2016 جىلعى 28 قاڭتار, استانا قالاسى
كابىلدىك كارىزدى پايدالانۋعا بەرۋ قاعيدالارىن بەكىتۋ تۋرالى
«بايلانىس تۋرالى» 2004 جىلعى 5 شىلدەگى قازاقستان رەسپۋبليكاسى زاڭىنىڭ 8-بابى 1-تارماعىنىڭ 8-6) تارماقشاسىنا سايكەس بۇيىرامىن:
1. قوسا بەرىلىپ وتىرعان كابىلدىك كارىزدى پايدالانۋعا بەرۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (ت.ب. قازانعاپ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبيكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج. قاسىمبەك
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىسىنىڭ
2016 جىلعى 28 قاڭتارداعى №120 بۇيرىعىمەن بەكىتىلگەن
كابىلدىك كارىزدى پايدالانۋعا بەرۋ قاعيدالارى
1. جالپى ەرەجەلەر
1. وسى كابىلدىك كارىزدى پايدالانۋعا بەرۋ قاعيدالارى (بۇدان ءارى –قاعيدالار) «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسى زاڭىنىڭ 8-بابى 1-تارماعىنىڭ 8-6) تارماقشاسىنا سايكەس ازىرلەندى جانە كابىلدىك كارىزدى پايدالانۋعا بەرۋ ءتارتىبىن ايقىندايدى.
2. وسى قاعيدالاردا مىناداي تۇسىنىكتەر مەن قىسقارتۋلار قولدانىلادى:
1) كابىلدىك كارىز - بايلانىس كابىلدەرىن توسەۋگە, قۇراستىرۋعا جانە تەحنيكالىق قىزمەت كورسەتۋگە ارنالعان جەراستى قۇبىرلارى مەن قۇدىقتاردىڭ جيىنتىعى;
2) كابىلدىك كارىز ارناسىنداعى ورىن – كابىلدىك كارىز ارناسىندا بايلانىس كابىلى ورنالاستىرىلاتىن ورىن (اۋدان);
3) كابىلدىك كارىزدىڭ بوس سىيىمدىلىعى – پايدالانۋعا قولجەتىمدى جانە كابىلدىك كارىزدىڭ جالعا بەرۋشىسى جۋىرداعى ون ەكى اي ىشىندە پايدالانۋدى كوزدەمەگەن, رەزەرۆكە/برونعا قويىلماعان كابىلدىك كارىز ارناسىنىڭ/ارنالارىنىڭ كولدەنەڭ قيماسىنىڭ بوس اۋدانى;
4) كابىلدىك كارىزدى جالعا الۋشى (بۇدان ءارى – جالعا الۋشى) – كابىلدىك كارىزدى جالعا بەرۋشىدەن كابىلدىك كارىزدى پايدالانۋعا شارت تالاپتارىنا سايكەس الاتىن جەكە نەمەسە زاڭدى تۇلعا;
5) كابىلدىك كارىزدى جالعا بەرۋشى (بۇدان ءارى – جالعا بەرۋشى) – شارت تالاپتارى بويىنشا جالعا الۋشىلارعا كابىلدىك كارىزدەگى ارنادا بايلانىس كابىلدەرىن جۇرگىزۋ ءۇشىن ورىن بەرەتىن, كابىلدىك كارىزدىڭ يەسى بولىپ تابىلاتىن جەكە نەمەسە زاڭدى تۇلعا;
6) كابىلدىك كارىز قۇبىرجولىنىڭ ارناسى (بۇدان ءارى – ارنا) – بايلانىس كابىلدەرىن جۇرگىزۋگە ارنالعان كابىلدىك كارىز قۇبىرجولىنىڭ ىشكى قۋىسى;
7) كابىلدىك كارىزدە كابىلدى توسەۋگە ارنالعان تەحنيكالىق تالاپتار (بۇدان ءارى – تت) – كابىلدىك كارىزدى پايدالانۋعا الۋ ءۇشىن تەحنيكالىق تالاپتار;
8) رۇقسات-نارياد – جالعا الۋشىنىڭ پايدالانۋىنا بەرىلگەن, كابىلدىك كارىزدە سالىنعان, بايلانىس كابىلىنىڭ جوندەۋ-قالپىنا كەلتىرۋ جانە جوسپارلى- الدىن الۋ جۇمىستارىن جۇرگىزۋگە جالعا بەرۋشىنىڭ جازباشا كەلىسىمى.
