شىمكەنت قالاسىندا اقپاراتتىق جۇيەگە ەشبىر قاتىسى جوق قارجى ءبولىمىنىڭ بۇرىنعى قىزمەتكەرى جابىق جۇيەگە ەمىن-ەركىن كىرىپ, جەر ۋچاسكەلەرى تۋرالى مالىمەتتەردى وزگەرتكەن. ال اقمولا وبلىسىندا ءار جىلدارى جۇمىستان شىعىپ كەتكەن 83 قىزمەتكەردىڭ اقپاراتتىق جۇيەگە كىرۋ قۇقىعى دەر كەزىندە جويىلماعان, دەپ حابارلايدى قازاقپارات ءتىلشىسى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءباسپاسوز قىزمەتىنە سىلتەمە جاساپ.
اتالعان زاڭ بۇزۋشىلىقتار اعىمداعى جىلى «ازاماتتتارعا ارنالعان ۇكىمەت» مەملەكەتتىك كورپوراتسياسىنا ەنگەن «جەر كاداسترى عىلىمي-وندىرىستىك ورتالىعى» رمك-سىنىڭ قىزمەتى بويىنشا انىقتالىپ وتىر. «قازىرگى كەزدە وسى جۇمىس بارلىق وبلىستىق جەر كاداسترى جانە جىلجىمايتىن م ۇلىكتى تەحنيكالىق تەكسەرۋ دەپارتامەنتتەرىندە ءجۇرىپ جاتىر. اتالعان شارالار قاراشا ايىنا دەيىن جالعاسادى», - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى جەر كاداسترى جانە جىلجىمايتىن م ۇلىكتى تەحنيكالىق تەكسەرۋ ديرەكتسياسىنىڭ (جمتت جك) ديرەكتورى باقىت ابىشەۆ.
ماسەلەن, وڭتۇستىك قازاقستان وبلىسىندا جەر تۋرالى مالىمەتتەردى زاڭسىز وزگەرتۋ جانە اقپاراتتىق قاۋىپسىزدىك ەرەجەلەرىن ساقتاماۋ ارەكەتتەرى اشكەرەلەندى. شىمكەنت قالاسىندا اقپاراتتىق جۇيەگە ەشبىر قاتىسى جوق قارجى ءبولىمىنىڭ بۇرىنعى قىزمەتكەرى جابىق جۇيەگە ەمىن-ەركىن كىرىپ, 14 جەر ۋچاسكەسى تۋرالى مالىمەتتەردى وزگەرتكەن. ءسويتىپ, مالىمەتتەر بازاسىندا كاداسترلىق نەگىزى جوق جەر ۋچاسكەلەرى ەنىپ كەتكەن. وسى ىسپەتتى زاڭسىز ارەكەتتەر اقمولا مەن الماتى وبلىستارىندا دا انىقتالدى. قازىرگى كەزدە اتالعان فاكتىلەر بويىنشا بارلىق ماتەريالدار قۇزىرلى مەملەكەتتىك ورگاندارعا جىبەرىلدى. سول جەردە ءتيىستى شارالار قولعا الىنادى.