فۋتزالدان قازاقستان ۇلتتىق قۇراماسى تايلاندتا وتكەن حالىقارالىق ءتۋرنيردىڭ جەڭىمپازى اتاندى.
تۋرنير تايلاندتىڭ استاناسى - بانكگوك قالاسىندا ءوتتى. وعان تايلاند, يران, جاپونيا مەن قازاقستان قۇرامالارى قاتىستى. العاشقى ماتچتا ەلىمىزدىڭ باس كومانداسى يران كومانداسىمەن كەزدەسىپ, 3:3 ەسەبىمەن تەڭ وينادى. ەكىنشى ويىندا جاپونيا قۇراماسىن 9:0 ەسەبىمەن جەڭسە, ءۇشىنشى كەزدەسۋدە الاڭ يەلەرىمەن 3:3 ەسەبىمەن تەڭ ءتۇستى.
بۇل سىنعا قازاقستان قۇراماسى الەم چەمپيوناتىنا دايىندىق رەتىندە قاتىستى. الەم دوداسى 10 قىركۇيەك پەن 2 قازان ارالىعىندا كولۋمبيادا وتەدى. وندا قازاقستان توپتىق تۋرنيردە ارگەنتينا, كوستا-ريكا مەن سولومون ارالدارى قۇرامالارىمەن كەزدەسەدى.
داستان كەنجالين