3. كابىلدىك كارىزدى پايدالانۋعا بەرۋ بويىنشا قىزمەتتەر قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 جەلتوقسانداعى №175 بۇيرىعىمەن بەكىتىلگەن (نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 10705 بولىپ بەكىتىلگەن) تابيعي مونوپوليالار سالاسىنداعى رەتتەلەتىن قىزمەتتەرگە (تاۋارلارعا, جۇمىستارعا) قول جەتكىزۋدىڭ تەڭ جاعدايلارىن ۇسىنۋ قاعيدالارىنا سايكەس كابىلدىك كارىزدى جالعا الۋشىلاردىڭ بارلىق ساناتتارىنا تەڭ جاعدايدا كورسەتىلەدى.
2. كابىلدىك كارىزدى پايدالانۋعا بەرۋ ءتارتىبى
4. كابىلدىك كارىزدى پايدالانۋعا بەرۋ مىناداي:
1) كابىلدىك كارىزدى پايدالانۋعا بەرۋ بويىنشا قىزمەتتەردى الۋعا ەركىن نىساندا ءوتىنىش بەرۋشىنىڭ جالعا بەرۋشىگە ءوتىنىم جىبەرۋى;
2) جالعا بەرۋشىنىڭ تت ازىرلەۋى جانە ونى ءوتىنىش بەرۋشىگە بەرۋى;
3) ءوتىنىش بەرۋشى ءۇشىن كابىلدىك كارىزدەن جالعا بەرۋشىنىڭ ورىندى برونداۋى;
4) جالعا بەرۋشىنىڭ كابىلدىك كارىزدە بايلانىس كابىلىن جۇرگىزۋدىڭ جۇمىس جوباسىن كەلىسۋى;
5) كابىلدىك كارىزدى پايدالانۋعا بەرۋگە شارت جاساۋى;
6) كابىلدىك كارىزدە بايلانىس كابىلىن جۇرگىزۋگە جانە كابىلدىك كارىزدى پايدالانۋعا جالعا بەرۋشىنىڭ تەحنيكالىق قاداعالاۋى كىرەتىن, ۇيىمداستىرۋشىلىق-تەحنيكالىق ءىس-شارالار كەشەنىن بىلدىرەدى.
5. كابىلدىك كارىزدى پايدالانۋعا بەرۋ بويىنشا قىزمەتتەردى الۋ ءۇشىن وتىنىشتە (بۇدان ءارى - ءوتىنىش) مىنالار:
1) ءوتىنىش بەرۋدىڭ كۇنى مەن ۋاقىتى (ساعات, مينۋت);
2) ءوتىنىش بەرۋشىنىڭ اتاۋى, ونىڭ ورنالاسقان جەرى (زاڭدى مەكەنجايى), بانكتىك رەكۆيزيتتەرى, جەكە سايكەستىك نومىرى/بيزنەس-سايكەستىك ءنومىرى;
3) كابىلدىك كارىزدە بايلانىس كابىلدەرىن جۇرگىزۋ (كابىلدىڭ ءتۇرىن, ماركاسىن جانە سىرتقى ديامەترىن كورسەتە وتىرىپ) جوسپارلانىپ وتىرعان, ءوتىنىش بەرۋشى وبەكتىلەرىنىڭ مەكەن-جايلارى;
4) جوسپارلانىپ وتىرعان كابىلدى جۇرگىزۋدىڭ جانە ونى ودان ءارى پايدالانۋدىڭ ماقساتى كورسەتىلەدى.
6. ءوتىنىش ەكى دانادا جالعا بەرۋشىگە بەرىلەدى, ونىڭ بىرەۋى كەلىپ تۇسكەن كىرىس تىركەۋ نومەرىمەن جالعا بەرۋشى ءوتىنىش بەرۋشىگە قايتارادى.
7. وتىنىشتەردى جالعا بەرۋشى ءتۇسۋ رەتى بويىنشا قاراستىرادى.
