2016 جىلعى 14 ءساۋىر ,5 استانا قالاسى
«اۋە قوزعالىسىن ۇيىمداستىرۋ جانە وعان قىزمەت كورسەتۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2011 جىلعى 16 مامىرداعى № 279 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 14-بابى 1-تارماعىنا 5) تارماقشاسىنا سايكەس بۇيىرامىن:
1. «اۋە قوزعالىسىن ۇيىمداستىرۋ جانە وعان قىزمەت كورسەتۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2011 جىلعى 16 مامىرداعى № 279 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7006 بولىپ تىركەلگەن, «زاڭ گازەتى» گازەتىندە 2011 جىلعى 26 شىلدەدە № 108 (2098) جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن اۋە قوزعالىسىن ۇيىمداستىرۋ جانە وعان قىزمەت كورسەتۋ جونىندەگى نۇسقاۋلىقتا:
4-تارماق مىناداي رەداكتسيادا جازىلسىن:
«1) ابسوليۋتتىك بيىكتىك – تەڭىزدىڭ ورتاشا دەڭگەيىنەن نۇكتەنىڭ نەمەسە نۇكتە رەتىندە قابىلدانعان وبەكتىنىڭ دەڭگەيىنە دەيىنگى تىك اراقاشىقتىق;
2) اۆاريالىق ساتى – بەلگىسىزدىك ساتىسىن, دابىل ساتىسىن نەمەسە اپات ساتىسىن بىلدىرەتىن ورتاق تەرمين;
3) اۆياتسيالىق بەكىتىلگەن بايلانىس – باستى تۇردە اەروناۆيگاتسيانىڭ قاۋىپسىزدىگىن, سونداي-اق اۋە حابارلامالارىنىڭ تۇراقتىلىعىن, تيىمدىلىگىن جانە ۇنەمدىلىگىن قامتاماسىز ەتۋگە ارنالعان, بەلگىلى ءبىر بەكىتىلگەن پۋنكتتەر اراسىنداعى ەلەكتر بايلانىس قىزمەتى;
4) اۆياتسيالىق جىلجىمالى بايلانىس – قۇرامىنا اپات جانە اۆاريالىق حابارلامالار تۋرالى حابارلامالار ءۇشىن بەلگىلەنگەن جيىلىكتەردە جۇمىس ىستەيتىن اپات ورىندارىنىڭ قۇتقارۋ قۇرالدارى, راديوماياكتار – ينديكاتورلار ستانتسيالارى كىرەتىن, اۆياتسيالىق ستانتسيالار مەن بورتتىق ستانتسيالار اراسىنداعى نەمەسە بورتتىق ستانتسيالار اراسىنداعى جىلنامالى بايلانىس قىزمەتى;
5) اۆتوماتتى تاۋەلدى باقىلاۋ – وعان سايكەس اۋە كەمەسى بورتتىق ناۆيگاتسيالىق جۇيەلەردەن جانە اۋە كەمەسىنىڭ تانۋ يندەكسىن, ءتورت ولشەمدە ونىڭ ورنالاسقان جەرى تۋرالى دەرەكتەردى, قاجەت بولعان كەزدە, قوسىمشا دەرەكتەردى قوسا العاندا, ورنالاسقان ورنىن ايقىنداۋ جۇيەلەرىنەن اقپارات دەرەكتەرىن بەرۋ جەلىسى ارقىلى اۆتوماتتى تۇردە ۇسىناتىن باقىلاۋ ءادىسى;
6) اپات دابىلى (ۇشۋداعى اۆاريالىق جاي-كۇي تۋرالى حابار) – اۋە كەمەسىنە جانە ونداعى جولاۋشىلار مەن ەكيپاجعا تىكەلەي قاۋىپ تونگەن جانە دەرەۋ كومەك قاجەت بولاتىن جاعدايلاردا بەرىلەتىن «اپاتقا ۇشىرادىم» دەگەندى بىلدىرەتىن حالىقارالىق كودتى دابىل (سوس – تەلەگرافتى, ءماۇداۇ – راديوتەلەفوندى);
7) اپات ساتىسى («DETRESFA» كودتى ءسوزى) – اۋە كەمەسى مەن ونىڭ بورتىنداعى ادامدارعا ەلەۋلى جانە تىكەلەي قاۋىپ تونگەن نەمەسە شۇعىل كومەك تالاپ ەتىلگەن جاعدايدا, نەگىزدى سەنىمدىلىكتىڭ بولۋىن سيپاتتايتىن جاعداي;
8) ارتۋى – تەڭىزدىڭ ورتاشا دەڭگەيىنەن جەر بەتىندەگى نەمەسە ونىمەن بايلانىستى وبەكتىدەگى نۇكتەگە نەمەسە دەڭگەيگە دەيىنگى تىك اراقاشىقتىق;
9) اسپاپتار بويىنشا قونۋعا كىرۋ – ناۆيگاتسيالىق دالدەۋ جابدىقتارىن پايدالانا وتىرىپ, اسپاپتار بويىنشا قونۋعا كىرۋ سحەماسى نەگىزىندە ورىندالاتىن قونۋعا كىرۋ جانە قونۋ. قونۋعا كىرۋدى ورىنداۋدىڭ ەكى ءادىسى بار:
تەك بۇيىرىنەن ناۆيگاتسيالىق دالدەۋدى پايدالانا وتىرىپ, اسپاپتار بويىنشا ەكى ولشەمدىك (2D) قونۋعا كىرۋ;
بۇيىرىنەن دە تىگىنەن دە ناۆيگاتسيالىق دالدەۋدى جابدىعىن پايدالانا وتىرىپ, اسپاپتار بويىنشا ءۇش ولشەمدىك (3D) قونۋعا كىرۋ.
ەسكەرتپە: بۇيىرىنەن جانە تىگىنەن ناۆيگاتسيالىق دالدەۋ جەر ۇستىندەگى راديوناۆيگاتسيالىق قۇرالداردىڭ نە كومپيۋتەردەن بەرىلەتىن جەر ۇستىندەگى, سپۋتنيكتىك, دەربەس ناۆيگاتسيالىق قۇرالداردان كەلەتىن ناۆيگاتسيالىق دەرەكتەردىڭ نەمەسە وسى قۇرالدار كەشەنىنىڭ كومەگىمەن قامتاماسىز ەتىلەتىن دالدەۋدى بىلدىرەدى;
10) اسپاپتار بويىنشا قونۋعا كىرۋ سحەماسى (IAP اعىلشىن تىلىندەگى قىسقارتىلۋى (بۇدان ءارى – IAP)) – قونۋعا كىرۋدىڭ باستاپقى كەزەڭىنىڭ باقىلاۋ نۇكتەسiنەن نەمەسە تيiستi جاعدايلاردا بەلگiلەنگەن ۇشىپ كەلۋ باعىتىنىڭ باستالعان جەرiنەن قونۋدى ورىنداۋ مۇمكiن بولاتىن نۇكتەگە دەيiن, ال ەگەر قونۋ مۇمكىن بولماسا, كۇتۋ ايماعىنداعى نەمەسە باعىتتاعى كەدەرگiلەردەن ۇشىپ ءوتۋ ولشەمشارتتارى قولدانىلاتىن جەردەگi نۇكتەگە دەيiن كەدەرگiلەرمەن سوقتىعىسىپ قالۋدى بولدىرماۋدى كوزدەيتiن, بەلگiلەنگەن تالاپتاردى ساقتاۋ كەزىندە پيلوتاجدىق اسپاپتار بويىنشا ورىندالاتىن الدىن الا كوزدەلگەن مانەۆرلەر سەرياسى;
11) اسپاپتار بويىنشا ۇشۋ قاعيدالارى (بۇدان ءارى – اۇق) – ۇشۋدىڭ پيلوتاجدىق-ناۆيگاتسيالىق اسپاپتار بويىنشا ورىندالۋىن, اقق ورگاندارىنىڭ اۋە كەمەلەرىنىڭ اراسىنداعى ەشەلونداۋدىڭ بەلگىلەنگەن ينتەرۆالدارىن باقىلاۋدى جانە قامتاماسىز ەتۋدى كوزدەيتىن قاعيدالار;
12) اسپاپتار بويىنشا ۇشۋدىڭ ستاندارتتى باعىتى (SID اعىلشىن تىلىندەگى قىسقارتىلعان اببرەۆياتۋرا (بۇدان ءارى – SID)) – اسپاپتار بويىنشا اۋەايلاق نەمەسە اۋەايلاقتىڭ بەلگىلى ءبىر ۇشىپ كوتەرىلۋ-قونۋ جولاعىنان اۋەايلاق اۋدانىنان ۇشىپ شىعۋ نۇكتەسىنە دەيىن ۇشۋ قاعيدالارى بويىنشا بەلگىلەنگەن ۇشىپ شىعۋ باعىتى;
