پرەمەر-مينيستر كارىم ءماسىموۆ قاراعاندى وبلىسىنا جۇمىس ساپارى اياسىندا وڭىردەگى مەتاللۋرگيا سالاسىنىڭ دامۋ الەۋەتىن باعالادى.
Pm.kz-ءتىڭ مالىمەتىنشە, «قازاقمىس كورپوراتسياسى» جشس باسقارما توراعاسى باحتيار قىرىقپىشەۆ ۇكىمەت باسشىسىنا كومپانيانىڭ قۇرىلىمدىق بولىمشەلەرىنىڭ جانە ءتۇستى مەتاللۋرگيانىڭ الەمدىك نارىقتاعى جانە ەلىمىزدەگى الەۋەتى جونىندە باياندادى.
ونىڭ ايتۋىنشا, وتكەن جىلى كورپوراتسيانىڭ بولىمشەلەرى, سونىڭ ىشىندە جەزقازعان مىس قورىتۋ زاۋىتى شامامەن 223 مىڭ توننا كاتودتى مىس وندىرگەن, بۇل – جوسپارداعى كورسەتكىشتەن 3 پايىزعا ارتىق. سۇرانىس پەن باعانىڭ تومەندىگىنە قاراماستان, كاسىپورىن توبى مىس ءوندىرىسىن 2014-2015 جىلداردىڭ كولەمىمەن بىردەي دەڭگەيدە ۇستاپ تۇرۋعا نيەتتى.
2016 جىلدىڭ العاشقى جارتىجىلدىعىندا كورپوراتسيا بولىمشەلەرى 111 مىڭ توننا كاتودتى مىس ءوندىردى, بۇل وتكەن جىلدىڭ سايكەس كەزەڭىمەن سالىستىرعاندا 8 پايىزعا ارتىق.
ايدار ورىسباەۆ