بۇگىن ۇلتتىق اكادەميالىق كىتاپحانادا كۇيشى, جازۋشى, زەرتتەۋشى, كينودراماتۋرگ تالاسبەك اسەمقۇلوۆتىڭ كوپتومدىعىنىڭ تۇساۋكەسەرى بولدى. تۇساۋكەسەرگە مەملەكەت جانە قوعام قايراتكەرى مىرزاتاي جولداسبەكوۆ, جازۋشى تۇرسىن جۇرتباي مەن تۇرلىبەك مامەسەيىت جانە ادەبيەتسۇيەر قاۋىم قاتىستى.
جوسپارلانىپ وتىرعان كوپتومدىقتىڭ بيىل مەملەكەتتىك تاپسىرىسپەن «قازاق ەنتسيكلوپەدياسى» باسپاسىندا بەس تومى جارىق كورگەن. وعان اۆتوردىڭ پروزالىق شىعارمالارى, ادەبيەت پەن ونەر تۋراسىنداعى ماقالالارى مەن مادەنيەتتانۋ سالاسىنداعى زەرتتەۋلەرى جانە كينودراماتۋرگياداعى ەڭبەكتەرى ەنگەن.
كەش بارىسىندا ءوز ەستەلىكتەرىمەن بولىسكەن تۇرسىن جۇرتباي تالاسبەكتىڭ اۋدارماشىلىق قىرىنا نازار اۋدارىپ, ونىڭ جازۋشىلىق شەبەرلىگىنە, كۇيشىلىك تالانتىنا توقتالىپ, سان قىرلى ونەر يەسى بولعاندىعىنا تالاس جوقتىعىن تاعى ءبىر اتاپ ءوتتى.
تالاسبەكتى ۇستاز تۇتىپ, سوڭىنان ەرگەن ىنىلەرى مەن شاكىرتتەرى كۇي تارتىپ, شاراپاتتى شارانىڭ شىرايىن كەلتىردى.
راۋان قايدار