13) اسپاپتار بويىنشا ۇشىپ كەلۋدىڭ ستاندارتتى باعىتى (STAR اعىلشىن تىلىندەگى قىسقارتىلعان اببرەۆياتۋرا (بۇدان ءارى – STAR)) – اۋەايلاق اۋدانىنا كىرۋ نۇكتەسىنەن اسپاپتار بويىنشا قونۋعا كىرۋدىڭ جاريالانعان سحەماسى بويىنشا ۇشۋ باستالاتىن نۇكتەگە دەيىنگى اسپاپتار بويىنشا ۇشۋ قاعيدالارى بويىنشا بەلگىلەنگەن ۇشىپ كەلۋ باعىتى;
14) اۋداندىق ديسپەتچەرلىك قىزمەت كورسەتۋ – باقىلاناتىن اۋە كەڭىستىگىندە ديسپەتچەرلىك قىزمەت كورسەتۋ;
15) اۋداندىق ديسپەتچەرلىك پۋنكت (ورتالىق) – ونىڭ زاڭدى قۇزىرەتىندە تۇرعان, اقق اۋدانىنداعى (اۋداندارىنداعى) باقىلاناتىن ۇشۋعا ديسپەتچەرلىك قىزمەت كورسەتۋدى قامتاماسىز ەتۋگە ارنالعان ورگان;
16) اەروتوراپ – وندا ۇشۋدى ۇيىمداستىرۋ مەن ورىنداۋ اۋە قوزعالىسىنا قىزمەت كورسەتۋ جانە باسقارۋ ورگاندارىمەن ارنايى كەلىسۋدى جانە ۇيلەستىرۋدى قاجەت ەتەتىن, تاياۋ ورنالاسقان اۋەايلاقتار;
17) اەروتوراپ اۋدانى – ارنايى كەلىسۋ مەن ۇيلەستىرۋدى قاجەت ەتەتىن ۇشۋلاردى ۇيىمداستىرۋ مەن ورىنداۋ ءۇشىن ەكى جانە ودان كوپ جاقىن ورنالاسقان اۋەايلاقتارى بار بەلگىلەنگەن ولشەمدەگى اۋە كەڭىستىگىنىڭ بولىگى;
18) اۋە قوزعالىسىنا قىزمەت اۋدانى (بۇدان ءارى – اققا) – اۋە قوزعالىسىنا قىزمەت كورسەتۋ شەكارالارىندا اۋداندىق ديسپەتچەرلىك ورتالىقتان ديسپەتچەر ولاردان تىس اۋە تراسسالارى مەن باعىتى بويىنشا جۇزەگە اسىراتىن, بەلگىلەنگەن مولشەردەگى اۋە كەڭىستىگىنىڭ بولىگى;
19) اۋە قوزعالىسىنا قىزمەت باعىتى – اۋە قوزعالىسىنا قىزمەت كورسەتۋدى قامتاماسىز ەتۋ ماقساتىندا قوزعالىس اعىنىن باعىتتاۋعا ارنالىپ بەلگىلەنگەن باعىت;
20) اۋە قوزعالىسىنا قىزمەت مامانىنىڭ لاۋازىمدىق نۇسقاۋلىعى – وسى اۋە قوزعالىسىنا قىزمەت ورگانىنىڭ (اقق قىزمەتى مامانىنىڭ) ەرەكشەلىگىن ەسكەرە وتىرىپ, ناقتى لاۋازىمعا (ناقتى تۇلعاعا) قولدانىلاتىن ۇلگى لاۋازىمدىق نۇسقاۋلىقتىڭ جانە ونىڭ جۇمىس جاعدايلارى نەگىزىندە ازىرلەنگەن قۇجات;
21) اۋە قوزعالىسىنا قىزمەت تاپسىرۋ شەبى – وسى اۋە كەمەسىنىڭ اۋە قوزعالىسىنا قىزمەتى ءبىر اقق ورگانىنان ەكىنشىسىنە تاپسىرىلاتىن اۋە كەمەسىن جەرمەن ءجۇرۋ باسقارۋ باعىتىندا نەمەسە ۇشۋ تراەكتورياسىندا بەلگىلەنگەن شەپ;
22) اۋە قوزعالىسىنا قىزمەت حابارلامالارىن جيناۋ پۋنكتى – اۋە قوزعالىسىنا قىزمەت جانە ۇشىپ شىعۋ الدىندا ۇسىنىلاتىن ۇشۋ جوسپارلارىنا قاتىستى حابارلامالاردى الۋ ماقساتىندا قۇرىلاتىن اۋە قوزعالىسىنا قىزمەت ورگانى.
اۋە قوزعالىسىنا قىزمەت جيناۋ پۋنكتى اەروناۆيگاتسيالىق اقپاراتپەن قىزمەت كورسەتۋ فۋنكتسيالارىن قامتۋى مۇمكىن;
23) اۋە قوزعالىسىنا قىزمەتىنىڭ باقىلاۋ جۇيەسى – ADS-B, ەشرل, بشرل جۇيەلەرى نەمەسە اۋە كەمەسىن تانۋعا مۇمكىندىك بەرەتىن كەز كەلگەن باسقا دا سالىستىرمالى جەرۇستى جۇيەسى تۇسىنىگىن بەرەتىن ورتاق تەرمين;
24) اۋە قوزعالىسى اعىنىن ۇيىمداستىرۋ (ATIS اعىلشىن تىلىندەگى قىسقارتىلۋى (بۇدان ءارى – ATIS)) – اۋە قوزعالىسىن ۇيىمداستىرۋ جۇيەسىنىڭ وتكىزۋ قابىلەتىن بارىنشا مۇمكىندىگىنشە پايدالانۋدى جانە اۋە قوزعالىسىنىڭ كولەمىن مالىمدەلگەن وتكىزۋ قابىلەتىن سايكەستەندىرۋدى قامتاماسىز ەتۋ ءۇشىن اۋە قوزعالىسىنىڭ قاۋىپسىز, رەتكە كەلتىرىلگەن جانە جىلدامداتىلعان اعىنىنا جاردەمدەسۋ ماقساتىندا قۇرىلاتىن قىزمەت;
25) اۋە قوزعالىسىنا ديسپەتچەرلىك قىزمەت كورسەتۋ – اۋە كەمەلەرىنىڭ مانەۆر جاساۋ الاڭىنداعى كەدەرگىلەرى بار اۋە كەمەلەرىنىڭ اراسىندا سوقتىعىسۋلاردى بولدىرماۋعا ارنالعان, باقىلاناتىن اۋە كەڭىستىگىندە, سونداي-اق اۋە كەمەسىنىڭ اۋە قوزعالىسىن جىلدامداتۋ جانە رەتتەۋ ءۇشىن كورسەتىلەتىن قىزمەت;
26) اۋە قوزعالىسىنىڭ قارقىندىلىعى – اقق (اقق سەكتورى, تراسسا, تراسسا ۋچاسكەسى, اۋەايلاق اۋدانى) ارقىلى ءبىر ۋاقىت بىرلىگىندە وتەتىن اۋە كەمەلەرىنىڭ سانى;
27) اۋە قوزعالىسىن ۇيىمداستىرۋ – اۋە كەمەلەرىنىڭ قاۋىپسىز ءارى ءتيىمدى ۇشۋىن قامتاماسىز ەتۋگە باعىتتالعان جانە اۋە كەڭىستىگىن ۇيىمداستىرۋ, اۋە قوزعالىسىنىڭ اعىنى مەن قىزمەت كورسەتۋىن ۇيىمداستىرۋ بويىنشا فۋنكتسيالاردى كوزدەيتىن ءىس-شارالار كەشەنى;
28) اۋە قوزعالىسىنىڭ تىعىزدىعى – اۋە كەڭىستىگى كولەمىنىڭ بىرلىگىندە (اۋە تراسساسىندا, بەرىلگەن ەشەلوندا, اقق ايماعىندا (اۋدانىندا) نەمەسە سەكتورىندا) ءبىر مەزگىلدە تۇرعان اۋە كەمەلەرىنىڭ سانى;
29) اۋەايلاق اۋدانى (بۇدان ءارى – ءاا) – اۋەايلاقتىق ۇشۋدى ۇيىمداستىرۋعا مەن ورىنداۋعا ارنالعان, بەلگىلەنگەن مولشەرلەردەگى اۋە كەڭىستىگىنىڭ بولىگى;
30) اۋەايلاقتىق ديسپەتچەرلىك پۋنكت – اۋەايلاقتىق قوزعالىسقا ديسپەتچەرلىك قىزمەت كورسەتۋدى قامتاماسىز ەتۋگە ارنالعان ورگان;
31) اۋەايلاقتاعى اتموسفەرالىق قىسىم (QFE اعىلشىن تىلىندەگى قىسقارتىلۋى (بۇدان ءارى – QFE)) – ۇشۋ-قونۋ جولاعىنىڭ شەگى دەڭگەيىندەگى اتموسفەرالىق قىسىمنىڭ سىناپ باعاناسى بويىنشا ميلليمەتردەگى (بۇدان ءارى – سىن. باع.مم.), ميلليبارداعى (بۇدان ءارى – مبار) نەمەسە گەكتوپاسكالدەگى (بۇدان ءارى – گپا) ءمانى;
32) اۋەايلاقتىق ديسپەتچەرلىك قىزمەت كورسەتۋ - اۋەايلاق قوزعالىسىنا ديسپەتچەرلىك قىزمەت كورسەتۋ;
33) اۋەايلاقتىڭ ارتۋى – قونۋ الاڭىنىڭ ەڭ جوعارعى نۇكتەسىنىڭ ابسوليۋتتىك ارتۋى;
