا ءتيىس.
5. پايدالى قازبالار قورلارى جونىندەگى مەملەكەتتىك كوميسسياسىنىڭ وڭ حاتتامالىق شەشىمى (بۇدان ءارى – پققمك حاتتاماسى) پايدالى قازبالار قورلارىن مەملەكەتتىك بالانسقا ەنگىزۋ ءۇشىن نەگىز بولىپ تابىلادى.
6. مەملەكەتتىك بالانسقا ەنگىزىلەتىن پايدالى قازبالار قورلارى:
الدىڭعى جىلدىڭ قورلارى;
ەسەپتىڭ جىلى جەر قويناۋىنان وندىرىلگەن;
ەسەپتىڭ جىلى ءوندىرۋ پروتسەسىندە شىعىنعا ۇشىراعان;
بالانستى جاساۋ كۇنىندەگى قورلار بولىپ بولىنەدى.
كەيىنگى گەولوگيالىق بارلاۋ جۇمىستارى (بارلاۋ, قايتا باعالاۋ, قورلاردى ەسەپتەن شىعارۋ, تەحنيكالىق شەكارالاردى وزگەرتۋ) مەن پايدالانۋ كەزىندە پايدالى قازبالاردىڭ قورلارىنان اۋىتقۋ قوسۋ جانە ازايتۋ بەلگىسىمەن قامتىلادى.
7. جەر قويناۋىنىڭ جاي-كۇيى تۋرالى گەولوگيالىق ەسەپتىلىكتى جەر قويناۋىن پايدالانۋشىلار «جەر قويناۋىنىڭ جاي-كۇيى تۋرالى گەولوگيالىق ەسەپتىلىكتى ۇسىنۋ نىسانىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى № 254 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ رەەسترىندە № 10833 بولىپ تىركەلدى) (بۇدان ءارى – گەولوگيالىق ەسەپتىلىك نىسانى) بەكىتىلگەن نىساندارعا سايكەس ەسەپتىك جىلدان كەيىنگى جىلدىڭ 15 اقپانىنا دەيىن جىل سايىن ۋاكىلەتتى ورگاننىڭ اۋماقتىق بولىمشەلەرىنە ۇسىنادى.
8. ۇسىنىلعان گەولوگيالىق ەسەپتىلىك نىساندارىنىڭ نەگىزىندە اۋماقتىق بولىمشەلەر وبلىستار بويىنشا پايدالى قازبالار قورلارىنىڭ بالانسىن جاسايدى جانە ەسەپتىك جىلدان كەيىنگى جىلدىڭ 1 مامىرىنا دەيىنگى مەرزىمدە ۋاكىلەتتى ورگانعا مەملەكەتتىك بالانسقا ەنگىزۋ ءۇشىن ۇسىنادى.
9. ۋاكىلەتتى ورگان جىل سايىن ەسەپتى جىلدان كەيىنگى جىلدىڭ 1 شىلدەسىنە دەيىنگى مەرزىمدە اۋماقتىق بولىمشە ۇسىنعان پايدالى قازبالار قورلارىنىڭ بالانسى نەگىزىندە پايدالى قازبالاردىڭ تۇرلەرى بويىنشا مەملەكەتتىك بالانستى جاسايدى.
3. پايدالى قازبالار قورلارىن مەملەكەتتىك بالانستان شىعارۋ ءتارتىبى
10. وندىرىلگەن, سونداي-اق ءوندىرۋ پروتسەسىندە شىعىنعا ۇشىراعان پايدالى قازبالار قورلارىن ەسەپتەن شىعارۋ باستاپقى ەسەپكە الۋ ماتەريالدارىنا نەگىزدەلگەن گەولوگيالىق ەسەپتىلىك نىسانى نەگىزىندە ولاردى تولىق ەسەپتەن شىعارۋ جولىمەن جۇرگىزىلەدى.
11. ودان ءارى گەولوگيالىق بارلاۋ جۇمىستارىنىڭ پروتسەسىندە پايدالى قازبالاردىڭ بالانستىق قورلارىنىڭ راستالماۋىن نە ساناتتاردىڭ سەنىمدىلىك دارەجەسىنىڭ نورماتيۆتىك قاتەلىكتەرى شەگىندە پايدالانىلۋىن جەر قويناۋىن پايدالانۋشى دەربەس رەسىمدەيدى, ال نورماتيۆتىك قاتەلىكتەردەن ارتىپ كەتەتىن مينۋس بەلگىسى بار قورلار راستالماعان جاعدايدا, زاڭنىڭ 121-بابىنىڭ 2-تارماعىنا سايكەس بارلانعان پايدالى قازبالاردىڭ قورىن يگەرۋدىڭ رەنتابەلدىگى تۋرالى مەملەكەتتىك ساراپتامانىڭ قورىتىندىسى (بۇدان ءارى – مەملەكەتتىك ساراپتامانىڭ قورىتىندىسى) بولعان كەزدە مەملەكەتتىك بالانسقا تۇزەتۋلەر ەنگىزۋگە جول بەرىلەدى.
12. جاڭادان بەلگىلەنگەن كونديتسيالارعا سايكەس كەلمەۋىنە بايلانىستى ونەركاسىپتىك ماڭىزىن جويعان, تەحنيكالىق-ەكونوميكالىق نەمەسە تاۋ-كەن تەحنيكالىق سەبەپتەرى بويىنشا جۇمىسپەن وتەۋگە ورىنسىز, كەيىننەن گەولوگيالىق بارلاۋ جۇمىستارى مەن جۇمىسپەن وتەۋ كەزىندە نورماتيۆتىك قاتەلىكتەردىڭ راستالماۋى ارتىپ كەتەتىن پايدالى قازبالار قورلارىن ەسەپتەن شىعارۋ پققمك حاتتاماسىنىڭ نەگىزىندە جۇزەگە اسىرىلادى.
13. پايدالانىلۋى بەكىتىلگەن كونديتسيالارعا سايكەس قازىرگى ۋاقىتتا ەكونوميكالىق ورىنسىز نەمەسە تەحنيكالىق ءارى تەحنولوگيالىق جاعىنان مۇمكىن ەمەس, بىراق ودان ءارى بالانستىققا اۋىستىرىلۋى مۇمكىن ءوندىرۋشى كاسىپورىنداردى جويۋ نەمەسە كونسەرۆاتسيالاۋ كەزىندە پايدالى قازبالاردىڭ جۇمىسپەن وتەلگەن بالانستىق قورلارىن ەسەپتەن شىعارۋ نەمەسە ولاردى بالانستان تىس قورلاردىڭ توبىنا اۋىستىرۋ پققمك حاتتاماسىنىڭ نەگىزىندە جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 تامىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11916 بولىپ ەنگىزىلدى.