8. كابىلدىك كارىزدىڭ بوس سىيىمدىلىعى بولماعان جاعدايدا جالعا بەرۋشى ءوتىنىش العان كۇننەن باستاپ كۇنتىزبەلىك ون كۇن ىشىندە ءوتىنىش بەرۋشىگە, وعان قاجەتتى باعىت بويىنشا شارتتىق نەگىزدە قولدانىستاعى كابىلدىك كارىزدى كەڭەيتۋدى جۇرگىزۋدى ۇسىنادى.
9. كابىلدىك كارىزدىڭ بوس سىيىمدىلىعى بولماعان جانە ءوتىنىش بەرۋشى كابىلدىك كارىزدى كەڭەيتۋدەن باس تارتقان جاعدايدا جالعا بەرۋشى ءوتىنىشتى العان كۇننەن باستاپ كۇنتىزبەلىك وتىز كۇن ىشىندە ءوتىنىش بەرۋشىگە كابىلدىك كارىزدى پايدالانۋعا بەرۋدەن باس تارتۋى تۋرالى جاۋاپ بەرەدى.
10. كابىلدىك كارىزدە بوس سىيىمدىلىق بار بولعان جاعدايدا, جالعا بەرۋشى ءوتىنىشتى العان كۇننەن باستاپ كۇنتىزبەلىك وتىز كۇن ىشىندە ءوتىنىش بەرۋشىگە تت بەرەدى, ونىڭ نەگىزىندە ءوتىنىش بەرۋشى بايلانىس كابىلىن جۇرگىزۋگە جۇمىس جوباسىن ازىرلەيدى نەمەسە ازىرلەۋگە تاپسىرىس بەرەدى.
تت بەرۋ كەزىندە ءوتىنىش بەرۋشىنىڭ قاراجاتى ەسەبىنەن سالىنعان بايلانىس كابىلدەرىن جانە كابىلدىك كارىزدىڭ وبەكتىلەرىن جالعا بەرۋشىنىڭ مەنشىگىنە بەرۋ تالابى بەلگىلەنبەيدى.
11. جالعا بەرۋشىنىڭ تت ازىرلەۋى مەن بەرۋى مىنالاردى:
1) كابىلدىك كارىزدە بوس ورىننىڭ بار بولۋىن انىقتاۋ جانە كابىلدىك كارىزدىڭ قايتا قۇرۋىن جۇرگىزەتىن ۋچاسكەلەردى ايقىنداۋ بويىنشا ىزدەستىرۋ جۇمىستارىن;
2) كابىلدىك كارىزدە بوس ورىندى رەزەرۆكە قويۋ (برونعا قويۋ) تۋرالى دەرەكتەردى تەحنيكالىق ەسەپكە الۋ جۇيەسىنە ەنگىزۋدى;
3) جالعا بەرۋشىنىڭ كوممۋنيكاتسيالارى بويىنشا كابىلدى جۇرگىزۋدىڭ وڭتايلى تراسساسىن انىقتاۋدى;
4) بايلانىس كابىلىن جۇرگىزۋ سۇلباسىن (تراسساسىن) ازىرلەۋدى;
5) ءتيىستى شارتتاردىڭ جوبالارىن دايىنداۋدى قامتيدى.
12. تت بەرىلگەن كۇنىنەن باستاپ ءبىر جىل ىشىندە جارامدى بولىپ سانالادى.
13. تت بەرىلگەن كەزدە, جالعا بەرۋشى ءبىر ۋاقىتتا كابىلدىك كارىزدىڭ ارناسىندا ورىنداردى برونعا قويادى.
جالعا بەرۋشىنىڭ ءوتىنىش بەرۋشى ءۇشىن كابىلدىك كارىزدە ورىنداردى برونعا قويۋى بەرىلگەن تت سايكەس ءارى قاراي پايدالانۋ ءۇشىن كابىلدىك كارىزدىڭ ارناسىندا ورىنداردى ءوتىنىش بەرۋشىگە بەكىتۋدى قامتيدى.