34) اۋەايلاقتىڭ مينيمۋمى – كورۋدىڭ ءمانى (ۇشۋ-قونۋ جولاعىنداعى كورۋشىلىك), بۇلتتاردىڭ تومەنگi شەكاراسى بيiكتiكتiگىنىڭ (تiگiنەن العانداعى) ەڭ تومەن جول بەرiلەتiن ءمانi, بۇل رەتتە وسى اۋەايلاقتا اۋە كەمەسiنiڭ وسى ۇلگiسiنiڭ ۇشۋى مەن قونۋىن ورىنداۋعا رۇقسات ەتiلەدi;
35) اۋەدەگى جاعداي – اۋە كەڭىستىگىنىڭ بەلگىلى ءبىر اۋدانىندا اۋە كەمەلەرى مەن باسقا دا وبەكتىلەردىڭ تىك جانە كولدەنەڭ جازىقتىقتارداعى ءبىر مەزگىلدە ءوزارا ورنالاسۋى;
36) ءارىپتى باساتىن بايلانىس – تىزبەك بويىنشا بەرىلەتىن بارلىق حابارلامالاردىڭ جازباسىن تۇراقتى تۇردە, اۆتوماتتى باسىپ شىعاراتىن ءاربىر تەرمينالدا تىزبەكتى قامتاماسىز ەتەتىن, بايلانىس;
37) باعدار – ادەتتە بۇرىش گرادۋستارىمەن بەينەلەنەتىن سولتۇستىك باعىتتان (شىنايى, ماگنيتتى, كومپاستىق نەمەسە شارتتى مەريدياندار) ەسەپتەلەتىن, اۋە كەمەسىنىڭ بويلىق ءوسى بار باعىت;
38) باعدارلاردى جوعالتۋ – ۇشۋ تاپسىرماسىن ورىنداۋ ماقساتىندا ۇشۋدىڭ باعىتىن انىقتاۋ ءۇشىن قاجەتتى پيلوت (ەكيپاج) ءوزىنىڭ تۇرعان ورنىن ءدال انىقتاي المايتىن جاعداي;
39) باقىلاناتىن اۋەايلاق – اۋەايلاقتىق قوزعالىسقا ديسپەتچەرلىك قىزمەت كورسەتۋدى قامتاماسىز ەتەتىن اۋەايلاق;
40) باقىلاناتىن ۇشۋ – ديسپەتچەرلىك رۇقساتى بولعان كەزدە باقىلاناتىن اۋە كەڭىستىگىندە ورىندالاتىن جانە ولاردى ديسپەتچەرلىك قىزمەت كورسەتۋمەن قامتاماسىز ەتەتىن ۇشۋ;
41) باقىلانبايتىن اۋەايلاق - اۋەايلاقتىق ديسپەتچەرلىك قىزمەت كورسەتۋ ۇيىمداستىرىلماعان اۋەايلاق (ۋاقىتشا اۋەايلاقتى قوسپاعاندا);
42) بالاما باعىت - اۋە كەمەسىنىڭ پايدالانۋشىلارى نەگىزگى باعىت جابىق نەمەسە وندا شەكتەۋلەر ەنگىزىلگەن جاعدايدا تاڭدايتىن باعىت;
43) بارومەترلىك بيىكتىك – بارومەترلىك بيىكتىك ولشەگىش شاكىلىندە بەلگىلەنگەن اتموسفەرالىق قىسىمنىڭ يزوباريكالىق بەتىنە قاتىستى ۇشۋ بيىكتىگى;
44) بارۋ اۋەايلاعى – ۇشۋ جوسپارىندا جانە ۇشۋ تاپسىرماسىندا قونۋ اۋەايلاعى رەتىندە كورسەتىلگەن اۋەايلاق;
45) باستاپقى راديولوكاتور – شاعىلىساتىن سيگنالداردى پايدالانىلاتىن راديولوكاتسيالىق جۇيە;
46) بەلگىسىزدىك ساتىسى («INCERFA» كودتى ءسوزى) – اۋە كەمەسى مەن ونىڭ بورتىنداعى ادامدارعا قاۋىپسىزدىككە قاتىستى سەنىمسىزدىكتىڭ بولۋىن سيپاتتايتىن جاعداي;
47) بويلىق ەشەلونداۋ – اۋە كەمەلەرىنىڭ ۋاقىت نەمەسە جول جەلىلەرىنىڭ بويلىق قاشىقتىعى بويىنشا بەلگىلەنگەن ارالىقتاعى ءبىر بيىكتىكتە بىتىراۋى;
48) بۇلتتاردىڭ تومەنگى شەكاراسىنىڭ بيىكتىگى (بۇدان ءارى – بتشب) – قۇرلىق (سۋ) پەن بۇلتتاردىڭ ەڭ تومەنگى قاباتىنىڭ تومەنگى شەكاراسى اراسىنداعى تىك اراقاشىقتىق. بۇلتتاردىڭ تومەنگى شەكاراسىن ايقىنداۋ مۇمكىن بولماعان جاعدايدا, تىك كورىنۋ ءمانىن قولدانۋ كەرەك;
49) بۇيىرلىك ەشەلونداۋ – اۋە كەمەلەرىنىڭ ولاردىڭ جول جەلىلەرى اراسىندا قاشىقتىق نەمەسە بۇرىشتىق تايۋ بويىنشا بەلگىلەنگەن ارالىقتاعى ءبىر بيىكتىكتە بىتىراۋى;
50) ۆەكتورلاۋ (راديولوكاتسيالىق باعىتتاۋ) – راديولوكاتورلاردىڭ دەرەكتەرىن پايدالانۋ نەگىزىندە بەلگىلى ءبىر باعدارلاردى كورسەتۋ ارقىلى اۋە كەمەسىن ناۆيگاتسيالىق باعىتتاۋدى قامتاماسىز ەتۋ;
51) گليسسادا – قونۋعا كىرۋدىڭ تۇپكىلىكتى كەزەڭىنە ارنالعان تىك باعىتتاۋ ءۇشىن بەلگىلەنگەن اۋە كەمەسىنىڭ تومەندەۋ بەيىنى;
52) دابىل ساتىسى («ALERFA» كودتى ءسوزى) – اۋە كەمەسى مەن ونىڭ بورتىنداعى ادامداردىڭ قاۋىپسىزدىگى ءۇشىن ۇرەي بار جاعداي;
53) دەرەكتەردى تاراتۋ جەلىسى بويىنشا بايلانىس – دەرەكتەردى تاراتۋ جەلىسى بويىنشا حابارلامالارمەن الماسۋعا ارنالعان بايلانىس ءتۇرى;
54) دەرەكتەردى تاراتۋ جەلىسى بويىنشا «ديسپەتچەر - پيلوت» بايلانىسى (CPDLC اعىلشىن تىلىندەگى قىسقارتىلۋى (بۇدان ءارى – CPDLC)) – دەرەكتەردى تاراتۋ جەلىسىن پايدالانا وتىرىپ, اۋە قوزعالىسىنا قىزمەت كورسەتۋ ماقساتىندا ديسپەتچەر مەن پيلوت اراسىنداعى بايلانىس قۇرالى;
55) ديسپەتچەرلىك اقپارات – اقق ورگاندارى اۋە كەمەسىنىڭ ەكيپاجىنا بەرەتىن مەتەورولوگيالىق جاعدايلار, اۋە جاعدايى, راديوتەحنيكالىق جانە ەلەكتروتەحنيكالىق قۇرالدار جۇمىسى, اۋەجايلاردىڭ جاي-كۇيى تۋرالى اقپارات جانە ۇشۋدى ورىنداۋعا قاجەتتى باسقا مالىمەتتەر;
56) ديسپەتچەرلىك نۇسقاۋ – ۇشۋعا ارنالعان جانە ورىندالۋعا مىندەتتى تاپسىرمانى ورىنداۋعا بايلانىستى اۋە كەمەسىنىڭ پيلوتىنا (ەكيپاجىنا) اقق ورگانىنىڭ نۇسقاۋ;
57) ديسپەتچەرلىك رۇقسات – ۇشۋدى ورىنداۋعا بايلانىستى اۋە كەمەسىنىڭ ەكيپاجىنا اقق ورگانى بەرەتىن جانە ۇشۋدىڭ ءتيىستى شارتتارى مەن بەلگىلەنگەن قاعيدالارىنا نەگىزدەلگەن رۇقسات;
58) ديسپەتچەرلىك ۇسىنىم – اۋە كەمەسىنىڭ ەكيپاجىنا ۇشۋدى ورىنداۋعا قاتىستى شارالار قابىلداۋ بويىنشا, ەكيپاجدىڭ قالاۋى بويىنشا پايدالانىلاتىن ۇسىنىم;
59) ەرەكشە جاعداي – اۆياتسيالىق تەحنيكانىڭ كەنەتتەن اقاۋلىعى نەمەسە اۋە كەمەسى مەن جولاۋشىلاردىڭ قاۋىپسىزدىگىن قامتاماسىز ەتۋ ءۇشىن ەكيپاجدان ستاندارتتى ەمەس ارەكەتتەردى ورىنداۋدى تالاپ ەتەتىن جاعدايلارعا اۋە كەمەسىنىڭ ءتۇسۋى ناتيجەسىندە پايدا بولاتىن احۋال;
60) ەسەپتىك كەلۋ ۋاقىتى:
