بۇدان تۋرا 25 جىل بۇرىن, 1991 جىلعى 24 تامىزدا كەڭەس وداعىنىڭ ءبىرىنشى جانە سوڭعى پرەزيدەنتى ميحايل گورباچەۆ ءوزىنىڭ كەڭەس وداعى كوممۋنيستىك پارتياسى ورتالىق كوميتەتىنىڭ (كوكپ) باس حاتشىلىعى قىزمەتىنەن كەتەتىنىن جاريالادى.
ريا «نوۆوستي» اگەنتتىگىنىڭ جازۋىنشا, بۇعان سول كەزدە ەلدە ورىن سالعان ساياسي جاعدايلار مەن وزگەرىستەر سەبەپ بولعان.
ميحايل گورباچەۆتىڭ ءوزى ارادا شيرەك عاسىر وتكەننەن كەيىن مۇنداي شەشىمگە بارۋدىڭ وتە قيىنعا تۇسكەنىن, بىراق وتكەن ءومىر جولىنداعى ورىن العان نارسەلەردىڭ بارىنە بىلدىرەتىن وكپەسى جوق ەكەنىن ايتتى. بىرقاتار ساراپشىلار ونىڭ مۇنداي قادامعا بارۋىن تاريحي احۋال بەلگىلەپ قويعانىن, بۇدان باسقا جول قالماعانىن مالىمدەدى. كەلەسى ءبىر ساياساتتانۋشىلار سول كەزدە ونىڭ وتستاۆكاعا كەتۋىنىڭ ەشقانداي ساياسي قۇنى قالماعانىن, مۇنىڭ تەك تاريحي وقيعانى تىركەۋگە عانا جارايتىنىن اتاپ وتەدى.
سول 1991 جىلدىڭ جەلتوقسان ايىندا گورباچەۆ كسرو پرەزيدەنتى دەگەن لاۋازىمنىڭ دا ۋاكىلەتتىگىن توقتاتۋعا ءماجبۇر بولدى.
مۇرات ايتقوجا