14. ءوتىنىش بەرۋشى تت العاننان جانە كابىلدىك كارىزدە ورىنداردى برونعا قويعاننان كەيىن ءوتىنىش بەرۋشى كابىلدىك كارىزدە كابىلدى توسەۋ ءۇشىن جۇمىس جوباسىن دايىندايدى, ول جالعا بەرۋشىمەن كەلىسىلەدى. جالعا بەرۋشىنىڭ كابىلدىك كارىزدە بايلانىس كابىلىن توسەۋدىڭ جۇمىس جوباسىن كەلىسۋىنە مىنالار:
1) كابىلدى توسەۋ جولىن تەكسەرۋ;
2) كابىلدىڭ توسەۋ كارتوگرامماسىن بايلانىس كابىلى توسەلەتىن ارنانى الۋدىڭ دۇرىستىعىنا تەكسەرۋ;
3) جوبالانعان بايلانىس كابىلىنىڭ توسەۋ شارتىن انىقتاۋ كىرەدى.
15. جۇمىس جوباسىنا قويىلاتىن تالاپتار ءوتىنىش بەرۋشىگە جوبالاۋدى باستاعانعا دەيىن بەرىلەدى نەمەسە جالعا بەرۋشىنىڭ ينتەرنەت-رەسۋرسىندا جاريالانادى.
16. جالعا بەرۋشى جۇمىس جوباسىن العان كۇننەن باستاپ ون جۇمىس كۇنى ىشىندە جۇمىس جوباسىن كەلىسەدى نەمەسە ءوتىنىش بەرۋشىنى كەلىسۋدەن باس تارتۋ تۋرالى ەركىن نىساندا جازباشا حابارلايدى.
17. جۇمىس جوباسىن كەلىسكەننەن كەيىن جالعا بەرۋشى مەن ءوتىنىش بەرۋشى كابىلدىك كارىزدى پايدالانۋعا بەرۋ تۋرالى شارت جاسايدى.
18. كابىلدىك كارىزدى پايدالانۋعا بەرۋ تۋرالى شارتتا (بۇدان ءارى – شارت) مىناداي:
1) كابىلدىك كارىزدىڭ جاي-كۇيىنە جالعا بەرۋشىنىڭ تەحنيكالىق قاداعالاۋى تۋرالى;
2) كابىلدىك كارىزدى پايدالانۋ تۋرالى;
3) كابىلدىك كارىزدە ورناتىلعان تەحنيكالىق قۇرالداردى, ينجەنەرلىك جانە وندىرىستىك قۇرىلعىلاردى پايدالانۋ جانە كۇتىم جاساۋ تۋرالى;
4) جالعا بەرۋشىنىڭ كابىلدىك كارىزگە پايدالانۋشىلىق كۇتىم جاساۋدى جانە جوندەۋدى كەلىسۋى جانە جۇرگىزۋى تۋرالى;
5) كابىلدىك كارىزدى پايدالانۋعا بەرۋگە ءوزارا ەسەپ ايىرىسۋ تۋرالى;
6) كابىلدىك كارىزدەگى رەسۋرستاردى بوساتۋ (كارىزدى بولشەكتەۋ) تۋرالى;
7) كابىلدىك كارىزگە قول جەتكىزۋدى ۇيىمداستىرۋ تۋرالى تالاپتار قامتىلادى.
19. كابىلدىك كارىزدە بايلانىس كابىلىن جۇرگىزۋگە جانە كابىلدىك كارىزدى پايدالانۋعا جالعا بەرۋشىنىڭ تەحنيكالىق قاداعالاۋىنا مىنالار:
1) بەرىلگەن تت سايكەس جانە كەلىسىلگەن جوباعا سايكەس جالعا بەرۋشىنىڭ كابىلدى جۇرگىزۋگە رۇقسات-نارياد بەرۋى;
2) جۇمىس جۇرگىزىلەتىن جەرگە جالعا بەرۋشى ماماندارىنىڭ بارۋى;
3) كابىلدىك كارىز ارناسىندا كابىلدى جۇرگىزۋ بويىنشا جۇمىستاردى ورىندايتىن ۇيىمداردى جالعا بەرۋشىنىڭ تەحنيكالىق قاداعالاۋى;
4) كابىلدىك كارىز ارناسىندا جۇرگىزىلگەن بايلانىس كابىلىنە كۇتىم جاساۋ بويىنشا كابىلدىك كارىزدە جوسپارلى جانە جوسپاردان تىس جۇمىستاردى ورىندايتىن ۇيىمداردى جالعا بەرۋشىنىڭ تەحنيكالىق قاداعالاۋى;
5) جۇرگىزىلگەن بايلانىس كابىلدەرىن جوندەۋ جانە قالپىنا كەلتىرۋ جۇمىستارىن جۇرگىزەتىن, قايتا قۇرۋدى ورىندايتىن ۇيىمداردى جالعا بەرۋشىنىڭ تەحنيكالىق قاداعالاۋى كىرەدى.