اسپاپتار بويىنشا ۇشۋ كەزىندە – اسپاپتار بويىنشا قونۋعا كىرۋدىڭ مانەۆرىن ورىنداۋ بولجاناتىن ناۆيگاتسيالىق قۇرالدارمەن بەلگىلەنگەن نۇكتەگە اۋە كەمەسى كەلۋىنىڭ ەسەپتىك ۋاقىتى نەمەسە وسى اۋەايلاقپەن بايلانىستى ناۆيگاتسيالىق قۇرالدار بولماعان كەزدە – اۋە كەمەسىنىڭ اۋەايلاق ۇستىندەگى نۇكتەگە كەلگەن ۋاقىتى;
كۇق بويىنشا ۇشۋدى ورىنداۋ كەزىندە – اۋە كەمەسىنىڭ اۋەايلاق ۇستىندەگى نۇكتەگە كەلگەن ەسەپتىك ۋاقىتى;
61) جاقىنداۋ ايماعى (اۋدانى) – ۇشىپ كوتەرىلۋ جانە قونۋ ايماعى مەن اۋداننىڭ جەرگىلىكتى ديسپەتچەرلىك پۋنكتىنىڭ (بۇدان ءارى – جدپ) اۋە كەڭىستىگىن قوسپاعاندا, اۋەايلاق (اۋەتورابى) اۋدانىنىڭ شەكارالارىنداعى اۋە كەڭىستىگى;
62) جاقىنداۋدا ديسپەتچەرلىك قىزمەت كورسەتۋ – اۋە كەمەلەرىنىڭ اۋەايلاقتارعا (تىكۇشاق ايلاقتارىنا) كەلۋىنە جانە ودان ۇشىپ شىعۋىنا بايلانىستى ۇشۋعا ديسپەتچەرلىك قىزمەتىن كورسەتۋ;
63) جاقىنداۋدىڭ ديسپەتچەرلىك پۋنكتى – اقق ورگاندارى ءبىر نەمەسە بىرنەشە اۋەايلاقتارعا كەلەتىن نەمەسە ولاردان ۇشىپ كەتەتىن اۋە كەمەلەرىنىڭ باقىلاناتىن ۇشۋىنا ديسپەتچەرلىك قىزمەت كورسەتۋدى قامتاماسىز ەتەتىن ديسپەتچەرلىك پۋنكت;
64) جەدەل دابىل ( – تەلەگرافتى, «PAN PAN» – راديوتەلەفوندى) – اۋە كەمەسىنە جانە ونداعى جولاۋشىلار مەن ەكيپاجعا ىقتيمال قاۋىپ جاعدايلارىندا بەرىلەتىن حالىقارالىق دابىل;
65) جەرگىلىكتى اۋە جەلىسى (بۇدان ءارى – ءجاج) – اۋە كەمەلەرىنىڭ بيىكتىگى مەن ەنى بويىنشا شەكتەلگەن, ۇشۋدى ورىنداۋى ءۇشىن تاعايىندالعان تومەنگى اۋە كەڭىستىگىندەگى ءدالىز;
66) جول جەلىسى – اۋە كەمەسىنىڭ ۇشۋ تراەكتورياسىنىڭ جەر بەتىندەگى پروەكتسياسى, ونىڭ كەز كەلگەن نۇكتەسىندەگى باعىتى ادەتتە سولتۇستىك باعىتتان (شىنايى, ماگنيتتى, كومپاستىق نەمەسە شارتتى مەريدياندار) ەسەپتەلەتىن بۇرىش گرادۋستارىندا كورسەتىلەدى;
67) كوزبەن شولىپ قونۋعا كىرۋ – كوزبەن شولىپ ۇشۋ قاعيدالارىن ساقتاي وتىرىپ, ءىشىنارا نەمەسە تولىق ورىندالاتىن كىرۋ;
68) كوزبەن شولىپ ۇشۋ – اۋە كەمەسiنiڭ كەڭiستiكتەگi جاعدايىن جانە ونىڭ تۇرعان جەرiن تابيعي كوكجيەك جانە جەردەگi باعدار بويىنشا پيلوت (ۇشقىش) ونى كوزبەن شولىپ انىقتايتىن كەزدەردە ورىندالاتىن ۇشۋ;
69) كوزبەن شولىپ ۇشۋ قاعيدالار (بۇدان ءارى – كۇق) – پيلوتتىڭ اۋە جاعدايىنا كوزبەن شولىپ باقىلاۋ جولىمەن اۋە كەمەلەرى مەن اۋەدەگى باسقا ماتەريالدىق وبەكتىلەر اراسىندا بەلگىلەنگەن ارالىقتار ساقتالاتىن قاعيدالار;
70) كورىنۋشىلىك – اۆياتسيالىق ماقساتتار ءۇشىن كورىنۋشىلىك مىناداي اناعۇرلىم كوپ شامالاردى بىلدىرەدى:
اشىق رەڭدە باقىلاۋ كەزىندە جەرگە جاقىن ورنالاسقان, قولايلى ولشەمدەردەگى قارا وبەكتىنى اجىراتۋعا جانە تانۋعا بولاتىن, ەڭ ۇلكەن اراقاشىقتىق;
جارىق ەمەس رەڭدە جارىق كۇشى شامامەن 1000 كاندەل (كد) بولاتىن, وتتاردى اجىراتۋعا جانە تانۋعا بولاتىن ەڭ ۇلكەن اراقاشىقتىق; 71) كۇنتىزبە – ءبىر كۇندە رۇقسات بەرۋ قابىلەتى بار ۋاقىت ءساتىن انىقتاۋ نەگىزىن قامتاماسىز ەتەتىن ۋاقىتتى ديسكرەتتى ەسەپتەۋ جۇيەسى (يسو 19108*);
72) كۇردەلى مەتەورولوگيالىق جاعدايلار (بۇدان ءارى – كمج) – مەتەورولوگيالىق كورىنۋ 2000 مەتر جانە ودان از جانە (نەمەسە) ولاردىڭ جالپى كولەمى كەزىندە 2 وكتانتتان (3-4 باللدان) استام كەزدە بۇلتتاردىڭ تومەنگى شەكاراسىنىڭ بيىكتىگى 200 مەتر جانە ودان تومەن بولاتىن جاعدايلار;
73) كۇتۋ ايماعى – اۋە كەمەلەرىنىڭ اۋەايلاققا جانە/نەمەسە قونۋعا كىرۋ كەزەگىن كۇتۋ ءۇشىن, ادەتتە اۋەايلاقتىڭ (اۋەتورابىنىڭ) اۋدانىنداعى ۇستىندە بەلگىلەنگەن, بەلگىلى ءبىر مولشەردەگى اۋە كەڭىستىگى;
74) كۇتۋ پۋنكتى – وعان تاياۋ ديسپەتچەرلىك رۇقساتتارعا سايكەس ۇشۋدى ورىندايتىن اۋە كەمەسى بولاتىن كوزبەن شولۋ نەمەسە وزگە دە قۇرالداردىڭ كومەگىمەن ايقىندالعان بەلگىلى ءبىر ورىن;
75) قابىلداۋشى ورگان – وزىنە اۋە كەمەسىن باقىلاۋدى باسقارۋدى العان, كەيىننەن اۋە كەمەسىنە ديسپەتچەرلىك قىزمەت كورسەتەتىن ورگان;
76) قاۋىپسىز بيىكتىك – اۋە كەمەسىن جەر بەتىمەن (سۋمەن) نەمەسە ونداعى كەدەرگىلەرمەن سوقتىعىسۋدان ساقتاۋعا كەپىلدىك بەرەتىن ەڭ از رۇقسات ەتىلەتىن ۇشۋ بيىكتىگى;
77) قاۋىپتى جاقىنداۋ – اۋە كەمەلەرىنىڭ ءوزارا نەمەسە باسقا ماتەريالدىق وبەكتىلەرمەن قاساقانا ەمەس جانە ۇشۋ تاپسىرماسىندا كوزدەلمەگەن, ونىڭ ناتيجەسىندە ولاردىڭ سوقتىعىسۋ قاۋپى تۋىندايتىن, بەلگىلەنگەن ارالىقتىڭ جارتىسىنان از جاقىنداۋى;
78) قوزعالىس تۋرالى اقپارات – اۋە كەمەسىنىڭ كومانديرىن ونىڭ ورنالاسقان جەرىنە نەمەسە بەلگىلەنگەن ۇشۋ باعىتىنا جاقىن بولۋى تۋرالى نەمەسە ەكيپاجعا قاۋىپتى جاقىندىقتى نەمەسە سوقتىعىسۋدى بولدىرماۋعا كومەكتەسەتىنىن ەسكەرتۋ ءۇشىن اقق ورگانىنان شىعاتىن اقپارات;
79) قونۋ الدىنداعى ءتۇزۋ سىزىق – قونۋ باعدارىنا شىعۋ نۇكتەسiنەن جەرگە قونۋ نۇكتەسiنە دەيiنگi قونۋعا كىرۋدىڭ قورىتىندى كەزەكتى;
80) قونۋعا ءدال ەمەس كىرۋ سحەماسى (NPA اعىلشىن تىلىندەگى قىسقارتىلۋى (بۇدان ءارى – NPA)) – ا ءتيپتى اسپاپتار بويىنشا ەكى ولشەمدىك (2D) قونۋعا كىرۋدى ورىنداۋعا ارنالعان تىگىنەن دالدەۋدى ەمەس بۇيىرىنەن دالدەۋدى قولدانىپ, اسپاپتار بويىنشا قونۋعا كىرۋ سحەماسى.
