قازاقستان رەسپۋبليكاسى ۇكىمەتىنىڭ قاۋلىسىمەن الان عازيز ۇلى اجىباەۆ اقپارات جانە كوممۋنيكاتسيالار ۆيتسە-ءمينيسترى بولىپ تاعايىندالدى. ول 1974 جىلى 22 قاڭتاردا الماتى قالاسىندا دۇنيەگە كەلگەن. 1996 جىلى اباي اتىنداعى الماتى مەملەكەتتىك ۋنيۆەرسيتەتىن بىتىرگەن, دەپ حابارلادى اقپارات جانە كوممۋنيكاتسيالار مينيسترلىگىنىڭ باسپاسوز قىزمەتى.
بىرنەشە رەت جۋرناليستيكا جانە تەلەراديوحابارلارىن تاراتۋ بويىنشا ءتۇرلى حالىقارالىق سەمينارلار مەن كورمەلەردىڭ قاتىسۋشىسى بولعان, لانكشير ۋنيۆەرسيتەتىنىڭ ( ۇلىبريتانيا) «باق مەنەدجمەنتى» سەرتيفيكاتىنىڭ يەگەرى.
2016 جىلعى قاڭتار ايىنان قازاقستان رەسپۋبليكاسى سىرتقى ىستەر مينيسترلىگى جانىنداعى قوعامدىق كەڭەستىڭ مۇشەسى بولعان, قازاقستان رەسپۋبليكاسى پرەزيدەنتى العىسىنىڭ يەگەرى, «نۇر وتان» پارتياسىنىڭ مۇشەسى.