20. كابىلدىك كارىزدى جالعا بەرۋشى جالعا الۋشىعا شارتتا بەلگىلەنگەن تالاپتارعا سايكەس كابىلدىك كارىزگە قولجەتىمدىك بەرەدى.
21. جۇمىس جوباسىنا سايكەس كابىلدىك كارىزدە قۇراستىرۋ جۇمىستارىن جۇرگىزۋگە رۇقسات الۋ ءۇشىن جالعا الۋشى جالعا بەرۋشىگە جازباشا تۇردە ءوتىنىش جاسايدى. وتىنىشتە جۇمىس جوباسىنا سايكەس جۇمىستار ورىنداۋ جوسپارلانىپ وتىرعان كابىلدىك كارىزدىڭ ۋچاسكەسى (ۋچاسكەلەرى) جانە وسى جۇمىستاردى جۇرگىزۋ مەرزىمدەرى انىقتالادى.
وتىنىشكە مىنالار:
1) كابىلدىك كارىزدىڭ ۋچاسكەسىندە جۇمىستار جۇرگىزەتىن تۇلعالار تىزبەسى;
2) قۇرىلىس جۇمىستارىن ورىنداۋ ءۇشىن مەردىگەر ۇيىم تارتۋ تۋرالى جالعا الۋشىنىڭ كەپىلدەمە حاتى (جۇمىسقا تارتىلعان جاعدايدا);
3) كەلىسىلگەن جۇمىس جوباسىنىڭ كوشىرمەسى;
4) شارتتىڭ دەرەكتەمەلەرى;
5) ارحيتەكتۋرا, قالا قۇرىلىسى جانە قۇرىلىس سالاسىندا شارۋاشىلىق قىزمەتتى جۇزەگە اسىرۋعا ارنالعان ليتسەنزيالاردىڭ كوشىرمەلەرى نەمەسە وسىنداي ليتسەنزياسى بار مەردىگەر ۇيىممەن جاسالعان شارتتىڭ كوشىرمەلەرى قوسا بەرىلەدى.
22. جالعا بەرۋشى ءوتىنىش تىركەلگەن كۇننەن باستاپ 10 (ون) جۇمىس كۇنى ىشىندە ۇسىنىلعان قۇجاتتاردى تەكسەرەدى, جۇمىستاردىڭ جۇرگىزۋ مەرزىمدەرى مەن ءتارتىبىن كەلىسەدى, كابىلدىك كارىزدىڭ تەحنيكالىق جاي-كۇيىن تەكسەرەدى جانە جۇمىستار ورىنداۋ جوسپارلانىپ وتىرعان ۋچاسكەدەگى (ۋچاسكەلەردەگى) كابىلدىك كارىزدى جالعا الۋشىعا (مەردىگەرگە) وسى ۋچاسكەلەردە كابىلدىك كارىزدىڭ ناقتى جاي-كۇيى انىقتالاتىن ءتيىستى اكتىنى رەسىمدەي وتىرىپ, تاپسىرۋدى ۇيىمداستىرادى. كابىلدى جۇرگىزۋ بويىنشا جۇمىستاردى ورىنداۋ مۇمكىن بولماعان جاعدايدا, اكتىمەن اقاۋلاردى جويۋ ءتارتىبى مەن مەرزىمدەرى ايقىندالادى.
اقاۋلار جويىلعاننان كەيىن كابىلدىك كارىزدىڭ ۋچاسكەسىن بەرۋ تۋرالى ءتيىستى اكتى جاسالادى.
23. جالعا الۋشى (مەردىگەر) جۇمىس جوباسىنا سايكەس كابىلدەردى قۇراستىرۋدى جۇرگىزەدى.
جالعا الۋشىنىڭ بايلانىس كابىلى تۋ سايكەس كابىلدىك كارىزدىڭ جالعا الىنعان بولىگىندە ورناتىلادى.