ەسكەرتپە: قونۋعا ءدال ەمەس كىرۋ سحەمالارى بويىنشا ۇشۋ سوڭعى ۋچاسكەدە ۇزدىكسىز تومەندەي وتىرىپ قونۋعا كىرۋ ءادىسىن (CDFA) قولدانا وتىرىپ ورىندالۋى مۇمكىن. بورتتاعى جابدىقپەن جاسالعان ەسەپتەۋلەر بويىنشا VNAV كونسۋلتاتيۆتىك دالدەۋ ارقىلى CDFA (PANS-OPS (Doc 8168) I تومىنىڭ I بولىگىنىڭ 4-ءبولىمىنىڭ 1-تاراۋىنداعى 1.8.1-تارماقتى قاراڭىز) اسپاپتار بويىنشا ءۇش ولشەمدىك (3D) قونۋعا كىرۋ بولىپ سانالادى. تومەندەۋدىڭ تالاپ ەتىلەتىن تىك جىلدامدىعىنىڭ اۆتوماتتاندىرىلماعان ەسەبى بار CDFA اسپاپتار بويىنشا ەكى ولشەمدىك (2D) قونۋعا كىرۋ بولىپ سانالادى;
81) قونۋعا ءدال كىرۋ سحەماسى (اعىلشىن تىلىندەگى قىسقارتىلۋى را (بۇدان ءارى – را)) – ناۆيگاتسيالىق جۇيەلەردى (ILS, MLS, GLS جانە ءى ساناتتى SBAS) پايدالانۋعا نەگىزدەلگەن, ا نەمەسە ۆ ءتيپتى اسپاپتار بويىنشا ءۇش ولشەمدىك (3D) قونۋعا كىرۋدى ورىنداۋعا ارنالعان اسپاپتار بويىنشا قونۋعا كىرۋ سحەماسى;
82) قونۋعا كىرۋدىڭ ارالىق ۋچاسكەسى - اسپاپتار بويىنشا قونۋعا كىرۋ سحەماسىنىڭ تومەندەگىلەر اراسىنداعى بولىگى:
قونۋعا كىرۋدىڭ ارالىق كەزەڭىنىڭ باقىلاۋ نۇكتەسى مەن قونۋعا كىرۋدىڭ سوڭعى كەزەڭىنىڭ باقىلاۋ نۇكتەسى اراسىنداعى:
كەرى سحەمانىڭ, «يپپودروم» سحەماسىنىڭ نەمەسە ەسەپتەۋ ادىسىمەن تارتىلاتىن جول جەلىسىنىڭ سوڭى مەن قونۋعا كىرۋدىڭ سوڭعى باقىلاۋ نۇكتەسى (نەمەسە نۇكتەسى);
83) قونۋعا كىرۋدىڭ باستاپقى ۋچاسكەسى – قونۋعا كىرۋدىڭ باستاپقى كەزەڭىنىڭ باقىلاۋ نۇكتەلەرى (اعىلشىن تىلىندەگى قىسقارتىلعان اببرەۆياتۋرا IAF, (بۇدان ءارى – IAF) مەن قونۋعا كىرۋدىڭ ارالىق كەزەڭىنىڭ باقىلاۋ نۇكتەلەرىنىڭ (اعىلشىن تىلىندەگى قىسقارتىلعان اببرەۆياتۋرا IF (بۇدان ءارى – IF) نەمەسە قونۋعا كىرۋدىڭ تۇپكىلىكتى كەزەڭىنىڭ باقىلاۋ نۇكتەسى اراسىنداعى اسپاپتار بويىنشا قونۋعا كىرۋ سحەماسىنىڭ ءبىر بولىگى;
84) قونۋعا كىرۋدىڭ بولجامدى ۋاقىتى – اقق ورگانىنىڭ ەسەپتەۋلەرى بويىنشا كەلەتىن اۋە كەمەسى قونۋعا كىرۋى ءۇشىن كۇتۋ پۋنكتىنىڭ كىدىرىسىنەن كەيىن كەتەتىن ۋاقىت;
85) قونۋعا كىرۋدىڭ تۇپكىلىكتى كەزەڭى – قونۋعا كىرۋدىڭ تۇپكىلىكتى كەزەڭىندەگى بەلگىلەنگەن باقىلاۋ نۇكتەسىندە, ال مۇنداي نۇكتە بولماعان جاعدايدا- ستاندارتتىق بۇرىلۋدىڭ, قونۋعا تىك بۇرىلۋدىڭ نەمەسە «يپپودروم» ۇلگىسىنىڭ سحەماسىنا جاقىنداۋ جولىنىڭ جەلىسىنە بۇرىلۋدىڭ سوڭىندا نەمەسە قونۋعا كىرۋ سحەماسىنداعى جولدىڭ سوڭعى جەلىسىنە شىعۋ نۇكتەسىنەن باستالاتىن جانە قونۋعا كىرۋ جالعاسۋى مۇمكىن نۇكتەدە جەلىدە نەمەسە ەكىنشى اينالىمعا كەتۋ كەزىندە اياقتالاتىن اسپاپتار بويىنشا قونۋعا كىرۋ سحەماسىنىڭ ءبىر بولىگى;
86) قوسالقى اۋەايلاق – ەگەر, بارۋ اۋەايلاعىنا ۇشۋ نەمەسە وعان قونۋ مۇمكىن بولماعان نەمەسە ورىنسىز بولعان جاعدايدا, اۋە كەمەسىنىڭ باراتىن اۋەايلاعى;
87) قوسارلى شولۋ راديولوكاتورى (بۇدان ءارى - قشرل) – راديولوكاتسيالىق ستانتسيا بەرگەن راديوبەلگى ەكىنشى ستانتسيانىڭ جاۋاپ راديوبەلگىسىن بەرۋگە شاقىراتىن راديولوكاتسيالىق جۇيە;
88) قشرل جاۋاپ بەرۋشىسىنىڭ كودى – اقق ورگانى تاعايىنداعان جانە اۋە كەمەسىنىڭ ەكيپاجىنا «ا» نەمەسە «س» رەجيمىندەگى قابىلداۋ-جاۋاپ بەرۋگە ارنالعان قوندىرعى ءۇشىن اۋە كەمەسىنىڭ ەكيپاجىنا بەرىلەتىن كود;
89) مانەۆر جاساۋ الاڭى – اۋە كەمەلەرىنىڭ ۇشۋىنا, قونۋىنا جانە جەردە جۇرۋىنە ارنالعان پەررونداردى قوسپاعاندا, اۋەايلاقتىڭ ءبىر بولىگى;
90) ءماجبۇرلى قونۋ – جوسپارعا سايكەس ۇشۋدى ورىنداۋعا مۇمكىندىك بەرمەيتىن سەبەپتەر بويىنشا اۋەايلاققا (قونۋ الاڭىنا) نەمەسە اۋەايلاقتان تىس قونۋ;
91) مىندەتتى حابارلامالار پۋنكتى (بۇدان ءارى – محپ) – ۇشىپ ءوتۋ تۋرالى پيلوت اقق ورگانىنىڭ ديسپەتچەرىنە حابارلاۋعا مىندەتتى اۋە تراسساسىنداعى, مارشرۋتتاعى, دالىزدەگى گەوگرافيالىق نۇكتە (باعدار), راديوناۆيگاتسيالىق پۋنكتە (بۇدان ءارى – رنن);
92) ناۆيگاتسيالىق سەرتيفيكاتتاۋ - بەلگىلەنگەن اۋە كەڭىستىگى شەگىندە سيپاتتامالارعا نەگىزدەلگەن ناۆيگاتسيا جاعدايلارىندا ۇشۋدى قامتاماسىز ەتۋگە قاجەتتى اۋە كەمەسىنە جانە ۇشۋ ەكيپاجىنا قويىلاتىن تالاپتاردىڭ جيىنتىعى;
93) وتىننىڭ ەڭ از قورى – بۇل تەرميندى اۋە كەمەسىنىڭ ەكيپاجى (پيلوتى), ەگەر اۋە كەمەسىنىڭ بورتىنداعى وتىننىڭ قورى اۋە كەمەسىنىڭ كىدىرۋىنە مۇمكىندىك بەرمەسە, بىراق اۆاريالىق جاعدايدى بىلدىرمەسە, ال كوزدەلمەگەن كىدىرۋ ورىن العان جاعدايدا, اۆاريالىق وقيعانىڭ تۋىنداۋى مۇمكىن ەكەندىگىن كورسەتسە قولدانادى;
94) وتپەلى قابات – ءوتۋ بيىكتىگى مەن ءوتۋ ەشەلونى اراسىنداعى اۋە كەڭىستىگى, وندا اۋە كەمەلەرىنە كولدەنەڭ ۇشۋ رەجيمىندە ۇشۋىنا تىيىم سالىنادى;
95) وتكىزۋ قابىلەتى – ديسپەتچەردىڭ جۇمىس جۇكتەمەسىنە جانە ۇشۋدى قاۋىپسىز ورىنداۋدى قامتاماسىز ەتۋگە اسەر ەتەتىن فاكتورلاردى ەسكەرە وتىرىپ, اۋە كەڭىستىگىنىڭ بەلگىلى ءبىر بولىگىندە ۋاقىت بىرلىگى ءۇشىن قىزمەت كورسەتىلەتىن اۋە كەمەلەرىنىڭ بارىنشا سانى;
96) ءوتۋ بيىكتىگى – بارومەترلىك بيىكتىك ولشەگىشتىڭ قىسىم شاكىلىن بەرىلگەن ەشەلوندى الۋ كەزىندە 760 ميلليمەترلىك سىناپ باعانى (بۇدان ءارى – مم. س. باع.) (1013,25 مبار/گپا) قىسىم مانىنە اۋىستىرۋ ءۇشىن اۋەايلاق اۋدانىندا بەلگىلەنگەن ءسالىستىرمالى/ابسوليۋتتى بيىكتىك;
