جىل باسىنان بەرى جامبىل وبلىسىندا جالعان كاسىپكەرلىكتىڭ 65 فاكتىسى تىركەلگەن. سونىڭ سالدارىنان ەل قازىناسى ميللياردتاعان تەڭگە الىم-سالىقتان قاعىلىپتى. الايدا وبلىستىق مەملەكەتتىك كىرىستەر دەپارتامەنتىنىڭ ماماندارى زاڭبۇزۋشىلىقتاردى دەر كەزىندە انىقتاپ, كىنالىلەردى جاۋاپقا تارتتى. ماسەلەن, باتۋروۆتار وتباسى قۇرعان قىلمىستىق توپ 10-نان استام جالعان سەرىكتەستىك اشىپ, سالىقتان جالتارىپ وتىرعان. ەرلى-زايىپتى باتۋروۆتار, ولاردىڭ ۇلى جانە تاعى ەكى ازاماتتان قۇرالعان توپ وسىلايشا بيۋدجەتكە 1 ميلليارد 750 ميلليون تەڭگەدەن استام كولەمدە زالال كەلتىرگەن. اتالعان ءىس بويىنشا قىلمىستىق ءىس قوزعالىپ, جۋىردا ونىڭ ناتيجەسى بەلگىلى بولدى.