كابىلدىك كارىزدەگى جالعا الۋشى جانە/نەمەسە مەردىگەر جۇرگىزەتىن بارلىق قۇرىلىس-قۇراستىرۋ جۇمىستارى جالعا بەرۋشىنىڭ تەحنيكالىق قاداعالاۋ جونىندەگى ينسپەكتورىمەن كەلىسىلەدى جانە سونىڭ قاداعالاۋىمەن ورىندالادى.
بايلانىس كابىلىن جۇرگىزۋ بويىنشا ورىندالعان جۇمىستاردىڭ جۇمىس جوباسىنا, قولدانىستاعى نورمالارعا جانە تت-عا سايكەستىگىن ورناتۋ ماقساتىندا, سونداي-اق جۇمىستاردى جۇرگىزۋ ساپاسىن انىقتاۋ ءۇشىن سوڭعىلارى قابىلداۋعا جاتادى.
24. كابىلدىك كارىزدەگى جوسپارلى پايدالانۋ جۇمىستارى جالعا الۋشىمەن نەمەسە تەك جۇمىستارعا ءوتىنىمدى كەلىسكەننەن كەيىن ونىڭ اتىنان ارەكەت ەتەتىن مەردىگەرمەن جانە جالعا بەرۋشىنىڭ تەحنيكالىق قاداعالاۋ جونىندەگى ينسپەكتورىنىڭ باقىلاۋىمەن ورىندالادى.
جالعا الۋشىنىڭ جوسپارلى پايدالانۋ جۇمىستارى باستالعانعا دەيىنگى 3 ء(ۇش) جۇمىس كۇنى بۇرىن جولداناتىن حابارلاماسىندا جۇرگىزىلەتىن جۇمىستاردىڭ جوسپارلى كولەمى جانە جوبالانعان مەرزىم كورسەتىلەدى.
25. جوسپاردان تىس پايدالانۋ جۇمىستارى تۋرالى جالعا الۋشى جالعا بەرۋشىگە تەلەفون ارقىلى, سودان كەيىن كەلەسى جۇمىس كۇنىنىڭ اياعىنا دەيىن جازباشا راستاۋ جىبەرە وتىرىپ حاباردار ەتەدى. حابارلامادا جوسپاردان تىس پايدالانۋ جۇمىستارىن جۇرگىزۋدى باستاۋ ۋاقىتى كورسەتىلەدى.
حابارلاما نەگىزىندە جالعا بەرۋشى جالعا الۋشى كورسەتكەن جوسپاردان تىس پايدالانۋ جۇمىستارىن جۇرگىزۋدى باستاۋ ۋاقىتىنان باستاپ جالعا الۋشىعا كابىلدىك كارىزگە قولجەتىمدىلىك بەرەدى جانە ءتيىستى جۇمىستار جۇرگىزۋ بارىسىندا ولار تولىقتاي اياقتالعانعا دەيىن تەحنيكالىق قاداعالاۋدى قامتاماسىز ەتەدى. جالعا الۋشى جوسپاردان تىس پايدالانۋ جۇمىستارىن اياقتاعاننان كەيىن تاراپتار ءتيىستى اكتىمەن جۇمىستاردىڭ ورىندالۋىن راستايدى.
26. ءبىر ارنادا جۇرگىزىلەتىن بارلىق تۇردەگى بايلانىس كابىلدەرىنىڭ سانى جۇرگىزىلەتىن كابىلدەر ديامەترلەرىنىڭ سوماسى كابىلدىك ارنانىڭ 0,75 ديامەترىنەن اسپاۋى ءتيىس دەگەن تالاپتارمەن انىقتالادى.
27. جالعا بەرۋشى كابىلدىك كارىزدى پايدالانۋعا بەرۋ كەزىندە بوس جانە قولجەتىمدى ورىنداردىڭ بار بولۋى تۋرالى دەرەكتەردىڭ ەلەكتروندى بازاسىن, سونداي-اق ينجەنەرلىك كوممۋنيكاتسيانىڭ سۇلبالارىن جۇرگىزۋدى جانە ۇنەمى جاڭارتىپ تۇرۋدى قامتاماسىز ەتەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13328 بولىپ ەنگىزىلدى.