97) ءوتۋ ەشەلونى – بارومەترلىك بيىكتىك ولشەگىشتىڭ قىسىم شاكىلىن 760 مم. س. باع. (1013 گپا) قىسىمىنان اۋەايلاق قىسىمىنا نەمەسە تەڭىز دەڭگەيىنە كەلتىرىلگەن ەڭ از قىسىمعا اۋىستىرۋ ءۇشىن بەلگىلەنگەن ەشەلون. ءوتۋ ەشەلونى اۋەايلاقتاعى (اەروتوراپتاعى) ۇشۋدىڭ تومەنگى قاۋىپسىز ەشەلونى بولىپ تابىلادى;
98) پەررونداعى قىزمەتتى ۇيىمداستىرۋدى قامتاماسىز ەتۋ – پەررونداعى اۋە كەمەلەرىنىڭ جانە كولىك قۇرالدارىنىڭ قىزمەتى مەن قوزعالىسىن رەتتەۋ ءۇشىن قامتاماسىز ەتىلەتىن قىزمەت كورسەتۋ;
99) راديولوكاتسيالىق باعىتتاۋ (ۆەكتورلاۋ) – اۋە كەمەلەرىن وسى راديولوكاتوردى پايدالانۋدىڭ نەگىزىندە بەلگىلى ءبىر باعىتتاردى كورسەتۋ ارقىلى ناۆيگاتسيالىق باعىتتاۋدى قامتاماسىز ەتۋ;
100) راديولوكاتسيالىق باقىلاۋ – اۋە كەمەلەرىنە ۇشۋدىڭ نومينالدىق تراەكتورياسىنان ەلەۋلى اۋىتقۋلارىنا قاتىستى اقپاراتتار مەن حابارلامالاردى بەرۋ ماقساتىندا راديولوكاتوردى پايدالانۋ;
101) راديولوكاتسيالىق ەشەلونداۋ – ولاردىڭ ورنالاسقان ورنى تۋرالى راديولوكاتسيالىق كوزدەردەن الىنعان دەرەكتەردىڭ نەگىزىندە جۇزەگە اسىرىلاتىن اۋە كەمەلەرىن ەشەلونداۋ;
102) راديوتەلەفونيا – باستى تۇردە اقپاراتپەن اۋىزشا تۇردە الماسۋعا ارنالعان راديوبايلانىس ءتۇرى;
103) راديوحابار – ناقتى ستانتسياسى (نەمەسە ستانتسيالارى) ايتىلمايتىن اەروناۆيگاتسياعا قاتىستى اقپارات بەرۋ;
104) راديو حابارلاندىرۋ باعدارلاماسى (ATIS اعىلشىن تىلىندەگى قىسقارتىلۋى (بۇدان ءارى – ATIS)) – اۋەايلاق اۋدانىندا اۋە كەمەلەرىنىڭ ەكيپاجدارىن قاجەتتى مەتەورولوگيالىق جانە ۇشۋ اقپاراتپەن جەدەل قامتاماسىز ەتۋ ءۇشىن ارنالعان راديو حابارلاندىرۋ باعدارلاماسى;
105) راسىمدىك قىزمەت كورسەتۋ – اقق بايقاۋ جۇيەلەرىن پايدالانباي اۋە قوزعالىسىنا قىزمەت كورسەتۋ ءادىسى;
106) راسىمدىك ەشەلونداۋ – راسىمدىك قىزمەت كورسەتۋ كەزىندە قولدانىلاتىن ەشەلونداۋ;
107) رۇقسات بەرۋدىڭ قولدانىلۋ شەكاراسى – اۋە كەمەسىنىڭ ەكيپاجىنا بەرىلەتىن شىن مانىندەگى ديسپەتچەرلىك رۇقساتقا دەيىنگى شەپ (پۋنكت, نۇكتە);
108) سوقتىعىسۋدى بولدىرماۋ بويىنشا ۇسىنىم – ۇشۋ-اقپاراتتىق قىزمەت كورسەتۋ كەزىندە سوقتىعىسۋدى بولدىرماۋدا پيلوتقا كومەك كورسەتۋ ماقساتىندا مانەۆرلەرگە قاتىستى اۋە قوزعالىسىنا قىزمەت كورسەتۋ ورگانى بەرگەن ۇسىنىم;
109) سوقتىعىسۋلاردى الدىن الۋدىڭ بورتتىق جۇيەسى (بۇدان ءارى – سابج) – جەرۇستى جابدىعىنا تاۋەلسىز جۇمىس ىستەيتىن جانە پيلوتقا (ۇشقىشقا) قشرل قابىلداعىش-جاۋاپ بەرگىشتەرمەن جابدىقتالعان اۋە كەمەلەرى جاساۋى مۇمكىن, شيەلەنىستى جاعدايلار تۋرالى اقپاراتتى بەرەتىن, قشرل-دىڭ قابىلداۋشى-جاۋاپ بەرۋشى بەلگىلەرىن پايدالانۋعا نەگىزدەلگەن, بورتتىق جۇيە;
110) تاراتۋشى ورگان – كەلەسى باعاتتاعى مارشرۋتتاعى اۋە قوزعالىسىنا ديسپەتچەرلىك قىزمەت كورسەتۋ ورگانىنا اۋە قوزعالىسىنا ديسپەتچەرلىك قىزمەت كورسەتۋدى قامتامسىز ەتۋگە جاۋاپكەرشىلىكتى بەرۋ پروتسەسىندە بولعان اۋە قوزعالىسىنا ديسپەتچەرلىك قىزمەت كورسەتۋ ورگانى;
111) تاۋ اۋەايلاعى (گيدرواۋەايلاق) – جەر بەدەرىمەن قيىلىساتىن جانە اۋەايلاقتىڭ (گيدرواۋەايلاقتىڭ) باقىلاۋ نۇكتەسىنەن 25 كيلومەتر (بۇدان ءارى – كم) راديۋستان استام جانە سالىستىرمالى تۇردە 500 قاتىستىق بيىكتىكتەرى بار جەردە ورنالاسقان نەمەسە تەڭىز دەڭگەيىنەن 1000 مەتر جانە ودان استام بيىكتە ورنالاسقان اۋەايلاق, (گيدرواۋەايلاق);
112) تاۋلى جەر – قيىسقان رەلەفپەن جانە 25 كم. راديۋستاعى 500 م. جانە ودان استام سالىستىرمالى بيىكتىكپەن, سونداي-اق تەڭىز دەڭگەيىنەن 2000 م. جانە ودان استام بيىكتىكپەن جەر;
113) تىگىنەن دالدەي وتىرىپ قونۋعا كىرۋ سحەماسى (APV اعىلشىن تىلىندەگى قىسقارتىلۋى (بۇدان ءارى – APV)) – ا ءتيپتى اسپاپتار بويىنشا ءۇش ولشەمدىك (3D) قونۋعا كىرۋدى ورىنداۋعا ارنالعان (PBN) سيپاتتامالارىنا نەگىزدەلگەن قونۋعا ءدال كىرۋ جانە ناۆيگاتسيالىق قونۋ ءۇشىن بەلگىلەنگەن تالاپتارعا جاۋاپ بەرمەيتىن بۇيىرىنەن جانە تىگىنەن دالدەۋدى پايدالا;
114) تىگىنەن ەشەلونداۋ – اۋە كەمەلەرىنىڭ بەلگىلەنگەن ارالىقتارداعى بيىكتىك بويىنشا بىتىراۋى;
115) تىك كورىنۋشىلىك – جەردەن باستاپ تىگىنەن قاراعاندا تومەنگى جەر بەتىندەگى وبەكتىلەر كورىنەتىن دەڭگەيگە دەيىنگى بارىنشا كوپ قاشىقتىق;
116) تىك ەشەلونداۋدىڭ قىسقارتىلعان مينيمۋمى (RVSM اعىلشىن تىلىندەگى قىسقارتىلۋى (بۇدان ءارى – RVSM)) – RVSM قولدانا وتىرىپ, ۇشۋعا رۇقساتى بار اۋە كەمەلەرىن ەشەلونداۋ ءۇشىن قولدانىلاتىن تىك ەشەلونداۋ ارالىعى;
117) تىكەلەي قوندىرۋعا بۇرۋ – قونۋعا كىرۋدىڭ ارالىق نەمەسە تۇپكىلىكتى كەزەڭىندە كەتەتىن جول جەلىسىنىڭ اياقتالۋى مەن جول جەلىسىنىڭ باستالۋىنىڭ اراسىندا اۋە كەمەسى ورىندايتىن بۇرىلۋ. جولدىڭ وسى جەلىلەرىنىڭ باعىتى قاراما-قايشى بولىپ تابىلمايدى;
118) ۇقج-داعى كۇتۋ ورنى – ۇقج قورعاۋعا ارنالعان ۇشۋ الاڭى بەتىندەگى, كەدەرگىلەردى شەكتەۋ نەمەسە رمج (ILS) سىندارلى (سەزىمتال) ايماق بەتىندەگى بەلگىلى ءبىر ورىن, وندا جەرمەن جۇرەتىن اۋە كەمەسى مەن كولىك قۇرالدارى توقتايدى جانە اقق ورگانىنان ودان ءارى نۇسقاۋلار كۇتەدى;
119) ۇقج تابانى – اۋە كەمەلەرىنىڭ قونۋى ءۇشىن پايدالانىلاتىن ۇقج ۋچاسكەسىنىڭ باسى;
120) ۇقج تابانىن ارتتىرۋ – ۇقج تابانىنىڭ تەڭىز دەڭگەيىنەن اسىپ ءتۇسۋى;
121) ۇشۋ اقپاراتى – ۇشۋدى قاۋىپسىز جانە ءتيىمدى ورىنداۋ ءۇشىن قاجەتتى اقپارات, ونىڭ ىشىندە اۋە قوزعالىسى, مەتەورولوگيالىق جاعدايلار, اۋەايلاقتىڭ جاي-كۇيى, باعىت قۇرالدارى مەن قىزمەت كورسەتۋ تۋرالى اقپارات;
122) ۇشۋ اقپاراتىنىڭ اۋدانى – ونىڭ شەگىندە ۇشۋ-اقپاراتتىق قىزمەت كورسەتۋ مەن اۆاريالىق حابار بەرۋ قامتاماسىز ەتىلەتىن بەلگىلى ءبىر مولشەردەگى اۋە كەڭىستىگى;
123) ۇشۋ الاڭى – جەرمەن ءجۇرۋ جولداردا (بۇدان ءارى – جج) ءبىر نەمەسە بىرنەشە ۇشۋ جولاقتارى, پەرروندار مەن ارنايى ماقساتتى الاڭدار ورنالاسقان اۋەايلاقتىڭ ءبىر بولىگى;
124) ۇشۋ باعىتى – اۋە كەمەسىنىڭ نەگىزگى پۋنكتتەرىمەن بەلگىلەنگەن جەردىڭ (سۋدىڭ) بەتىندەگى بەرىلگەن (بەلگىلەنگەن) ۇشۋ تراەكتورياسىنىڭ پروەكتسياسى;
125) ۇشۋ باعىتىندا ديسپەتچەرلىك رۇقسات – قازىرگى ۋاقىتتا اۋە كەمەسىن باسقارۋدى جۇزەگە اسىرمايتىن, اۋە قوزعالىسىنا قىزمەت كورسەتۋ ورگانى اۋە كەمەسىنە بەرگەن, شارتتى ديسپەتچەرلىك رۇقسات;
126) ۇشۋ بيىكتىگى – بەلگىلى ءبىر دەڭگەيدەن اۋە كەمەسىنە دەيىنگى تىك اراقاشىقتىق. ەسەپتەۋ باستالعان دەڭگەيگە قاراي بيىكتىكتەر ءارتۇرلى بولادى: شىنايى (اۋە كەمەسى تىكەلەي بولاتىن نۇكتە دەڭگەيىنەن), سالىستىرمالى (ۇقج تابانىنىڭ دەڭگەيىنەن, اۋەايلاق دەڭگەيىنەن, بەدەردىڭ ەڭ جوعارى نۇكتەسىنەن) جانە ءابسوليۋتتى (تەڭىز دەڭگەيىنەن);
127) ۇشۋ جولاعى – ۇشۋ-قونۋ جولاعىن جانە سوڭعى تەجەۋ جولاعىن (ەركىن ايماقتار) قامتيتىن اۋەايلاقتاعى ۇشۋ الاڭىنىڭ بەلگىلى ءبىر ۋچاسكەسى;
128) ۇشۋ-قونۋ جولاعىنا (بۇدان ءارى – ۇقج) رۋقساتسىز كىرۋ – ۇقج-نى اۋە كەمەسىنىڭ, كولىك قۇرالىنىڭ نەمەسە ادامنىڭ رۋقساتسىز يەلەنۋى;
129) ۇشۋدىڭ اۋەايلاق اينالىمى – ول بويىنشا (نەمەسە ونىڭ بولىگىنەن) ۇشىپ كوتەرىلۋدەن كەيىن بيىكتى الۋ, قونۋعا كىرۋ ءۇشىن تومەندەۋ, قونۋدى كۇتۋ, اۋەايلاق (قونۋ الاڭىنىڭ) ۇستىنەن ۇشۋدى جۇزەگە اسىرۋ ورىندالاتىن اۋەايلاق اۋدانىندا بەلگىلەنگەن باعىت;
130) ۇشۋ-قونۋ جولاعىنداعى كورىنۋشىلىك قاشىقتىعى (RVR اعىلشىن تىلىندەگى قىسقارتىلعان اببرەۆياتۋرا (بۇدان ءارى – RVR) – ۇشۋ-قونۋ جولاعىنداعى وستىك جەلىدە تۇرعان اۋە كەمەسى پيلوتى ونىڭ شەگىندە ۇشۋ-قونۋ جولاعىنىڭ بەتىندەگى تاڭبالاۋ بەلگىلەرىن نەمەسە ۇشۋ-قونۋ جولاعىن شەكتەيتىن نەمەسە ونىڭ وستىك جەلىسىن بىلدىرەتىن شىراقتاردى كورە الاتىن قاشىقتىق;
131) ۇشۋ ەشەلونى – قىسىمنىڭ 760 مم. س. باع. (1013,2 گپا) بەلگىلەنگەن شاماسىنا جاتقىزىلعان جانە قىسىمنىڭ بەلگىلەنگەن ارالىعى شاماسىنداعى باسقا دا مۇنداي بەتتەردەن كەيىن قالاتىن تۇراقتى اتموسفەرالىق قىسىم بەتى;
1-ەسكەرتپە. ستاندارتتى اتموسفەراعا سايكەس گرادۋيرلەنگەن بارومەترلىك بيىكتىڭ ولشەمى:
QNH بەلگىلەۋ كەزىندە ءابسوليۋتتى بيىكتىكتى كورسەتەتىن بولادى;
QFE بەلگىلەۋ كەزىندە QFE تىرەك نۇكتەسىندەگى سالىستىرمالى بيىكتىكتى كورسەتەتىن بولادى;
760 مم. س. باع. /1013,2 گپا قىسىمىن بەلگىلەۋ كەزىندە ول ۇشۋ ەشەلونداردى كورسەتۋ ءۇشىن پايدالانىلۋى مۇمكىن.
2-ەسكەرتپە. 1-ەسكەرتپەدە پايدالانىلعان «سالىستىرمالى بيىكتىك» جانە «ءابسوليۋتتى بيىكتىك» تەرميندەرى گەومەتريالىق سالىستىرمالى جانە ءابسوليۋتتى بيىكتىكتەردى ەمەس, اسپاپتىقتى بىلدىرەدى;
132) ۇشىپ كوتەرىلۋ – قونۋ جولاعى اۋە كەمەلەرىن قوندىرۋ جانە ۇشىرۋ ءۇشىن دايىندالعان قۇرعاقتاعى اۋەايلاقتىڭ ۇشۋ جولاعىنىڭ بەلگىلى ءبىر تىك بۇرىشتى ۋچاسكەسى;
133) ۇشىپ كوتەرىلۋ جانە قونۋ ايماعى – اۋە كەمەلەرىنىڭ ۇشىپ كوتەرىلۋ جانە قونۋعا كىرۋ كەزىندە مانەۆر جاساۋىن قامتاماسىز ەتەتىن شەكارالارداعى اۋەايلاق دەڭگەيىنەن بەلگىلەنگەن بيىكتىككە دەيىنگى (ادەتتە كۇتۋ ايماعىنىڭ ەكىنشى ەشەلونىن قوسا العاندا) اۋە كەڭىستىگى;
134) ۇشىپ ءوتۋ كەدەرگىلەرىنىڭ ابسوليۋتتىك/سالىستىرمالى بيىكتىگى – ۇشۋ-قونۋ جولاعىنىڭ ءتيىستى تابانىنان اساتىن نەمەسە ۇشىپ ءوتۋ كەدەرگىلەرىنىڭ ءتيىستى ولشەمدەرىن ساقتاۋدى قامتاماسىز ەتۋ ءۇشىن پايدالانىلاتىن اۋەايلاقتان اساتىن ەڭ از ءابسوليۋتتى نەمەسە ەڭ از سالىستىرمالى بيىكتىك;
135) حابارلامالاردى بەرۋ پۋنكتى – وعان قاتىستى اۋە كەمەسىنىڭ ورنالاسقان ورنى حابارلانۋى مۇمكىن بەلگىلى ءبىر گەوگرافيالىق باعدار;
136) تسيركۋليارلىق بايلانىس قۇرالدارى – ءبىر ۋاقىتتا ءۇش نەمەسە ودان دا كوپ پۋنكتتەر اراسىندا تىكەلەي سويلەسۋگە مۇمكىندىك بەرەتىن بايلانىس قۇرالدارى;
137) شەشىم قابىلداۋ بيىكتىگى – اۋە كەمەسىنىڭ كومانديرى قونۋ نەمەسە ەكىنشى اينالىمعا كەتۋ تۋرالى شەشىم قابىلدايتىن بەلگىلەنگەن بيىكتىك;
138) شەشىم قابىلداۋدىڭ ابسوليۋتتىك/سالىستىرمالى بيىكتىگى (بۇدان ءارى – شقب) – ەگەر پيلوت قونۋعا كىرۋدى جالعاستىرۋ ءۇشىن باعدارلارمەن قاجەتتى كورنەكى بايلانىستى بەلگىلەمەسە نەمەسە كەڭىستىكتەگى اۋە كەمەسىنىڭ جاعدايى قونۋدىڭ قاۋىپسىزدىگىن قامتاماسىز ەتپەسە, ەكىنشى اينالىمعا كەتۋ باستالۋعا ءتيىس قونۋعا ءدال كىرۋ كەزىندە بەلگىلەنگەن ابسوليۋتتىك نەمەسە سالىستىرمالى بيىكتىك. ابسوليۋتتىك شقب تەڭىزدىڭ ورتاشا دەڭگەيىنەن, ال سالىستىرمالى شقب ۇقج تابانىنىڭ دەڭگەيىنەن ەسەپتەلەدى.
ەسكەرتپە. «باعدارلارمەن قاجەتتى كورنەكى بايلانىس» تەرمينى كورنەكى قۇرالداردىڭ بولىگىندە نەمەسە اۋە كەمەسىنىڭ تۇرعان جەرىن پيلوتتىڭ باعالاۋى ءۇشىن جەتكىلىكتى ۋاقىت ىشىندە قونۋعا كىرەتىن ايماقتىڭ كورىنىسىن جانە ۇشۋدىڭ نومينالدىق تراەكتورياسىنا قاتىسى بويىنشا ونىڭ وزگەرۋ جىلدامدىعىن بىلدىرەدى;
139) شولۋ راديولوكاتورى – قاشىقتىق جانە ازيمۋت بويىنشا اۋە كەمەسىنىڭ ورنالاسقان ورنىن انىقتاۋ ءۇشىن پايدالانىلاتىن راديولوكاتسيالىق جابدىق;
140) ەشەلونداۋ – اۋە قوزعالىسىنىڭ قاۋىپسىزدىگىن قامتاماسىز ەتەتىن, بەلگىلەنگەن ارالىقتارداعى اۋە كەڭىستىگىندە اۋە كەمەلەرىنىڭ تىگىنەن, بويلاپ نەمەسە بۇيىرلەپ بىتىراۋىن بىلدىرەتىن جالپى تەرمين;
141) RVSM-مەن ۇشۋعا رۇقسات ەتىلگەن اۋە كەمەسى – ناۆيگاتسيالىق جابدىعى RVSM اۋە كەڭىستىگىندە ۇشۋ ءۇشىن بورت جۇيەلەرىنىڭ ەڭ از سيپاتتامالارىنا (MASPS) قويىلاتىن تەحنيكالىق تالاپتارعا سايكەس كەلەتىن اۋە كەمەسى.»;
مىناداي مازمۇنداعى 15-1-تارماقپەن تولىقتىرىلسىن:
«15-1. ەشەلونداۋدىڭ قىسقارتىلعان مينيمۋمدارىن نەمەسە جاڭا قاعيدالاردى ەنگىزۋدى قوسا العاندا, اقۇم جۇيەسىندەگى ۇشۋ قاۋىپسىزدىگىنە بايلانىستى وزگەرىس اەروناۆيگاتسيالىق ۇيىم وتكىزگەن ۇشۋ قاۋىپسىزدىگىن باعالاعاننىڭ كەيىن جۇزەگە اسىرىلادى نە ونىڭ تاپسىرىسى بويىنشا ۇشۋ قاۋىپسىزدىگىنىڭ قولايلى دەڭگەيىن قامتاماسىز ەتۋدى كورسەتەدى جانە پايدالانۋشىلارمەن كونسۋلتاتسيالار وتكىزىلدى.
اقۇم جۇيەسىندەگى وزگەرىستەرگە مىنالار جاتادى:
1) اۋە كەڭىستىگىندە نەمەسە اۋەايلاقتا قولدانىلۋعا جاتاتىن ەشەلونداۋدىڭ قىسقارتىلعان مينيمۋمدارى;
2) اۋە كەڭىستىگىندە نەمەسە اۋەايلاقتا قولدانىلۋعا جاتاتىن ۇشىپ شىعۋ جانە ۇشىپ كەلۋ قاعيدالارىن قوسا العاندا, ۇشۋدى ورىنداۋدىڭ ەنگىزىلەتىن جاڭا پايدالانۋ راسىمدەرى;
3) اقق باعىتتارىنىڭ قۇرىلىمىن وزگەرتۋ;
4) اۋە كەڭىستىگىنىڭ قۇرىلىمىن وزگەرۋ سەكتورلارعا ءبولۋ;
5) اۋەايلاقتاعى ۇقج جانە/نەمەسە جەردە ءجۇرۋ جولاقتارى كونفيگۋراتسياسىنىڭ فيزيكالىق وزگەرىستەرى;
6) جاڭا جۇيەلەردى نەمەسە بايلانىس, باقىلاۋ جابدىقتارىن جانە ۇشۋ قاۋىپسىزدىگى ءۇشىن ماڭىزى بار, ونىڭ ىشىندە جاڭا فۋنكتسيالاردى جانە/نەمەسە مۇمكىندىكتەردى قامتاماسىز ەتەتىن, باسقا دا جابدىقتاردى ەنگىزۋ.
اەروناۆيگاتسيالىق ۇيىم ۇشۋ قاۋىپسىزدىگىنىڭ بەلگىلەنگەن دەڭگەيىن ودان ءارى قولداۋدى تەكسەرۋ ماقساتىندا ەنگىزۋ ناتيجەلەرىن باقىلاۋ مۇمكىندىگىنىڭ بولۋىن قامتاماسىز ەتەدى (وزگەرىس سيپاتىنىڭ سالدارىنان ۇشۋ قاۋىپسىزدىگىنىڭ قولايلى دەڭگەيى سانى جاعىنان كورسەتۋ مۇمكىن بولماعان جاعدايلاردا, ۇشۋ قاۋىپسىزدىگىن باعالاۋ پايدالانۋ تاجىريبەسى نەگىزىندە جۇرگىزىلۋى مۇمكىن.).»;
مىناداي مازمۇنداعى 2-3-تاراۋمەن تولىقتىرىلسىن:
«2-3. اۋە كەڭىستىگىنىڭ اعىندارىن ۇيىمداستىرۋ:
17-24. اۋە كەڭىستىگىنىڭ اعىندارىن ۇيىمداستىرۋ - اقق ورگانىنىڭ وتكىزۋ قابىلەتىن بارىنشا پايدالانۋ مۇمكىندىگىن قامتاماسىز ەتۋ ءۇشىن جانە ءتيىستى اقق ورگانى مالىمدەگەن وتكىزۋ قابىلەتى اۋە قوزعالىسىنىڭ كولەمدەرىنە سايكەس كەلى ءۇشىن اۋە قوزعالىسىنىڭ قاۋىپسىز, رەتكە كەلتىرىلگەن جانە جىلدامداتىلعان اعىندارىن ۇيىمداستىرۋ بويىنشا قىزمەتى بىلدىرەدى.
17-25. اۋە قوزعالىسى اعىندارىن ۇيىمداستىرۋدىڭ نەگىزگى مىندەتتەرى:
1) اۋە كەڭىستىگىن پايدالانۋشىلاردىڭ اۋە كەڭىستىگىن پايدالانۋعا سۋارۋلاردا بارىنشا قاناعاتتاندىرۋ;
2) اقق ورگاندارىن وتكىزۋ قابىلەتىنىڭ ارتۋىنان قورعاۋ;
3) اۋە قوزعالىسىنا قىزمەت كورسەتۋ كەزىندە ۇشۋ قاۋىپسىزدىگىنىڭ قاجەتتى دەڭگەيىن قامتاماسىز ەتۋ بولىپ تابىلادى.
17-26. اۋە قوزعالىسىنىڭ اعىنىن ۇيىمداستىرۋدى رەتتەۋ جونىندەگى شارالار مىنالارعا:
1) زاڭسىز ارالاسۋعا ۇشىراعان;
2) ىزدەستىرۋ-قۇتقارۋ ۇشۋلارىن, تابيعي جانە تەحنوگەندىك سيپاتتاعى توتەنشە جاعدايلار كەزىندە كومەك كورسەتۋ ماقساتىنداعى, سونداي-اق مەديتسينالىق جانە باسقا دا گۋمانيتارلىق ماقساتتاعى ۇشۋلاردى ورىندايتىن;
3) «ا» جانە «وك» ليتەرى بويىنشا اۋە كەمەلەرىنىڭ ۇشۋىن;
4) مەملەكەتتىك ورگانداردىڭ ارنايى مالىمدەلگەن ۇشۋىن ورىندايتىن اۋە كەمەلەرىنە قولدانىلمايدى.
17-27. اقق ورگاندارى قىزمەت كورسەتەتىن اۋە كەمەلەرىنىڭ سانى باسىم جاعدايدا اقق ورگاندارى ۇشۋدى باسقارۋدى قاۋىپسىز قامتاماسىز ەتە الاتىن اۋە كەمەلەرىنىڭ سانىنان اسپاۋى ءتيىس.
17-28. اۋە قوزعالىسىنىڭ قاجەتتىلىگى ۇزاق جانە ءجيى كەشىگۋدى تۋدىرا وتىرىپ, اقق ورگاندارىنىڭ وتكىزۋ قابىلەتتىلىگىنەن تۇراقتى تۇردە اسىپ كەتكەن جاعدايدا, اەروناۆيگاتسيالىق ۇيىم:
وتكىزۋ قابىلەتتىلىگىن بارىنشا پايدالانۋعا باعىتتالعان شارالاردى قابىلدايدى;
اۋەايلاق پايدالانۋشىسىمەن بىرلەسىپ ناقتى جانە بولجامدى قاجەتتىلىكتەرگە ەسەپتەلگەن وتكىزۋ قابىلەتتىلىگىن ارتتىرۋ بويىنشا جوسپارلاردى ازىرلەيدى.
17-29. وتكىزۋ قابىلەتتىلىگى ناقتى اسىپ كەتكەن كەزدە اقق ورگانىنىڭ, وسى نۇسقاۋلىقتىڭ 17-26-تارماعىندا كورسەتىلگەن جاعدايلاردى قوسپاعاندا, اۋە كەڭىستىگىنىڭ ناقتى كولەمىنە (سەكتورىنا) كىرۋدى شەكتەۋگە قۇقىعى بار.»;
مىناداي مازمۇنداعى 23-2, 23-3, 23-4, 23-5, 23-6 جانە 23-7-تارماقتارمەن تولىقتىرىلسىن:
«23-2. بارلىق جاعدايدا بىرىكتىرىلگەن ديسپەتچەرلىك پۋنكتتەردە (سەكتورلاردى) جۇمىس ىستەۋ ءۇشىن اۋە قوزعالىسىنا قىزمەت كورسەتۋشى پەرسونالدىڭ ءاربىر